Galaati 6:8 - Kafa Linguistics Project

⁸ Bi hajjee meenon emirikkiya shookkiibeeto, meenoochee oꞌon qeccemmone; tunebaani Yaafe Ayaanoon emirikkiya shookkiibeeto, Yaafe Ayaanoochee bulli yemeenee kashoon qeccemmone.

Galaati 6:8 ပူးပေါင်းရင်းမြစ်များ

Iyoobi 4:8

Axaaxoon gochii beetinaꞌo, duꞌoonoo shookkii beetinaꞌo, ebi aroon qeccii beetinaꞌone.

Shaahiyoo 11:18

Gonde asho daneebeeti mooyo gaacaalloone; tunebaani deꞌe mooyon tuniibeeto, gaawe gatiyoon danehe.

Shaahiyoo 22:8

Gondittinoon shookkiibeeto iritoon qeccemmone; bi kaaree gumbo dihemmone.

Dojjecho 11:6

Maaddoona ne yaroon shoohe; womikkoo shoohaanoon kasheyaahine. Ebiyoo guttiyona gaawichi collemmo bi tunoon, woyee gutteexi ikkoo beshoon gaawemmo bi tunoon, ariyaano ne tunetoyichiye.

Isiyaasi 32:20

aachi gashooch yaroon shookkiibeeti ittoshi, gatteenaꞌonaa kureenaꞌonon mocechi gaddooch gashee maanjiibeeti ittoshi, diireeto ittoshine.

Erimiyaasi 12:13

Teepphoon shookkiyeete; guccinon qecciyeete; aajjiyeete; tunebaani amoonolla boonoshich gaacaanoone; Doono Yeerichi kupphe kaaroochee tiyitona boonoshi marehooba yeellemminaꞌone” iye.

Hosee'i 10:13

“Tunebaani ittoshi, gondoon shookkiꞌi, bi aafoon qecciyote. Kootee aafoonoo maahote. Ittoshi giidoona, ittoshich beeti koyechinaꞌochi meetonoo gibeneeto ittoshine.

Hosee'i 8:7

Boonoshiyoo yongoon shoohiree yuboon qeccemminaꞌone. Shaggiti maayooch yuulloo aalletoyich manjeyemmi maayo aroochee daneyaachemmone. Bi danetaanona maayemminaꞌo dallaaweenaꞌone.

Maatiyoosi 19:29

Taacha iꞌi bi kexon woyee bi anaami maneenaꞌon woyee bi maache maneenaꞌon woyee bi indeen woyee bi nihoon woyee bi bushiishoon woyee bi gochiibeeti showoon qajjito bulli, eboshi bullin balle kishoon daakkaa danemmone; wotta bulli yemeenee kashoon danemmone.

Maatiyoosi 25:46

“Boonoshiyoo bulli yemeenee shiwerooch, cadiqeenaꞌo wotta shimaajji taatittineech giyiree bulli yemeenoon beeyemminaꞌone” iye.

Luqaasi 18:30

hini yemeenooch beshaa beshoon daakkaa danemmone; wotta woyemmi yemeenoochoo bulli yemeenee kashoon danemmone” iye.

Yowannisi 4:14

tunebaani ta immaabeeti aacoochee uchiibeeto koniyoona bulli yemeenoon shacheweyaachemmone. Ta immaabeeti aaco bi maacooch bulli yemeenee kasho xuupphiibeeti tunoo tunemmone” iye.

Yowannisi 4:36

Andolla qecciibeeto bi caajjee gatiyoon deqqii beetone; shookkechonaa qeccechona ikkooch tookkiree boonoshi emiremmoyich, qecciibeeto aafeti maayoon bulli yemeenee kashoyich kicii beetone.

Yowannisi 6:27

Bulli yemeenee kashoon immemmi maayoyich shuunebotalli, aallemmi maayoyich shuuneyaahote. Hini besheyaani koshon ittoshich immemmo Ashi Bushoone. Ebiyoo Nihoo Yeeri taanna bi emiroon bi miixetoyichiye” iye.

