Galaati 6:1 - Kafa Linguistics Project

¹ Ta maneenaꞌote! Ittoshi daggoochee ikkoo toommooch amee xuꞌolla bi danegaata, Yaafe Ayaanoona yaabeebeeti ittoshi ebiyoommi ashoon shiimoona kaachibote. Newoo wotta ebiyoommi mooyona geecheeree ne dihaachemmoyich ne qelloon ariibe.

Galaati 6:1 ပူးပေါင်းရင်းမြစ်များ

2 Saameeli 11:2

Ikke areddoon, showoo womikkoo wotteechaa, Daawiti bi qeenoochee tiyiꞌi taatee kechi toommooch kechiye. Biyoo aroochaa okk hach shaꞌeebee ikke ure bi achoon machaa bi beetaa, beeggiye. Ureyoo oogeton mallet gaawe ureene.

Shoddo 141:5

Cadiqe asho ariqqoona taan kaare sheeribe; tunebaani gonde asho zayitoon ta shimbooch ciroona ukkaaye; bulli aabooch ta corootaabeeto gonde boonoshi shuunoon shixonane.

Hiziqeeli 34:16

Aalletinaꞌon qaawemmo taane; yallyallimitinaꞌon wochemmo taane; tiishetinaꞌon guuccemmo taane; hakka guuteenaꞌon kupphiyemmo taane; awujjitinaꞌonaa giidetinaꞌonon aalliyemmo taane; dayinnetoona bageenaꞌon qiddemmo taane.

Maatiyoosi 11:29

Tawoo gaꞌi deꞌoonaa ta qelloon giishii beetona ta tunetoyich, ta waanjeen shaagote; ta waaneenoo doyibote. Arooba ittoshi kashe kashemmine.

Maatiyoosi 26:69

Pheexiroosi kechi maach, kibbooch kotee bi beetaa, ikke shaajjetee bi waan giddaꞌa, “Ne wotta Galiilechi Yesuusina tookkaa beeto neene” iyan.

Maatiyoosi 26:75

Pheexiroosi “Baakkoo kuukkaahaa, keejje wottoon taan nookkemmo neene” Yesuusi iti qaaroon gabiꞌi maaxooch kechii tiittee eeppiye.

Maatiyoosi 9:13

Hambote, Yeeri ‘Deejjoyee ariqqoon shunnoye’ bi ito ama geto gaata ariibote. Axaaxechinaꞌonalli cadiqeenaꞌon ceegoyich waataano taane” iye.

Roomi 14:1

Illa ittoshi daggoochee Kiristoosi toommooch mulloon tooꞌiyoona batt kuppheyaani asho bi beegaata, shiqqiyaahote; bi gabiibeeti gaboyich gajjiteyaahote.

Roomi 15:1

Ebich Kiristoosichi toommooch mullee tooꞌiyoona kuppheti no, no qelloon emirikkoon qayiichi kuppheyaaneenaꞌochi shaagoon shaago nooch qaawiihe.

Roomi 8:6

Meechi mooyon gabiibeeti asho qitoochiye bi shaggemmo; tunebaani Yeerichi Ayaaneechon gabiibeeti asho kashoonaa diggoonon danemmone.

1 Qorontoosi 10:12

Ebich “Kupphaꞌa neexaabeeto taane” ii beeto bulli bi dihaachemmoyich, bi qelloon ariibe.

1 Qorontoosi 14:37

Keemecho woyee ayaanee wojjecho taane iibeeti asho koniyoona bi beegaata, hini ta kooriti mooyo Doono tuniibote iꞌi bi gettiti wocho tunoon ariibe.

1 Qorontoosi 2:15

Yaafe Ayaano bi toommooch beeti asho mooyo bullin maqqiꞌi ariyoon hakkiye; tunetaa koniyoona ebi are uroochi mooyon maqqiꞌi ariyoon hakkaache.

1 Qorontoosi 3:1

Ta maneenaꞌote! Meechi qaatoyich hajjee beetinaꞌoyich, Kiristoosina batt gaggereenaꞌoyich getoommonalli, Yaafe Ayaanoyich hajjee beetinaꞌoyich getoommon getaano taane.

