Haagi 1:13 - Kafa Linguistics Project

¹³ Aroochee Doono Yeerichi wocheyechi Haagi asheenaꞌoyich, “ ‘Ta ittoshina tookkaa beeto taane’ itone Doono Yeeri” iye.

Haagi 1:13 ပူးပေါင်းရင်းမြစ်များ

1 Kiinoo 28:20

Aroochee Daawiti bi bushoo Solomoonich ishichiye: “Illa kupphebe; maaci kuxo tunebe; shuunoonoo wonnibe; ta Nuggishoo Doono Yeeri neenna tookkii bi tunetoyich shattaahine; keqqiyaahine. Biyoo ebi yaafee kechi shuunoo ciiremmi wottoon neen qayaachemmone; neen dufaachemmone.

2 Kiinoo 15:2

Azariyaasi Aasina daneya hammiꞌi, “Aaso, Yihudee asheenaꞌonaa Biiniyaamee asheenaꞌonote, ta waanee ellebote. Ittoshi, Doono Yeerina tookkii ittoshi tunegaata, Doono Yeeriyoo ittoshina tookki tunemmone. Ittoshi qaawigaatoo ittoshich danemmone. Tunebaani biin ittoshi qayigaata, ittoshin qajjemmone.

2 Kiinoo 20:17

Hini koyoon koyemmo ittoshi toonoone; ittoshi xaaꞌi xaaꞌoon yeshiree baach neexebote; manji neexebote. Doono Yeeri ta, wudoon ittoshich ta daniyoon beeggemmo ittoshine. Yihudee asheenaꞌonaa Yerusaalemi asheenaꞌonote, shati keqqiyaahote; yaach hamiree boonoshina koyebote. Doono Yeeri tawoo ittoshina tookki tunemmo taane’ itone” iye.

2 Kiinoo 32:8

Boonoshina tookkii beeto, ashi giidoone; tunebaani noonna tookkii beeto, noon gaachemmi, wottoo no etteenaꞌon nooch kochemmi, no Nuggishoo Doono Yeerine” iye. Ebi Yihudee taatoo Hiziqiyaasi gettiti qaaroona asheenaꞌo kuppheheete.

Shoddo 46:11

Beshe Mawe Doono Yeeri noonna tookkii beetone; Yaaqobichi Nuggishoo no deeboone.

Shoddo 46:7

Beshe Mawe Doono Yeeri noonna tookkii beetone; Yaaqobichi Nuggishoo no deeboone.

Isiyaasi 41:10

Ta neenna tookkaa ta tunetoyich, shattaahine; ne Nuggishoo ta tunetoyich, keqqiyaahine; ta neen kupphiyemmo taane; neen gaachemmo taane; cadiqe ta mochoona neen deggemmo taane.

Isiyaasi 42:19

Ta guunoyee besh wolloo konine? Ta daachiyemmi wocheyechoyee besh ulloo konine? Taach gibeneeti ashichoommon, wolleto, Doono Yeerichi guunochoommon wolloo konine?

Isiyaasi 43:2

Aachi daggoona ne beshaa beegaata, ta neenna tookki tunemmo taane; ooge aachi daggoona ne beshaa beegaata, aacinaꞌo neen qooxaachemminaꞌone; qaaqqee daggoona ne beshaa beegaata, neen michaachemmone; qaaqqee aaxxo neen michaachemmone.

Isiyaasi 44:26

tunebaani ta maddechinaꞌochi qaaroon kachiyemmo taane; ta wocheyechinaꞌochi ciicoon ceechemmo taane; Yerusaalemin ‘Ashi beemi xaaꞌoon tunemmine,’ Yihudee katemeenaꞌonoo ‘Wochinnoon shuuneyemminaꞌone,’ boonoshi buriceenaꞌonoo ‘Tiyemmo ittoshine,’ gettemmo taane.