Roomi 13:14

Tunebaani Doono Yesuus Kiristoosin qoreddoochoommon tahebote; meeno qaatiibeeti mooyon ceechiya meenoyich gaboon qayote.

Roomi 6:13

Qitoochee tiyiꞌi kashechon tuneꞌi beetoommon, ittoshi qelloon Yeerich giddiibote. Ittoshi ashittinee quumo bullin cadiqee ginee qiicoon tuniiree Yeerich giddiibotalli, xumme mooyon ittoshin bi shuuniyemmoyich, ittoshi ashittinee quumoon ginee qiicoon tuniiree axaaxoyich giddiyaahote.

Roomi 6:23

Axaaxoon shuuneti ashich qocheyemmi shumaayoo qitoone; tunebaani no Doono Kiristoos Yesuusina Yeeri wojjemmi wojjoo bulli yemeenee kashoone.

Roomi 8:11

Ebiyoommon wotta Yesuusin qitoochee tiijjiti Yeeri immiibeeti bi Ayaano ittoshi mullooch bi beegaata, Kiristoos Yesuusin qitoochee tiijjito, ittoshi mullooch beeti bi Ayaanoona qitemmi ittoshi ashittinoyich wotta kashoon immemmone.

Roomi 8:13

Meechi daaggoona ittoshi beegaata, qitemmo ittoshine; tunebaani Yeerichi Ayaanee giidoona meechi shuunoon ittoshi wuxigaata, kashoona beeyemmo ittoshine.

Roomi 8:6

Meechi mooyon gabiibeeti asho qitoochiye bi shaggemmo; tunebaani Yeerichi Ayaaneechon gabiibeeti asho kashoonaa diggoonon danemmone.

1 Qorontoosi 15:42

Qititinaꞌo tiyiyooba ebiyoommo tunemmone. Showooch duukkeebeeto oqqemmi ashittinoone; bi duukketoochee tiyemmo oꞌaachemmi ashittinoone.

Galaati 6:7

Ittoshin wochi dawushiyaahote; Yeeri toommooch cooqqiroo hakkeyaache; asho bi shookkii beeton aroon qeccemmone.

1 Ximootiyoosi 1:16

Tunebaani maaroon danehoye; maaroon ta daneto, Yesuus Kiristoosi ciyaani ooge bi haaꞌiyoon beshe axaaxechi taach bi bekkiyoo, boonoshi mulloon Kiristoosi toommooch tooꞌiiree bulli yemeenee kashoon danemminaꞌoyich shaahiyoo bi tunemmoyichiye.

Titoosi 3:7

ebin bi tuniito, bi wojjoona cadiqiree gibenoona no quyeebeeti bulli yemeenee kashoon no woraashemmoyichiye.

Yaaqobi 3:18

Ashoonaa ashoonon shunii beetinaꞌo diggoon halliya shookketi yaroochee boonoshi maciibeeto cadiqee aafooniye.

2 Pheexiroosi 2:12

Ebi are asheenaꞌo boonoshi ariyaani mooyoyich naagee beetinaꞌone; olletaa aalloyich shiijjeti, boonoshi halloona shalligoon hakkaani kubbi cooxoomminaꞌone; kubbi cooxinaꞌoo olletaa aalloommon ebiyoommon aallemminaꞌone.

2 Pheexiroosi 2:19

Areenaꞌo boonoshi qelloona eeꞌe shuunoyich hajjeeti guuninaꞌo tuneechii, bareenaꞌon “Guuchittinoochee kechemmo ittoshine” iibee gibenikkii beetinaꞌone. Asho, biin hajjiti mooyo amoyicholla guunone.

Yihudi 1:21

No Doono Yesuus Kiristoosi bi ariqqoona bulli yemeenee kashoon ittoshich bi immemmi aaboon quyebee, Yeeri ittoshin shunniibeeto bi tunoon shalligibee beebote.

Yaaꞌoo 22:11

Hukkecho hukkoon andoo shuune beebe; tiyaariibeeti shuunoon shuuneebeeto andoo shuune beebe; cadiqe asho andoo cadiqee shuunoon shuune beebe; yaafoo andoo bi yaafittinoona beebe” iye.