Galaati 6:14 - Kafa Linguistics Project

¹⁴ Tunebaani no Doono Yesuus Kiristoosi yooddeti masqaloyee beshetaa bare geecoo ta waanee wohe; are masqalee naboona hini alemeexi mooyo taach yoodaa qititone; tawoo wotta hini alemeexi mooyoyich yooddaa qitito taane.

Galaati 6:14 ပူးပေါင်းရင်းမြစ်များ

Shoddo 49:6

Boonoshi gaannoon gibeneebeeti asheenaꞌoyich, boonoshi gijjoonoo yebeneebeeti gaannechinaꞌoyich, ta shattemmo amoyichiye?

Shoddo 52:1

Giidechocho, ne gonde mooyona ne yebeneebeeto amoyichiye? Yeerichi shoodo bulli aabeecho bi tunoon ariibe.

Hiziqeeli 28:2

“Ashi bushoocho, Xiroosi taatoyich, Nuggishoo Doono Yeeri ishichiye, gete: ‘Ne mullo geecitoyich, “Ta, nuggishoo taane; baharee daggooch, nuggisheenaꞌo taatee qeenooch kotemmo taane” ito neene. Ne mulloona nuggishoo taane iyaꞌa ne gabitaanona ne, asho nealli nuggishoo toono neene.

Luqaasi 20:16

Bi hajjee baatoona quyechinaꞌo waan hamiree boonoshin aalliyemmone; woyinee goyoonoo bare goyi shiimemmi quyechinaꞌoyich immemmone” iye. Asheenaꞌo ebin bi getaa waayeꞌi, “Ebin Yeeri noyee wokkiibe!” iyeete.

Roomi 1:16

Mishiraachee qaaroona yeelleyaache. Yesuus Kiristoosichi mishiraachee qaaro boonoshi mulloon Kiristoosi toommooch tooꞌii beetinaꞌo bullin, shiichiꞌi Ayihudeenaꞌon, aroochee Ayihudo tuneyaaneenaꞌon Yeeri wodiibeeti giidoone.

Roomi 6:2

Ciroona tuneyaache! Axaaxoyich qititi no, aabichireeshiye ebi axaaxoona no beeyemmo?

Roomi 6:6

Axaaxee gommo waan yeepphiibeeti gonde qaatoo ciroona aallemmoyich, Kiristoosi masqalooch bi yooddehooba, wonnee geene no mullo biinna tookkii yooddeꞌi bi qitoon ariibeeto noone; ebi tuneto ebiyee bekk axaaxoyich no hajjeyaachemmoyichiye.

1 Qorontoosi 1:23

Tunebaani no, masqalooch yooddeti Kiristoosin awaajjaabeeto noone. Ebi Ayihudeenaꞌoyich xugo tunehe; Aageteenaꞌoyichoo tuushittinoon shaahiye.

1 Qorontoosi 15:58

Illa ta shunnaabeeti ta maneenaꞌote! Manjiree neexebote, shuuriyaahote; Doono Yesuus Kiristoosich ittoshi aajjiibeeti aayo duubo bi tunee qayon ariito ittoshine. Ebich bulli aaboon Doono Yesuus Kiristoosichi shuunoyich ittoshi qelloon guudiiree imbote.

1 Qorontoosi 2:2

Arooba ittoshi daggooch ta beehooba, “Yesuus Kiristoosin, ebiyoo yooddeeꞌi qititi Kiristoosiyee damba, baroon ariyaache” iyaꞌa maacceto taane.

1 Qorontoosi 3:21

Illa bulli mooyo ittoshicho bi tunetoyich, koniyoona ashoona geecaaye.

2 Qorontoosi 11:12

Tunebaani “Mishiraachecho noone” ii beeti ebi asheenaꞌo noochoommon shuunee beetinaꞌo shaahiree boonoshi geecemmi gommon bayoyich, and ta tuniyaa beetoommon wotta gubbichoo tuniyemmo taane.

Galaati 1:4

Gondo meettiti hini yemeenooch beeti asheenaꞌon shaahiree no beetaachemmoyich, Kiristoosi noon wodiyoyich no Nuggishoonaa no Nihoona tuneti Yeerich deꞌa iꞌi no axaaxoyich deejjoon tunehe.

Galaati 2:17

“Tunebaani Kiristoosina cadiqiya qaawaabeeto tunaachaa no qelloona axaaxecho tunaꞌa no danegaata, illa Kiristoosi axaaxoon no shuunemmoyich noon xuqqii beete getoani am? Ciroona tuneyaache!

Galaati 2:19

Kashechon tuneree Yeerich ta beeyemmoyich, sheeroo waanaa sheeroyich qitito taane. Kiristoosina tookkaa yooddeto taane.

Galaati 2:20

Ebich tawoo ebiyee bekk kashechon tunaꞌa beetaache; tunebaani Kiristoosi ta mullooch giyiꞌi beetone. Andoo meenona ta beeti beemo, taan shunnii taacha iꞌi qitoyich bi qelloon beshii immiti, Yeeri Bushoo toommooch mullee tooꞌiyoona ta beemone.

Galaati 3:21

Illa sheeroonaa Yeeri gibenikkiti qaaroona kaaree beetone? Toonoone! Kashoon imon hakkemmi sheeroo icheto gaata, iberoon asho cadiqemmo sheeroon bi quyoona tuneshone.

Galaati 5:24

Kiristoos Yesuusicho tunetinaꞌo meenon gonde bi gaboonaa bi qaatoona tookkii yoodditinaꞌone.

Filipphisiyoosi 3:18

Ebiyee aaf meeti aaboon ebin ittoshich getteto taane. Andoo eeppaabee daakkaa gettoye: Meetinaꞌo boonoshi beemi qocoona Kiristoosichi masqaloyich etto tunetinaꞌone.

Filipphisiyoosi 3:3

Iberoon dokireeto, Ayaanoona Yeerich goyinneebeeti, Kiristoos Yesuusina geeciibeeti, meechi doyoona geecaani, noani boonoshi tooneenaꞌone.

Qolaasiyaasi 2:20

Illa hini alemeexi ashoon hajjiibeeti ariyoommi gaboochee biicheꞌi Kiristoosina tookkii ittoshi qititoyee, hini alemeexoommon tuneti ashi doyoommon “Hinichi achooch shaggaahine! Hinin napphe beeggaahine! Ebinoo yechaahine” ii beeti getoyich amoyichiye ittoshi hajjeebeeto?