Galaati 6:10 - Kafa Linguistics Project

¹⁰ Illa no hakkimmi aabo bullin asho bullich, ebiyeenoo boonoshi mulloon Yesuus Kiristoosi toommooch tooꞌiiꞌi ikke kechi ashoon tunetinaꞌoyich, gaawe mooyon tuniibone.

Galaati 6:10 ပူးပေါင်းရင်းမြစ်များ

Shoddo 37:27

Gondoochee wohe; gaawe mooyonoo tuniibe; bulli yemeenoon beeyemmo neene.

Shoddo 37:3

Doono Yeerin gibenebe; gaawe mooyonoo tuniibe; showee toommooch diggoona beeyemmo neene.

Shaahiyoo 3:27

Neech bi hakkee beetaa, tuniiya ne bedoyich gaawe mooyon tuniyoon qajjaahine.

Dojjecho 3:12

Kashoona beechii emiroonaa gaawe mooyon tuniyoonoyee beshe gaawe mooyo ashich aallo bi tunoon ariiho.

Dojjecho 9:10

Ebi ne hamma iyaabeeti maash shuunoonaa gaboona, ariyoonaa shalligoona aallo bi tunetoyich, ne shuunoo bullin neech beeti hakkoona shuunebe!

Maatiyoosi 10:25

Dabbito biin dabbiitochoommon, guuno bi doonochoommon tuno biich beddiye. Kechi doonon ‘Beelzebuli’ boonoshi itoyee, bi kechi ashoon am shaahoon beshiiree getteeheete” iye.

Maatiyoosi 12:50

Shimaayooch beeti ta Nihoochi daaggoon ceechii beetinaꞌo bulli taach manoo, maneenaa indeenane” iye.

Maatiyoosi 25:40

“Taatoo wochiree, ‘Iberoon ittoshich gettoye: Bulliyee desho tuneti hini ta maneenaꞌoochee ikkoyichona ittoshi tuniito taach tuniyoommone’ gettemmone.

Maatiyoosi 5:43

“ ‘Neenoommi ne manoon shune; ne ettoon shixe’ getteeton waayeto ittoshine.

Maariqoosi 3:4

Wotta asheenaꞌon “Muusichi Sheeroo shambetooba deꞌe shuunooniyee gonde shuunoon daaggiye? Kashee wodiyooniyee aalliyooniye?” iꞌi echehe; tunebaani boonoshi noonoo wochaanoon cikkii qajjiyeete.

Luqaasi 6:35

Tunebaani ittoshin shixxii beetinaꞌon shunote; boonoshich deꞌoon shuunebote; ‘Amoonolla taach gaaccemmone’ getiree gibenaayi, boonoshich erettiibote. Ooge wojjoon danemmo ittoshine; Beshoo Yeerichi bushiishoonoo tunemmo ittoshine; ebiyoo Yeeri biin galleteyaaneenaꞌonaa gondeenaꞌonoyich maac deꞌo bi tunetoyichiye.

Yowannisi 12:35

Yesuusiyoo “Batt giisheche aabee wottoon bekko ittoshina tookki beeyemmone. Manderoona shaꞌeebeeto amooch bi hammiibeeto gaata ariyaanoone; ebich ittoshich bi mandereyaachemmoyich, bekke beetaa shaꞌebote.

Yowannisi 9:4

Areddoo beetaa, taan wocheti Yeerichi shuunoon tuniyoo nooch qaawiihe; koniyoona shuunoon hakkaachemmi xumo woyemmone.

Mishiraachechinaꞌo 6:7

Yeerichi qaaro gaminnii gaminnii hammiye; Yerusaalem beeti Yesuusichi dabbeenaꞌo meettii meettii waaheete. Qeesheenaꞌo daggoochee meetinaꞌo mishiraachee qaaroyich deꞌa iꞌi Yesuusi toommooch mulloon tooꞌiiheete.

2 Qorontoosi 2:8

Ebina iberoon biin ittoshi shunon ittoshi bekkiyemmoyich, ittoshin qollaabeeto taane.

Galaati 1:23

Tunebaani “Ebiyee aaf noon duꞌiiti uro, aalliiya bi iiti Yesuusichi mishiraachoon and ashich gettii beete” getaa bi getteyoon waayeheete;

Efesooni 2:19

Illa ebiyee bekk yaafeenaꞌona tookkii ikke showee ashoonaa Yeerichi kechi ashoona ittoshiyani, dallaawoonaa shiqqoona toono ittoshine.

