Galaati 4:4 - Kafa Linguistics Project

^4-5 Tunebaani Yeeri noon bi bushiishoon tuniiya iꞌi sheeroyich hajjeeꞌi beetinaꞌon biishe bi kichemmoyich, yemeeno shagiyooba bi Bushoon wochehe; wochee waa maachee waanee shiijjeꞌi sheeroyich deꞌa iibee beehe.

Galaati 4:4 ပူးပေါင်းရင်းမြစ်များ

Halloo 3:15

Neennaa ureena daggooch, ne yaroonaa bi yaroona daggoochoo kaaroon geddemmo taane; biyoo ne qelloon pharixxemmone; newoo bi shoqqoon baniyemmo neene” iye.

Halloo 49:10

Taatittinee gumbo biicho tuneto waammi wottoon, aageteenaꞌon hajjemmo waammi wottoon, taatittinee gumbo Yihudichi kishoochee keyaachemmone; taatittinee gumboon bi shiijjereenaꞌo yeshiree taatemminaꞌone.

Isiyaasi 48:16

“Ta waan katiniree ebin waayebote: Wonnee tiijjaꞌa aashoona yibbaateyaano taane; bi tuneti aaboochee tiijjaꞌa ta arooch beeto taane” iye. Andoo Nuggishoo Doono Yeerinaa bi Ayaanoona taan wochee deejjitone.

Isiyaasi 7:14

Ebich Doono Yeeri bi qelloona malletoon ittoshich immemmone. Ebiyoche gidiidee yeqqefemmine; anaami bushoonoo shiyemmine; bi shigoonoo Amanuꞌeeli getiree shigiyemmine.

Erimiyaasi 31:22

Hini gibeneyaani asheenaꞌote, axiraache ittoshi beeyemmo aati wottooniye? Doono Yeeri ta, showee toommooch andire mooyon hallito taane; maachee anaamoyich deeboon tunemmine” iye.

Zakaariyaasi 6:12

Biichoo Beshe Mawe Doono Yeeri ishichiye: ‘Bi shigo Ato getteeti asho hinine; biyoo bi xaaꞌoochaa gafgappemmone. Doono Yeerichi yaafee kexonoo haggemmone.

Milikiyaasi 3:1

“Ebiyoche, gommon ta aafooch qanniyemmi ta wocheyechon daachiyemmo taane. Ittoshi qaawiibeeti Doono diqqoona yaafee kexooch woyemmone. Ittoshi qaatiibeeti wocheyecho waaree ittoshina tookkaa ta giyeti wogoon ittoshich awaajjemmone” iye Beshe Mawe Doono Yeeri.

Haddoo 28:22

Wotta ittoshi axaaxoon maariyoyich tunemmi ikke emmishee baaddoon axaaxee deejjoyich deejjibote.

Maatiyoosi 3:15

Yesuusiyoo wochiꞌi, “And qajje gettaaye; ebin tuniyoona Yeeri aafooch kaamoo tuneto bullin shuuno nooch qaawiihe” iye. Arooba Yowannisi tunebe iye.

Maatiyoosi 5:17

Wotta Yesuusi ishichiye: “Ta waato Muusichi Sheeroonaa keemechinaꞌo dojjiti mooyonon echiyoyich ittoshich shaahaaye; ceechiyalli echiyoyich waataano taane.

Luqaasi 1:31

Yeqqeferee anaami bushoon shiyemmi neene; bi shigoonoo Yesuusi getiree shigiyemmi neene.

Luqaasi 1:35

Wotta hini are maraakoo wochiꞌi ishichiye: “Yaafe Ayaano ne toommooch woyemmone; Beshoo Yeerichi giidoo ne toommooch yiiremmone; ebich wotta ne shiyemmi bushoo yaafoo getteyemmone; ‘Yeerichi Bushoo’ getteyemmone.

Luqaasi 2:7

Aroochaa bi qaabbe bushoonoo shiyahan. Arooba iibbeenaꞌoch kexooch boonoshi qeyemmi xaaꞌoo aalletoyich, gaggeroon buroommi qoreddoona caaccaꞌa yegillooch tokketiihan.

Luqaasi 20:44

Illa Daawiti biin ‘Doono’ itone; ishigaata, aabichiree Daawitichi bushoo tunehe?” iꞌi echehe.

Yowannisi 1:14

Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.

