Galaati 5:17 - Kafa Linguistics Project

¹⁷ Yaafe Ayaano qaatii beeton meeno shixxii beetone; wotta meeno qaatii beeton Yaafe Ayaano shixxii beetone. Eboshi boonoshinaa boonoshina qiiccee toommooch boonoshi beetoyich, ittoshi shunnii beeton tuniyoon hakkaachote.

Galaati 5:17 ပူးပေါင်းရင်းမြစ်များ

Halloo 6:3

Arooba Doono Yeeri “Asho qitemmo bi tunetoyich, ta Ayaano ashoona tookki bulli yemeenoon beetaachemmone. Asho ebiyee bekk bi beeyemmo balli hiye natoniye” iye.

Shoddo 119:133

Ne gibenee qaaroona taan yaabibe; axaaxoo ta toommooch taataaye.

Shoddo 119:159

Doono Yeero, ne qociyeenaꞌon am shaahoon ta shunnaabeeto gaata beege; ne shoodoommona ta kasheen wodiibe.

Shoddo 119:176

Aalleti bagoochoommon yallyallimito taane; ne geteenaꞌon batteyaano ta tunetoyich, ne guuno taan qaawibe.

Shoddo 119:20

Ta kashe bulli aabooch ne doyoon qaatoona nirahane.

Shoddo 119:32

Wodde shalligoon taach ne immaa beetoyich, ne geteenaꞌon tuniyoyich shittemmo taane.

Shoddo 119:35

Taan boonoshi emirikkii beetoyich, ne geteenaꞌona taan yaabibe.

Shoddo 119:40

Ne geteenaꞌon sharaateto taane; ne cadiqittinoona kashoona taan neechibe.

Shoddo 130:3

Doono Yeero, axaaxoon ne yichimmo gaata, ta Doonocho, koni hakki neexeshone?

Shoddo 65:3

Axaaxoo noon qooxiyooba, ne, no xuꞌo bullin maarihine.

Dojjecho 7:20

Deꞌe mooyon baach shuuneebeeto, axaaxoon shuunee ariyaani cadiqe asho, hini showee toommooch ciroona aalloone.

Isiyaasi 6:5

Tawoo, “Ta noonoo eeꞌeti asho taane; ta beetoo, boonoshi noonoo eeꞌeti asheenaꞌo daggoochiye. Taatoo, Beshe Mawe Doono Yeerin ta aafoona ta beeggetoyich, aalleto taane; taach woowo!” iyo.

Maatiyoosi 12:30

“Taanna tookkii neexeyaano taan shixxii beetone; taanna tookkiinoo kicaano shaccii beetone.

Maatiyoosi 16:17

Yesuusiyoo wochiꞌi ishichiye: “Yoonichi bushoo Simoono, ebin neech bekkiito shimaayooch beeti ta Nihoani asho toonoone; ebich diireeto neene.

Maatiyoosi 16:23

Tunetaa bekkech Yesuusi guuddii wotteꞌi Pheexiroosin “Hini Sheexaanoocho, ta waanee wohe! Taach xugo tuneto neene. Ashichonalli Yeerichon gabaachine” iye.

Maatiyoosi 26:41

Gondoochi nihoo dawushooch ittoshi giyaachemmoyich, kuppheree quyebote; corootibote. Asho bi mulloona deꞌoon shuunoyich gabii beetone; tunetaa meenoyich yiingoo aalloone” iye.

Maatiyoosi 5:6

Yeeri aafooch cadiqoon tunoyich, oogichii qaatii beetinaꞌo diireetinaꞌone; Yeeri boonoshi qaatiton ceechemmone.

Luqaasi 22:33

Pheexiroosiyoo “Ta Doonocho, neenna tookki cucheyoyichoo, qitoyichoo qannito taane” iye.

Luqaasi 22:46

“Amoyichiye ittoshi tokketeebeeto? Gondoochi nihoo dawushooch ittoshi giyaachemmoyich tiyiree corootibote” iye.

Yowannisi 3:6

Meenona shiijjeto meenone; Ayaanoona shiijjeto ayaanoone.

Roomi 8:13

Meechi daaggoona ittoshi beegaata, qitemmo ittoshine; tunebaani Yeerichi Ayaanee giidoona meechi shuunoon ittoshi wuxigaata, kashoona beeyemmo ittoshine.

Galaati 3:21

Illa sheeroonaa Yeeri gibenikkiti qaaroona kaaree beetone? Toonoone! Kashoon imon hakkemmi sheeroo icheto gaata, iberoon asho cadiqemmo sheeroon bi quyoona tuneshone.

Yaaqobi 3:2

No bulli wodde mooyona muriccaabeeto noone; bi yibbaateebeeti yibbaatoona muricaano koniyoona bi beegaata, are asho bi hullimalloon quyo hakkiibeeti, shappaalli ceeni ashoone.