Efesooni 4:28

Gaajjiibee echeto ebiyee bekk gaajjaaye; ebi aree qoodoon iriteetoyich qoodi bi immemmo biich beeyemmoyich, bi hajjee kishoona gaaweton aayi shuunebe.

Efesooni 5:16

Hini yemeeno gondo bi tunetoyich, shuunoyich kelloon ittoshi danemmi aabo bullin gaaweton shuunebote.

Filipphisiyoosi 4:10

And meeti aaboyee gubb ta mooyon wochinnoon gabooch ittoshi giyitoyich, Doono Yesuusina oogeton emirito taane. Taach ittoshi shakkiyemmi gommon muccehotalli taan iberoon gabiibeeto ittoshine.

Qolaasiyaasi 4:5

Yeeri ittoshich immiibeeti gommo bullina Kiristoosichon miixebee Kiristoosi toommooch mulloon tooꞌiyaani asheenaꞌo daggooch ariyoona shaꞌebote.

1 Tasaloonqi 5:15

Ittoshi daggoochee koniyoona baroyich gondoochi qoodoon gondoona bi wochaachemmoyich bayote. Tunebaani bulli aaboon ittoshinaa ittoshina, wotta asho bullich gaaweton tuniyoyich qiiccebote.

1 Tasaloonqi 5:21

Bulli mooyon phire boshebote; gaaweto tuneton yeshote.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

Titoosi 3:8

Ebi bullich bi qaaro gibeneetone; mulloon Yeeri toommooch tooꞌiiti asheenaꞌo deꞌe shuunoon shuunoona boonoshi kupphemmoyich, eboshin gaawichiree gete. Ebi mooyo deꞌoone; asho bullichoo gaaccemmone.

Hibireena'o 13:16

Tunebaani gaaweton tuniyoon, ittoshich beetoochee bareenaꞌoyich qoodoonoo batteyaahote. Ebiyoommi deejjoon no giddiyoo Yeerin emirikkii beetone.

Hibireena'o 3:6

Tunebaani Kiristoosiyoo Yeerichi kechi asheenaꞌo bulli toommooch bushoochoommon gibeneetone. No wotta noon aafo kupphiibeeti, geeciibeeti gibenoon [ciirooch beddaahaa manjiiꞌa] no yeshigaata, Yeerichi kechi asho noone.

Hibireena'o 6:10

Yeeri cadiqoone; yaafeenaꞌon ittoshi deggitoyich, and beddaahaanoo ittoshi deggii beetoyich, ittoshi shuuneti shuunoonaa biich ittoshi bekkiibeeti shunoonon batteyaache.

1 Pheexiroosi 2:5

Ittoshi giddemmo, kashechi xaqqoommon ayaanee kexon tuneꞌi hakkeyoyichiye. Ebina Yesuus Kiristoos waanaa emirikkiibeeti ayaanee deejjoon Yeerich giddiyoyich, yaafeeti qeesheenaꞌon tunemmo ittoshine.

1 Pheexiroosi 4:17

Yeeri nallemmi aabo shaggitone; shiichiree bi kechi asheenaꞌo toommooch nallemmone. Shiichiree no toommooch nallemmo bi tunegaata, Yeerichi mishiraachee qaaroyich deꞌa getaani asheenaꞌochi ciiro amoon tunehe?

1 Yowannisi 5:1

Yesuusi aroo Kiristoosi bi tunoon iberiiꞌi bi mulloon bi toommooch tooꞌiito bulli Yeer waanee shiijjetone. Nihoon shunniibeeto bulli bi bushoon wotta shunnii beetone.

3 Yowannisi 1:10

Ebich, ittoshi waan ta waahooba, noon oonniibee no toommooch bi shuuneebeeti gonde shuunoon ittoshich bekkiyemmo taane. Ebi ikkeeto baach toonoone. Aroo bi qelloona kittinnee maneenaꞌon iibbiyaache; iibbii beetinaꞌon bajjiꞌi kittinnee guuphi daggoochee kichii yookkiye.

3 Yowannisi 1:11

Ta shunechocho! Deꞌeenaꞌon shaahiballi gondeenaꞌon shaahiyaahine. Deꞌoon shuuneebeeto Yeer magechone; gondoon shuuneebeeto Yeerin beegaanoone.

3 Yowannisi 1:3

Ne beetoochee waati maneenaꞌo iberoona ne shaꞌoonaa gibeneeto tunaꞌa iberee qaaroyich ne qanaatoonon taach boonoshi getaa waayaꞌa oogichaa emirito taane.