1 Qorontoosi 4:21

Eke ittoshi shunniibeeto aabiniye? Gumboon yeshiree wobotee woyee shunoonaa shiimoona wobote?

1 Qorontoosi 7:5

“Giisheche aabee wottoon corootibone” ii echeeꞌi ittoshi tuniiti aaboyee besh, ittoshinaa ittoshina woonneyaahote. Qellee hakkee qayona Sheexaanoo ittoshin bi dachaachemmoyich, wochinnoon ikkottebote.

2 Qorontoosi 10:1

Ta Phawuloosi, ta qelloona ittoshina tookkaa ta beehooba “gaꞌi deꞌo” getteeto, ittoshiyee ta wohiyooba “aaf kuppho” getteeto, Kiristoosichi shiimoonaa ariqqoona ittoshin qollaabeeto taane.

2 Qorontoosi 2:7

Oogeti ayinooch bi dihaachemmoyich, wochiꞌi maaroonaa biin goggiyoona ittoshich qaawiihe.

2 Qorontoosi 2:8

Ebina iberoon biin ittoshi shunon ittoshi bekkiyemmoyich, ittoshin qollaabeeto taane.

Galaati 5:23

shiimecho tuno, bi qellee ariyoo, eboshine. Eboshiyoomminaꞌon bajjemmi sheeroo aalloone.

Galaati 6:18

Ta maneenaꞌote! No Doono Yesuus Kiristoosichi wojjoo ittoshina tookki tunebe. Ameena.

1 Tasaloonqi 4:1

Illa ciiroochaa no maneenaꞌote! Yeerin emirikkoyich gaawe qocoona ittoshi beemo ittoshi tuniiya bede mooyo bi tunoon ittoshich no dojjaa waayeto ittoshine; andoo ebiyoommi gaawe qocoona beeto ittoshine; tunebaani wotta ebiyee beshoon ittoshi tuniyemmoyich no Doono Yesuusina ittoshin qollaabeeto noone; ciiccaanoo beeto noone.

2 Tasaloonqi 3:15

Tunebaani manoochoommon kaare ciicotalli, shixechon shaahiiree ciinnaahote.

2 Ximootiyoosi 2:25

Bi dojjiibeeti mooyon happiya qiiccee beetinaꞌon shiimoona dojjibee ciice. Diqq Yeeri iberoon boonoshi ariyemmoyich, axaaxee gommoocheenoo bi waan boonoshi wottemmoyich bi daaggigaata,

Hibireena'o 12:13

Hekkelleebeeti baatoo wodemmoyichalli, are bi hekkelleto waan dege bi echeyaachemmoyich, ittoshi baatoyich naqqe gommon qanniibote.

Hibireena'o 13:3

Boonoshina tookkii cucheton shaahiree cuchetinaꞌon gabibote; xuuxee toommooch beetinaꞌon ittoshi wotta boonoshichoommon xuuxee toommooch beeton shaahiree gabibote.

Yaaqobi 3:13

Ittoshi daggoochee ariyechonaa shalligechona konine? Shalligoonaa shiimoona deꞌe shuunoon shuunebee gaawe bi qocoona ebin bekkiibe.

Yaaqobi 3:2

No bulli wodde mooyona muriccaabeeto noone; bi yibbaateebeeti yibbaatoona muricaano koniyoona bi beegaata, are asho bi hullimalloon quyo hakkiibeeti, shappaalli ceeni ashoone.

1 Pheexiroosi 3:15

Tunebaani ittoshi mulloona Kiristoosi Doono bi tunoon shalligibee biich goyinnebote. “Gubbich ittoshich beeti gibeno amoone?” iꞌi ittoshin echemminaꞌochi echoon ittoshi wochemmoyich, bulli aaboon qanniton tunebote.

1 Yowannisi 5:16

Wotta koniyoona ikke bi manoo qitooch biin bechaachemmi axaaxoon bi shuunee beetaa bi beegigaata, corootibe; arooba Yeeri ebi qitooch biin bechaachemmi axaaxoon shuuneebeeti uroyich kashoon immemmone. Ashoon qitooch bechiibeeti axaaxoo beetone; ebiyoommi axaaxoyich qollebe getaache.