Galaati 5:20 - Kafa Linguistics Project

²⁰ shahalloyich goyinno, iicoo (qaaxo), shixo, hayo, qanaato, kaaro, beshi bekkiya geto, barbaroo, iberoochee muricciꞌi bare guuphon halloo,

Galaati 5:20 ပူးပေါင်းရင်းမြစ်များ

2 Kiinoo 33:6

bi hajjee bushiisheenaꞌon Hinoomi bushoo bamboochaa goggiꞌi deejjoo giddiihe. Biyoo kaayecho, iicechonaa qaaxechonon tunehe. Qititi ashoona tookkii yibbaatee beetinaꞌonaa allaameenaꞌona waanee keemmii waayee beehe. Wodde gonde mooyon shuunoona Doono Yeerin ippii beehe.

Hiziqeeli 22:18

“Ashi bushoocho, Israꞌeelee macceenaꞌo taach gaacaani mooyon tunetinaꞌone; boonoshi bulli xure birewoo wocciibeeti gemmooch echeebeeti, gaacaalli gooshoon, qoriqoroon, xuuroonaa budoonon taach shaahiyeete.

Roomi 2:8

Tunebaani beshi bekkeya qaawii beetinaꞌo toommooch, iberoyich deꞌa geton qajjiichii xumme mooyon shuunee beetinaꞌo toommooch, kaaree shiixxoonaa naxoona kindemmone.

1 Qorontoosi 11:19

Ittoshi daggooch gajjiteyoo tiyiibeeto, ittoshi daggoochee ibere moochechi kittinneenaꞌo bekkemmoyichiye.

2 Qorontoosi 11:19

Shalligecho ittoshi tunetoyich, tuusheenaꞌochi tuushoon emiroona cikkii qajjiibeeto ittoshine.

2 Qorontoosi 12:20

Ittoshi waan ta waahooba, diqqich ta gabitoommon tuneree daneyaachemmo ittoshine; tawoo wotta ittoshi gabitoommon tuneree daneyaachemmo taane. Hayo, qanaato, kaaro, “Ta besh taane” geto, oono, ashi shigee shaaꞌiyoo, geecoo, cangecho ittoshi waan beemo qayaache iyaꞌa shattaabeeto taane.

Galaati 5:15

Tunebaani ittoshinaa ittoshina ittoshi geccee beegaata, ittoshi dafee beegaata, ikkooch ittoshi aalleyaachemmoyich ittoshi qelloon ariibote!

Yibbaatoo 18:10

Ne daggooch bi bushoon woyee bi busheen qaaqqooch goggiꞌi deejjiibeeto woyee allaamoo woyee kaayecho woyee mareccee maaccecho woyee qooroo,

Titoosi 3:10

Barbarittinoon halliibeeti ashoon ikke wottoon woyee gutte wottoon ne ittibatetaa bi mawigaata, biyee wohe.

Yaaqobi 3:14

Tunebaani kupphe qanaatoonaa beshi bekkeya getona ittoshi mullooch bi beegaata, ariyechon shaahiree geeciyaahote; iberee toommoochoo koottaahote.

2 Pheexiroosi 2:1

Wonna Israꞌeeleenaꞌo daggooch kootoon keemmiibeeti keemechinaꞌo beetinaꞌone; ebiyoommon wotta koote dojjechinaꞌo ittoshi daggoochee tiyemminaꞌone. Eboshiyoo boonoshin biishee wodiiti Doono Yesuus Kiristoosin nookkeree, kittinneenaꞌochi mullee tooꞌiyoon aalliibeeti koote doyoon shokiibee giijjemminaꞌone; ebina kaatee aalloon boonoshi toommooch deebemminaꞌone.

1 Yowannisi 3:15

Bi manoon shixxiibeeto bulli ashoon wuxitoommone; ashoon wuxito bulli, bulli yemeenee kasho biich aallo bi tunoon ariibeeto ittoshine.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.

1 Saameeli 15:23

Hukkoon shuuno kaayee axaaxoon shuunoommone; babberittinoo shahalloyich goyinnoommi gonde mooyone. Ne, Doono Yeerichi getoon ne qajjetoyich, biyoo taatoo ne tuneyaachemmoyich neen qajjitone” iye.