Galaati 5:13 - Kafa Linguistics Project

¹³ Ta maneenaꞌote! Guuchittinoochee ittoshi kechemmoyich Yeeri ittoshin ceeggitone; tunetaa ebi guuchittinoochee ittoshi keyon meechi qaatoyich deꞌa ittoshi gettemmi gommon tuniyaahote. Tunebaani ittoshinaa ittoshina ikkoo baroyich shunoona maddebe.

Galaati 5:13 ပူးပေါင်းရင်းမြစ်များ

Isiyaasi 61:1

Nuggishoo Doono Yeerichi Ayaano ta toommoochiye; neexaa hajjeetinaꞌoyich mishiraachoon ta gettemmoyich, Doono Yeeri taan huuttitone; boonoshi mullo tiishetinaꞌon ta guuccemmoyich, keccetinaꞌoyich gawukkeyoon, cuchetinaꞌoyich biicheyoon ta awaajjemmoyich taan deejjitone.

Mishiraachechinaꞌo 20:35

‘Deqqii beetoyee immiibeeto diireetone’ iꞌi Doono Yesuusi bi qelloona gettiton shalligaabee, caajjoona maraataa shuunaabee giidaalleenaꞌon dego tun bedo bi tunoon bulli mooyona ittoshich bekkiito taane” iye.

1 Qorontoosi 8:9

Tunebaani ebi ittoshi mami aalloo kuppheyaani kittinneenaꞌoyich xugo bi tuneyaachemmoyich, ittoshi qelloon ariibot!

1 Qorontoosi 9:19

Konichona guuchittinoon hajjeyaano ta tunetaanoona, beshe asheenaꞌon Kiristoos waan deeboyicha iyaꞌaniye ta qelloon guuno tuniiꞌa bullich ta hajjiibeeto.

2 Qorontoosi 12:15

Ta ittoshicha iyaꞌa taach beeto bullin qayaa ta qelloonona beshii ta imigaata, taan oogeton emirikkiye. Illa ebi shaahoon ittoshin ta shunnaa beetaa, taan ittoshi shunniibeeto ebiyoommi giishecheeniye?

2 Qorontoosi 2:8

Ebina iberoon biin ittoshi shunon ittoshi bekkiyemmoyich, ittoshin qollaabeeto taane.

2 Qorontoosi 3:17

Illa Doono Ayaanoone; Doonochi Ayaano beeti are xaaꞌooch guuchittinoochee keyo beetone.

2 Qorontoosi 4:5

No awaajjaabeeto Yesuus Kiristoosi Doono bi tunoonalli, no qelloon toonoone; Yesuusicha iyaꞌa no qelloon ittoshich guunon tuniihone.

Galaati 2:4

Ebi mooyo bi tiyito, “Kittinnee manoo noone” ii beeti koote asheenaꞌo Kiristoos Yesuusina no daneti, guuchittinoochee keyon qiidoyich aashoona no daggooch boonoshi giyitoyichiye; boonoshiyoo guuchittinooch noon wochiya qaawiyeete.

Galaati 4:22

Yaafe Macaafooch bi kooreetoommon ikkoo gonnee waanee, ikkoo gennee waanee shiijjeti gutte bushiisheenaꞌo Abrahamich beeheete.

Galaati 5:1

Sheeroyich guunon tunee hajjeeꞌi beemoochee Kiristoosi noon biishee kichitone. Illa manjiree neexebote; wochinnoon guuchittinee waanjoona xandeyaahote.

Galaati 5:14

Ebiyoo, sheeroo bulli ikke qaaroona tacceto bi tunetoyichiye; ebiyoo “Neenoommi ne manoon neenna tachiree shune” ii beetonane.

Galaati 5:22

Tunebaani Yaafe Ayaanee aafo, shuno, emiroo, diggoo, haaꞌiyoo, ariqqo, deꞌittino, gibeneyoo,

Galaati 6:2

Ittoshi daggoochee ikkoo baroochi shaagoon shaagi gaachebe; ebiyoommona Kiristoosi dojjiti sheeroon ceechiibeeto ittoshine.

Efesooni 5:21

Kiristoosin oogoyicha getiree, ittoshinaa ittoshina ikkoo baroyich hajjeebe.

1 Tasaloonqi 1:3

Kiristoosi toommooch beeti ittoshi mullee tooꞌiyoon shuunee toommooch ittoshi heechiyoon, shunoochee tiyitona aajjii ittoshi shuunoon, no Doono Yesuus Kiristoosi gibenikkiti gibenoon haaꞌiyoona ittoshi quyonoo no Nuggishoonaa no Nihoona tuneti Yeeri aafooch shalligaabeeto noone.

1 Pheexiroosi 2:16

Guuchittinooch hajjeyoochee keyiree Yeerichi guuninaꞌochoommon beebotalli, are guuchittinoochee ittoshi keyon gonde shuunee qeroon tuniyaahote.

2 Pheexiroosi 2:19

Areenaꞌo boonoshi qelloona eeꞌe shuunoyich hajjeeti guuninaꞌo tuneechii, bareenaꞌon “Guuchittinoochee kechemmo ittoshine” iibee gibenikkii beetinaꞌone. Asho, biin hajjiti mooyo amoyicholla guunone.

Yihudi 1:4

Ikkikke asheenaꞌo ittoshi daggooch shokiibee giyitinaꞌone; hukkechinaꞌo tuneꞌi no Nuggishoochi wojjoon boonoshi meechi qaatoona shaddiyeete; bi ikkeeto baach no Taatoonaa no Doonona tuneti Yesuus Kiristoosin nookkeheete; boonoshi toommooch shaggemmi nalloo wodde yemeenoyee aaf Yaafe Macaafooch kooreetone.