Erimiyaasi 15:20

Hini maccoyich neen manje gooshee uxeroon tuniyemmo taane; neen kochemminaꞌone; tunebaani neen wodiyoonaa biishonoyich neenna tookkii ta tunetoyich neen koyi wochaachemminaꞌone, iye Doono Yeeri.

Erimiyaasi 20:11

Tunebaani Doono Yeeri hakkechi ginee naayochoommon taanna tookkiiniye; ebich taan yookkii beetinaꞌo tepheeshalli boonoshi gettemmo, taan xoobiyaachemminaꞌone; boonoshich kaameyaachemmo bi tunetoyich, oogichi yeellemminaꞌone; bulli aabooch batteyaani cooneyoon cooneyemminaꞌone.

Erimiyaasi 30:11

Neen wodiyoyich ta neenna tookkii taane, iye Doono Yeeri. Boonoshi daggooch neen ta yookketi aageteenaꞌo bullin aalliyemmo taane; tunebaani neen ciroona aalliyaachemmo taane; tatoona neen sheeremmo taane; neen sheeraanoon besheyaachemmo taane.

Hiziqeeli 3:17

“Ebich ashi bushoocho, neen Israꞌeelee macceenaꞌochi qayecho tuniito taane; ebich ta qaaroon waayebe; neech ta gettemmi qaaroona boonoshin meeqqeqqiibe.

Haagi 2:4

Illa and Zerubabeelo, kupphebe. Yehotsedeeqichi bushoo, qeeshee guudo Yaaso, kupphebe. Hini showeexi asheenaꞌote, kuppheree shuunebote. Beshe Mawe Doono Yeeri ta, ittoshina tookkaa taane.

Milikiyaasi 2:7

“Qeesheenaꞌo Beshe Mawe Doono Yeeri ta wocheyechinaꞌo boonoshi tunetoyich, boonoshi noonooch ariyoon kotiyoo boonoshich qaawiihe. Asheenaꞌoo boonoshi noonoochee doyoon qaawoo boonoshich qaawiihe.

Milikiyaasi 3:1

“Ebiyoche, gommon ta aafooch qanniyemmi ta wocheyechon daachiyemmo taane. Ittoshi qaawiibeeti Doono diqqoona yaafee kexooch woyemmone. Ittoshi qaatiibeeti wocheyecho waaree ittoshina tookkaa ta giyeti wogoon ittoshich awaajjemmone” iye Beshe Mawe Doono Yeeri.

Maatiyoosi 18:20

Ebiyoo guttoo woyee keemo tuneꞌi ta shigoona boonoshi kicee beetooch boonoshina tookkaa ta beetoyichiye” iye.

Roomi 8:31

Illa ebi mooyichon ama gettehone? Yeeri noonna tookkii bi tunegaata, noon koyi wochemmo konine?

2 Qorontoosi 5:20

Illa Yeeri no waanaa bi shoobbii beetoommon, Kiristoosichon getoyich wocheeti yakkirecho noone. “Yeerina tookki shunebote” iyaꞌa Kiristoosichi yakkirecho tunaꞌa ittoshin qollaabeeto noone.

2 Ximootiyoosi 4:17

Tunebaani mishiraachee qaaroon bechee shuunoo taanna bi ceennemmonaa Aageteenaꞌo bulli waayemmonoyich, Doono Yesuusi ta gaꞌooch neexeꞌi taan kupphiihe; daaheree gammoocheenoo taan wodiihe.

2 Ximootiyoosi 4:22

Doono Yesuus Kiristoosi neenna tookki tunebe. Yeerichi wojjoo ittoshi bullina tookki tunebe.

Woraaferasheenaꞌo 2:1

Doono Yeerichi maraakoo Galigalee Bokiim hammiꞌi Israꞌeeleenaꞌoyich ishichiye: “Gibitsee ittoshin kichaꞌa, ittoshi qaabbechinaꞌoyich imma ta wogeti showooch ittoshin deeboye. Tawoo ‘Ittoshina tookkaa ta giyeti wogoon happaachemmo taane.