Galaati 6:4 - Kafa Linguistics Project

⁴ Tunebaani asho bi ikkikkoona bi shuuneti shuunoo amoommo gaata gabi ariibe; aroyee gubb bi shuunoo gaaweto tunoon bareenaꞌochi shuunoona tachaanoon bi shuuneebeeti shuunoona baach emiremmone.

Galaati 6:4 ပူးပေါင်းရင်းမြစ်များ

Iyoobi 13:15

Yeeri bi qaawigaata taan wuxibe; illa echesho amoone; tunebaani ta mooyon bi aafoochaa taggemmo taane.

Shoddo 26:2

Doono Yeero, taan phirebe; haattishoo gete; ta mulloonaa ta gaboonon phire beege.

Shaahiyoo 14:14

Cadiqittinoochee shokiibeeti asho bi shuunee gatiyoon danemmone; deꞌe ashoo bi deꞌe shuunee gatiyoon danemmone.

Luqaasi 18:11

Hini are Farisoo yaafee kexooch neexeechii ishichiꞌi bi mulloona corootiye: ‘Yeero, bare asho bullichoommon, boggecho, xumme moochechonaa shunimaayoona woyee hini gabiyee guudoommonolla tuno ta qajjetoyich, neen galletehoye.

1 Qorontoosi 11:28

Ebich asho bi qelli qelloona shiichiree bi mulleexi mooyon xiishiichi, are koshoochee mame; xoofoocheenoo uye.

1 Qorontoosi 3:14

Are baashee toommooch haggito koniyoona, bi haggiti kexo qaaqqoona mico bi qayigaata, Yeeri biich wojjemmone.

1 Qorontoosi 3:8

Yaroon shookkitonaa aacon kittii uchitona ikkeenaꞌone. Yeeri boonoshi qelli qelloona boonoshi shuunetoommon boonoshich wojjemmone.

2 Qorontoosi 1:12

No geecaabeeti mooyo ebine: Hini showeexi asheenaꞌo daggooch, beshoonoo ittoshi daggooch no beemo, Yeeri nooch immiti yaafittinoonaa xalle mulloona bi tunoon no mullo miixee beetone. Ebin no tuniito, Yeer waanee no danaabeeti wojjoonalli, meechi ariyoona toonoone.

2 Qorontoosi 13:5

Kiristoosi toommooch mullee tooꞌiyoona beeto ittoshi tunoon, eke ittoshi qelloon phire boshe beegote. Yesuus Kiristoosi ittoshi ikkikkoo mullee daggooch beemon ariyaachote? Ebi tuno qayigaata, beddito tuneꞌi daneyaano ittoshine getone.

Galaati 6:13

Ebi meechi doyoyich deꞌa ito ittoshi tunoona boonoshi geecemmoyich, ittoshi dokireyoon shunniyeetani, ebi are dokireetinaꞌolla boonoshi qelloona sheeroon ceechii quyeyaaneenaꞌone.

Filipphisiyoosi 1:26

Wochinnoonoo ittoshin beegga ittoshi waan ta waahooba ta naboona Kiristoos Yesuusina ittoshich beeti geecoo woddemmone.