Haagi 1:12 - Kafa Linguistics Project

¹² Aroochee Shelateeli bushoo Zerubabeelinaa Yehotsedeeqichi bushoo, qeeshee guudo Yaasina echeti curo bullina tookkii boonoshi Nuggishoo Doono Yeerichi qaaroon, wotta boonoshi Nuggishoo Doono Yeeri biin bi wochetoyich, keemechi Haagichi qaaroonoo waayeheete. Asheenaꞌoo Doono Yeerin shattiyeete.

Haagi 1:12 ပူးပေါင်းရင်းမြစ်များ

Halloo 22:12

Maraakoo “Bushoochi achooch shaggaahine. Bi toommooch amoonolla halliyaahine. Ne bushoon, ikke mixxe ne bushoon, taach woonaano ne tunetoyich, Yeerin shattaabeeto ne tunoon and ariito taane” iye.

Iziri 10:18

Qeesheenaꞌo yaroochee dallaawe maacheenaꞌon shaaggitinaꞌo daneheete; eboshiyoo: Yotsedeeqi bushoo Yaasinaa bi maneenaꞌonochi yaroochee: Maseyaahi, Elezeeri, Yariibinaa Gedaliyinane.

Iziri 5:2

Ebich Shelateeli bushoo Zerubabeelinaa Yotsedeeqi bushoo Yaasina Yerusaalem beeti Yeerichi kexon shuunoyich tiyiyeete. Boonoshin gaachemmi Yeerichi keemechinaꞌo boonoshina tookkii beetinaꞌone.

Shoddo 112:1

Haleluya! Doono Yeerin shattiibeeto, bi geteenaꞌona oogichii emiriibeeto, diireetone.

Shaahiyoo 1:7

Doono Yeerin shato ariyee shiichoone; tunebaani tuusheenaꞌo shalligoonaa sheeroonon hoxeheete.

Dojjecho 12:13

Ebiyoche bulli mooyon waayeto neene; bulli moochi taco ebine: Yeerin shate; bi geteenaꞌonoo ceechibe; asho koniyoona tuniiya bede mooyo ebine.

Isiyaasi 1:19

Deꞌa iꞌi ta getoon ittoshi waayegaata, showoochee daneebeeti gaawe maayoon maayemmo ittoshine;

Isiyaasi 50:10

Ittoshi daggoochee, Doono Yeerin shattii beetonaa bi guunochi qaaroyich deꞌa ii beetona, konine? Manderoona shaꞌeebeeto, bekko biich bekkeyaano, Doono Yeerin gibenebe; bi gibenoonoo bi Nuggishoo toommooch gede.

Haagi 1:1

Taatoo Daariyoosi taateti guttinnee natooba, shirittinnee agenee ikkinnee qemooba, Doono Yeeri keemechi Haagina, Yihudee iraashoo, Shelateeli bushoo Zerubabeelinaa Yehotsedeeqichi bushoo, qeeshee guudo Yaasinoyich bi gettiti qaaro:

Haagi 1:14

Doono Yeeriyoo Shelateeli bushoo, Yihudee iraashoo Zerubabeelichi mullo, wotta Yehotsedeeqichi bushoo, qeeshee guudo Yaasichi mulloonaa echeti curo bullichi mulloona tiyemmoyich tuniihe. Boonoshiyoo taatoo Daariyoosi taateti guttinnee natooba, shirittinnee agenee hiyaa awuddinnee qemooba, boonoshi Nuggishoo Beshe Mawe Doono Yeerichi kexon hagooch giyiyeete.

Mishiraachechinaꞌo 9:31

Arooba Yihudee showoo, Galiilee showoonaa Shamaaree showoo bullinooch beeti kittinnee guuphinaꞌo shatoochee kasheheete, manjiyeete; Doonoyichoo hajjeebee Yaafe Ayaanoona goggeebee qeyii qeyii meettiyeete.

Yibbaatoo 31:12

Waayeree ittoshi Nuggishoo Doono Yeerin shaton boonoshi doyemmoyich, hini sheeree qaaroon ceechiree boonoshi quyemmoyich, asheenaꞌon, ebiyoo anaamon, maacheen, bushiisheenaꞌonaa ne beeti katemooch koteti shiqqoonon ceegi kicibe.

Yibbaatoo 31:13

Ebina hini sheeroon waayeyaani ne shiijjereenaꞌo waayemminaꞌone. Yoordaanoosin kimiree ittoshi hajjemmi showooch boonoshi beeyemmi yemeeno bullin ne Nuggishoo Doono Yeerin shaton doyemminaꞌone” iye.

Qolaasiyaasi 1:6

Ebi mishiraachoo ittoshi waan shagaa, Yeerichi wojjee iberoon waayeꞌi gaawichii ittoshi ariiti aaboochee tiijjiꞌi ittoshi daggooch bi tuniitoommon, wotta ebiyoommon alemo bulliich aafoon aafee beetone; gaminniinoo beetone.

Hibireena'o 12:28

Ebich shuuraachemmi taatittinoon deqqemmo no tunetoyich, Yeerin galletebone; biin emirikkiibeeti gommona oogii shatibee biich goyinnebone.