Galaati 5:18 - Kafa Linguistics Project

¹⁸ Yaafe Ayaanoona ittoshi yaabeegaata, sheeroyich hajjeyaachote.

Galaati 5:18 ပူးပေါင်းရင်းမြစ်များ

Shaahiyoo 8:20

Ta shaꞌaabeeto cadiqee gommonane; ta boocho dayinnetee boochoone.

Hiziqeeli 36:27

Ta Ayaanoon ittoshi kashooch kotiyoona ta qociyoona ittoshi shaaddemmoyich, ta getoonoo manjii ittoshi quyemmoyich, tuniyemmo taane.

Yowannisi 16:13

Tunebaani iberoon bekkiibeeti Ayaano bi waahooba, iberoo bulliich ittoshin yaabemmone. Bi waayeton baach gettehalli, bi qellee aalloona getaachemmone; woyemmi mooyon ittoshich gettemmone.

Roomi 7:4

Ta maneenaꞌote! Ebiyoommon ittoshi wotta Kiristoosi masqalooch yoodaa bi qitiyooba, Muusichi Sheeroyich qitito ittoshine. Andoo aafoon Yeerich no aafemmoyich, qitoochee tiyiti Yesuusichi hajjoo tuneto ittoshine.

Roomi 8:12

Illa ta maneenaꞌote! Hiishoo no toommooch beetone; hini hiishoo meechi daaggoona no beeyemmoyich toonoone.

Roomi 8:14

Yeerichi Ayaano boonoshin yaabii beetinaꞌo bulli eboshi Yeerichi bushiisheenaꞌone.

Galaati 5:16

Andoo ishichiyoye: Yaafe Ayaanoona yaabeeree beebote; meechi qaatoonoo ciroona ceechiyaahote.

Galaati 5:23

shiimecho tuno, bi qellee ariyoo, eboshine. Eboshiyoomminaꞌon bajjemmi sheeroo aalloone.

Galaati 5:25

Yaafe Ayaanoona beeto no tunegaata, Yaafe Ayaano wotta noon yaabibe.

1 Ximootiyoosi 1:9

Yeeri hini sheeroon bi immito, sheeroon shaaddee beetinaꞌonaa hukkechinaꞌonoyich, Yeerin dabboochee wokkii beetinaꞌonaa axaaxechinaꞌonoyich, Yeerin oogiyaaneenaꞌonaa yaafe mooyon eeꞌii beetinaꞌonoyich, boonoshi indeenaa nihoonon wuxii beetinaꞌonaa ashi kashoon kichii beetinaꞌonoyich, shunimaayeenaꞌoyich, anaamona tookkii shuno maabeeti anaaminaꞌoyich, ashoon giidoona yechii kemmechinaꞌoyich, kooteenaꞌoyich, kootoon wogee beetinaꞌoyich, gaawe kittinnittinee doyoon shixxii beetinaꞌo bullichalli, cadiqeenaꞌoyich toonoone.

2 Ximootiyoosi 1:7

Yeeri nooch bi immiti Ayaano giideechonaa shuneechona, qellee quyeechoonalli, shatti ayaano toonoone.