Haagi 1:1 - Kafa Linguistics Project

¹ Taatoo Daariyoosi taateti guttinnee natooba, shirittinnee agenee ikkinnee qemooba, Doono Yeeri keemechi Haagina, Yihudee iraashoo, Shelateeli bushoo Zerubabeelinaa Yehotsedeeqichi bushoo, qeeshee guudo Yaasinoyich bi gettiti qaaro:

Haagi 1:1 ပူးပေါင်းရင်းမြစ်များ

1 Taateenaꞌo 10:15

Ebiyoo giixechinaꞌo waanee, gabiyee guudeenaꞌo waanee, Arabee taateenaꞌo bullinaa woraaferasheenaꞌona waanee giyii beeton daakkaanooniye.

1 Taateenaꞌo 14:18

Doono Yeeri, keemechi bi guuno Akiyina bi gettitoommon, Israꞌeelee asho bulli eeppii biin duukkiye.

2 Taateenaꞌo 14:25

Israꞌeelee Nuggishoo Doono Yeeri Amitaayi bushoo, Gaat Hefeeri katemee asho, keemechi Yoonaasina bi gettitoommon, Hamaati katemooch beshe kaattoochee Kiikki baharooch beddaahaa beeti Israꞌeelee showoon wochiihe.

1 Kiinoo 3:17

Kecaa hammiti Yekoniyaahichi anaami bushiisheenaꞌo: Shelateeli,

1 Kiinoo 3:19

Fedayichi anaami bushiisheenaꞌo: Zerubabeelinaa Shimeꞌinane. Zerubabeelichi anaami bushiisheenaꞌo: Meshulaaminaa Hanaaniyinane; boonoshi manee Shelomiti getteehan.

Iziri 1:8

Faariisee taatoo Qiroosi Yeerichi kechi qiicoon, araaqee iraashoo tuneti Mitiredaati, Yihudee iraashoo Sheshibasaari aafoochaa haddiree biich bi immemmoyich tuniihe.

Iziri 10:18

Qeesheenaꞌo yaroochee dallaawe maacheenaꞌon shaaggitinaꞌo daneheete; eboshiyoo: Yotsedeeqi bushoo Yaasinaa bi maneenaꞌonochi yaroochee: Maseyaahi, Elezeeri, Yariibinaa Gedaliyinane.

Iziri 2:2

Boonoshi wottetoo, Zerubabeelina, Yaasina, Nehimina, Seraayina, Relaayina, Mordokiyoosina, Bilishanina, Misifaarina, Bigiwayina, Rehuuminaa Banaahina tookkiiniye. Kecoochee wotteti Israꞌeelee doonjeenaꞌo haddoo ebine:

Iziri 2:63

Uriimoonaa Tumiimoona Yeerin echeebeeti qeeshoo danemmi wottoon, oogichii yaafeeti maayoochee boonoshi maataachemmoyich showee iraashoo gettiye.

Iziri 3:2

Yotsedeeqi bushoo Yaasinaa biinoommi qeesheenaꞌo, Shelateeli bushoo Zerubabeelinaa bi xibeenaꞌona, Yeer asho Muusichi Sheerooch bi kooreetoommon, micciibeeti deejjoon giddiyoyich Israꞌeelee Nuggishoochi deejjee gudoon shuuneheete.

Iziri 3:8

Yerusaalem beeti Yeerichi kexooch boonoshi waati, guttinnee natooba, guttinnee agenooch, Shelateeli bushoo Zerubabeelinaa Yotsedeeqi bushoo Yaasina, echeti, boonoshi maneenaꞌo tuneti qeesheenaꞌonaa Leweenaꞌona kecoochee Yerusaalem wotteti asheenaꞌo bullina tookkii shuunoon wonniyeete. Boonoshi eeno hiye natonaa ebiyee damboona tuneti Leweenaꞌon, Doono Yeerichi yaafee kexon boonoshi shuuniyemmoyich ukkiriiheete.

Iziri 4:2

Zerubabeelinaa yaree ukkireenaꞌona waan waaꞌi, “Hiniich noon deebiti, Asooree taatoo Asiradooni taatee yemeenoochee tiijjiꞌi, ittoshichoommon ittoshi Nuggishoyich goyinnaabeeto noone; biichoo deejjoon giddiyaabeeto noone; ebich ittoshina tookkiree kexon hagone” iyeete.

Iziri 4:24

Arooba Yerusaalem beeti Yeerichi kechi shuunoo neexehe; Faariisee taatoo Daariyoosi taateti guttinnee natooch beddaahaa shuunoo neexehe.

Iziri 5:1

Keemechi Haaginaa Iidi bushoo keemechi Zakaariyaasina Yihudee showoonaa Yerusaaleminooch beeti Ayihudeenaꞌoyich Israꞌeelee Nuggishoochi shigoona keemoon keemmiyeete.

Iziri 5:3

Ebiyooba Efiraaxisee beqachi woraafooch beeti showee iraashoo Tatenayi, Shetar Bozenayinaa boonoshiyoommi iraasheenaꞌona boonoshi waan waaꞌi, “Hini kexon wochinnoon ittoshi haggemmonaa hagiree ittoshi qanniyemmonoyich ittoshich daaggito, konine?” iꞌi echeheete.

