Galaati 5:23 - Kafa Linguistics Project

²³ shiimecho tuno, bi qellee ariyoo, eboshine. Eboshiyoomminaꞌon bajjemmi sheeroo aalloone.

Galaati 5:23 ပူးပေါင်းရင်းမြစ်များ

Erimiyaasi 33:6

“Tunebaani hini katemeech iiwittinoonaa wodoonon wochinnoon deebemmo taane; boonoshin wodiyemmo taane; beshaa beshe diggoonaa keqqaalli beemonon boonoshich bekkiyemmo taane.

Mishiraachechinaꞌo 24:25

Biyoo cadiqeechonaa qellee ariyeechonon, wotta woyemmi nallaa galleechon bi getaa Filikisi waayeꞌi shattiye. Ishichiinoo iye: “And hambe; taach gaawehooba, neen ceekkiyemmo taane” iꞌi gettiye.

1 Qorontoosi 9:25

Wotta qiiccebone iꞌi qiiccoyich tiyiibeeto bulli, bulli mooyona bi ashittinoon manjiiꞌi kupphiihe. Eboshi qiicceebeeto, aallemmi naadee gubbichoon danoyichiye; tunebaani no qiiccaabeeto, aalleyaani gubbichoon danoyichiye.

Galaati 5:18

Yaafe Ayaanoona ittoshi yaabeegaata, sheeroyich hajjeyaachote.

1 Ximootiyoosi 1:9

Yeeri hini sheeroon bi immito, sheeroon shaaddee beetinaꞌonaa hukkechinaꞌonoyich, Yeerin dabboochee wokkii beetinaꞌonaa axaaxechinaꞌonoyich, Yeerin oogiyaaneenaꞌonaa yaafe mooyon eeꞌii beetinaꞌonoyich, boonoshi indeenaa nihoonon wuxii beetinaꞌonaa ashi kashoon kichii beetinaꞌonoyich, shunimaayeenaꞌoyich, anaamona tookkii shuno maabeeti anaaminaꞌoyich, ashoon giidoona yechii kemmechinaꞌoyich, kooteenaꞌoyich, kootoon wogee beetinaꞌoyich, gaawe kittinnittinee doyoon shixxii beetinaꞌo bullichalli, cadiqeenaꞌoyich toonoone.

Titoosi 1:8

Wotta iibboon iibbiibeeto, deꞌe mooyon shunniibeeto, bi qellee ariyecho, kaamoo, Yeerich diireeto, bi qelloon quyecho tunebe.

Titoosi 2:2

Geene doonjeenaꞌo dagg tateenaꞌo, asho bullina naadeetinaꞌo, boonoshi qellee ariyechinaꞌo, Kiristoosi toommooch mullee tooꞌiyoonaa maneenaꞌon shunona, haaꞌiyoonoo kuppheenaꞌo boonoshi tunemmoyich ciice.