Galaati 5:11 - Kafa Linguistics Project

¹¹ Ta maneenaꞌote! Batt dokireebote iyaꞌa gettaabeeto ta tunegaata, ishigaata and beddaahaa asheenaꞌo taan duꞌii beeto amoyichiye? Ebin ta gettemmo gaata, Kiristoosichi masqalo ashich xugo tuneyaacheshone.

Galaati 5:11 ပူးပေါင်းရင်းမြစ်များ

Isiyaasi 8:14

Tawoo yaafee kexon tunemmo taane; tunebaani Israꞌeelee yareenaꞌoyich tephemmi xaqqoon, yexi dichemmi xaqqee guudon tunemmo taane; Yerusaalemi asheenaꞌoyichoo shaachoonaa olloonon tunemmo taane.

Mishiraachechinaꞌo 16:3

Phawuloosi hini are Ximootiyoosin yechiꞌi hamoyich gabiye. Tunetaa are xaaꞌooch beeti Ayihudeenaꞌo bi nihoo Giriikee asho bi tunoon boonoshi arii beetoyich dokiriye.

Mishiraachechinaꞌo 21:21

Boonoshiyoo ‘Phawuloosi Aageteenaꞌo daggooch beeti Ayihudeenaꞌo bullich “Ittoshi bushiishoon dokiriyaahote; no niheenaꞌochi doyoona hammaahote” iꞌi Muusichi Sheeroon boonoshi qajjemmoyich dojjii beetone’ getaa waayetinaꞌone.

Mishiraachechinaꞌo 21:28

Aroochee ishichiyeete: “Israꞌeelee asheenaꞌote, noon gaachebote! Bulli xaaꞌooch beeti asheenaꞌo bulli no macceenaꞌonaa no sheeroonon, hini yaafee kexonoo boonoshi hoxemmoyich kocciibeeti uro hinine. Andoo daakkiꞌi Giriikee asheenaꞌon yaafee kexooch giijjiꞌi, hini yaafe xaaꞌoon eeꞌiitone” iꞌi cookeeheete.

1 Qorontoosi 1:18

Kiristoosichi masqalee mooyo aallooch hammii beetinaꞌoyich tuushittinoone; tunebaani wodaabeeti nooch Yeerichi giidoone.

1 Qorontoosi 1:23

Tunebaani no, masqalooch yooddeti Kiristoosin awaajjaabeeto noone. Ebi Ayihudeenaꞌoyich xugo tunehe; Aageteenaꞌoyichoo tuushittinoon shaahiye.

1 Qorontoosi 15:30

No wotta qemi qemona qaaꞌi iritoyich no qelloon beshii no immaabeeto, amoyichiye?

Galaati 2:3

Taanna tookkii beeti Titoosi Giriikee asho bi tunetaanoona, dokireebe getaaneenaꞌone.

Galaati 3:1

Hini mullaalli Galaatee asheenaꞌote! Yesuus Kiristoosi masqalee toommooch bi yooddeyoo ittoshi aafooch xalla bekketone. Ishigaata ittoshin qaaxeꞌi moomito konine?

Galaati 4:29

Tunetaa arooba meechi doyoommon shiijjeto Yeerichi Ayaanoona shiijjeton duꞌiitone; andoo tuneebeeto ebiyoommone.

Galaati 6:12

Boonoshi meenona gaaweton tuneree bekkeya qaawii beetinaꞌo dokireebote iꞌi ittoshin yullii beetinaꞌone. Ebin boonoshi tuniibeeto, Kiristoosichi masqalee naboona duꞌo boonoshi toommooch bi shagaachemmoyichiye.

Galaati 6:17

Yesuusichi malletoo tuneti banoo ta ashittinooch beetone. Ebich ebiyee bekk koniyoona taan iritiyaaye.