Iziri 6:14

Ebich keemechi Haaginaa Iidi bushoo Zakaariyaasina keemaa, Ayihudee geeneenaꞌo kexon haggiyeete; boonoshichoo kaamehe. Israꞌeelee Nuggishoochi getoommon, wotta Faariisee taateenaꞌo Qiroosi, Daariyoosinaa Arta Yekisesinochi getoommon, yaafee kexon haggii qanniiheete.

Nehimi 12:1

Shelateeli bushoo Zerubabeelinaa Yaasina tookkii wotteti qeesheenaꞌonaa Leweenaꞌona eboshine: Seraayi, Erimiyaasi, Iziri,

Nehimi 12:10

Yaasiyoo Yoyaqiimin shiyihe; Yoyaqiimi Eliyashibin shiyihe; Eliyashibi Yoyaadin shiyihe;

Nehimi 5:14

Ebiyee wotta Yihudee showooch showee iraashoo ta tunemmoyich taatoo taan iraashiiti aaboochee tiijjiꞌi, Arta Yekisesichi hiyinnee natoochee shaashaa guttinnee natooch beddaahaa aaraa gutte nati wottoon, taannaa ta maneenaꞌona showee iraashoo deqq bede mooyon deꞌaano noone.

Nehimi 8:9

Showee iraashoo Nehimi, qeeshoo, sheeree dojjechi Izirinaa asheenaꞌon dojjiibeeti Leweenaꞌona asheenaꞌo bullich “Hanaachi aabo no Nuggishoo Doono Yeerich yaafeeti aaboone. Ayini eeppaahote; tuumishoo gettaahote” iyeete. Ebiyoo asheenaꞌo bulli Yeerichi qaaroon boonoshi waayehooba, boonoshi eeppii beetoyichiye.

Keyo 4:13

Tunebaani Muusi “Ta Doonocho, bare ashoon wochebe” iye.

Haagi 1:12

Aroochee Shelateeli bushoo Zerubabeelinaa Yehotsedeeqichi bushoo, qeeshee guudo Yaasina echeti curo bullina tookkii boonoshi Nuggishoo Doono Yeerichi qaaroon, wotta boonoshi Nuggishoo Doono Yeeri biin bi wochetoyich, keemechi Haagichi qaaroonoo waayeheete. Asheenaꞌoo Doono Yeerin shattiyeete.

Haagi 1:14

Doono Yeeriyoo Shelateeli bushoo, Yihudee iraashoo Zerubabeelichi mullo, wotta Yehotsedeeqichi bushoo, qeeshee guudo Yaasichi mulloonaa echeti curo bullichi mulloona tiyemmoyich tuniihe. Boonoshiyoo taatoo Daariyoosi taateti guttinnee natooba, shirittinnee agenee hiyaa awuddinnee qemooba, boonoshi Nuggishoo Beshe Mawe Doono Yeerichi kexon hagooch giyiyeete.

Haagi 1:2

Beshe Mawe Doono Yeeri, “Hini asheenaꞌo ‘Doono Yeerichi kexo hakkemmi yemeeno batt shagaanoone’ ii beetinaꞌone” iye.

Haagi 1:3

Aroochee Doono Yeeri bi wochoon ishichiꞌi keemechi Haagina gettiye:

Haagi 2:10

Daariyoosi taateti guttinnee natooba, yiixiyinnee agenee hiyaa awuddinnee qemooba, keemechi Haagina Doono Yeeri gettiti qaaro ebine:

Haagi 2:20

Arooba, ebiyoo are agenee hiyaa awuddinnee qemooba Doono Yeeri wochinnoon keemechi Haagich ishichiye:

Haagi 2:21

“Yihudee iraashoo Zerubabeelich, ‘Showoonaa shimaayoonon shuurikkiya ii beeto taane;

Haagi 2:4

Illa and Zerubabeelo, kupphebe. Yehotsedeeqichi bushoo, qeeshee guudo Yaaso, kupphebe. Hini showeexi asheenaꞌote, kuppheree shuunebote. Beshe Mawe Doono Yeeri ta, ittoshina tookkaa taane.

Zakaariyaasi 1:1

Daariyoosi taateti guttinnee natoobee shimittinnee agenooch Iidi bushoochi bushoo Beraakiyi bushoo keemechi Zakaariyaasina Doono Yeeri gettiti qaaro:

Zakaariyaasi 3:1

Bare yaaꞌoona qeeshee guudo Yaasi Yeerichi maraakoo aafooch neexeꞌi bi beetaa Doono Yeeri taach bekkiihe. Sheexaanoo Yaasin taggeya bi qanne badd neexeꞌi beehe.

Milikiyaasi 1:8

Wolle gijjoon deejjoo ittoshi giddiyoo ebi tatoone? Baata sheqqe gijjoonaa biiyechi gijjoonon deejjoo ittoshi giddiyoo ebi tatoone? Ebin ittoshi ukkiroyich ittoshi giddiitaa, iberoochaa emiroona deꞌiree ittoshin galletehe?” iye Beshe Mawe Doono Yeeri.

Luqaasi 3:27

Yowanaani bushoo, Reesi bushoo, Zerubabeeli bushoo, Shelateeli bushoo, Neeri bushoo,