Galaati 5:26 - Kafa Linguistics Project

²⁶ Noonnaa noonna qemeteyoonaa qanaatoona beebee duuboon geecaayone.

Galaati 5:26 ပူးပေါင်းရင်းမြစ်များ

Luqaasi 14:10

Ebich asho neen gifirooch bi ataalli gaata, hini are neen ataalliti uro waaꞌi, ‘Ta xiboocho; damba ebiich hami kotebe’ getiree bi ataallemmoyich hami desh qach kotebe. Arooba neenna tookkii kotetinaꞌo bulli aafoochaa oogemmo neene.

1 Qorontoosi 3:7

Ebich shookketi yaroon colliiꞌi kaama eenniibeeto, Yeeriyalli, yaroon shookkito woyee aacon kittii uchito, bi halliti mooyo aalloone.

Galaati 5:15

Tunebaani ittoshinaa ittoshina ittoshi geccee beegaata, ittoshi dafee beegaata, ikkooch ittoshi aalleyaachemmoyich ittoshi qelloon ariibote!

Filipphisiyoosi 4:15

Filipphisiyoosi kittinneenaꞌote! Shiichaꞌa mishiraachee qaaroon ittoshich ta gettetoyee gubb Makidoonee showoochee ta keyiyooba, gijjee wojjoon imona taan gaacheto ittoshi baachalli, bare kittinnee guupho koniyoona tunee qayon ariibeeto ittoshine.

Yaaqobi 4:16

Tunetaa and ittoshi qelloon oogiibee geeciibeeto ittoshine; ebiyoommi geecee yibbaatoo bulli gondoone.

1 Pheexiroosi 5:5

Gurimaasheenaꞌote! Ebiyoommon wotta geeneenaꞌoyich deꞌa getote. Yaafe Macaafo “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” iye. Ebich kittinnoo tuneti ittoshi bulli ikkoo baroyich bi qelloon giishiibee qellee giishiyoon tahoochoommon tahebote.