Yowannisi 10:36

‘Yeerichi Bushoo taane’ ta itoyich Nihoo Yeeri yaafiton, alemoochoo bi deejjiton ‘Naagahine’ iyote?

Yowannisi 3:16

“Mulloon bi Bushoo toommooch tooꞌiibeeto bulli, bulli yemeenee kashoon bi danemmonaa bi aalleyaachemmonoyich, Yeeri ikke bi Bushoon bi immimmi wottoon alemoon oogichii shunniye.

Yowannisi 8:42

Yesuusiyoo boonoshich ishichiye: “Ta Yeer waaneeniye ta waato. Ebich Yeeri ittoshi Nihoo gaata, taan shunnesho ittoshine. Bi taan wochetenalli, ta, ta aalla waataano taane.

Mishiraachechinaꞌo 1:7

Biyoo wochiꞌi, “Ta Nihoo bi hajjee shalligoona bi neechiti ageneenaꞌonaa yemeeneenaꞌonon ittoshi ariyemmoyich, ittoshich daaggaanoone.

Roomi 1:3

Ebi mishiraachoo Daawiti yaroochee meenona shiijjeti, yaafittinee Ayaanoona qitoochee bi timona Yeerichi Bushoo bi tuno ooge giidoona bekketi, Yeerichi Bushoo no Doono Yesuus Kiristoosichone.

Roomi 15:8

Kiristoosi Ayihudeenaꞌochi maddecho bi tuneto, Yeeri gibeneeto bi tunoon bekkiiya qaabbechinaꞌoyich gibenikkeeti gibenee qaaroon bi ceechoyichiye;

Roomi 5:6

Hakkoon guuteeꞌa no beetaa, Yeeri bi taajjeti yemeenooba Kiristoosi gondeenaꞌoyicha iꞌi qititone.

Roomi 8:3

Meeno hakkaano bi tunetoyich, sheeroo tuniyoon hakkaani mooyon Yeeri hakkiye; Yeeri axaaxoon wokkiiya, bi hajjee Bushoon axaaxechi meechi shaahoona wocheꞌi, meenon hajjiibeeti axaaxee toommooch naxoon kindiihe.

Roomi 9:5

Qaabbechinaꞌochi yareenaꞌone; eboshichi daggoochee Kiristoosi meenona shiijjeꞌi waahe; biyoo bulliyee beshoone; bulli yemeenoonoo diireeti Nuggishoone. Ameena.

Efesooni 1:10

Ebiyoo yemeeno bedaa tuniiya bi gabiti mooyo, shimaayoonaa showoonooch beeto bulli ikkoo tuneree Kiristoosich bi hajjeyemmoyichiye.

Qolaasiyaasi 2:14

No toommooch beechii, noon taggeebeeti hiishee woraqatoon bi sheeroona tookkii hidii aalliihe. Are hiishee woraqatoon masqalee toommooch xogiꞌi wokkiihe.

1 Ximootiyoosi 2:6

Asho bullin biisheree wodiiya bi kashoon deejjito biine. Ebiyoo tate yemeeno shagiyooba Yeerichi wodiyee shuunoon bekkiibeeti miixittinoone.

1 Ximootiyoosi 3:16

Biich diireeti kittinnee qocoona beemichon Yeeri gaxxiti maacee mooyo worganikkiibeeti ooge mooyo bi tunoon koniyoona nookkeyaache; ebiyoo: Asho tuneꞌi bekketo, cadiqo bi tuno Yaafe Ayaanoona miixeeto, maraakeenaꞌoyich bekketo, aageteenaꞌo bulliich awaajjeeto, alemooch gibeneeto, oogee yiiroona shimaajj kechito, ii beetone.

Hibireena'o 2:14

Illa ebi bushiisheenaꞌo meenon taheti asheenaꞌo boonoshi tunetoyich, Yesuusiyoo wotta boonoshichoommon meenon taheti ashoon tunehe. Ebin Yesuusi tuneto, bi qitoona ashoon wuxee hakkoo biich beeti daabiloosin ebi bi hakkoon bi mucciyemmoyichiye.

Hibireena'o 9:10

Ebiyoo, eboshi Yeeri bullin bi andiriimmi yemeenee wottoon tuneebeeti maayoonaa uyoonochi doyoo, baribare xallittinee doyoo tuneebeeti, maach bekkeebeeti ashittinee doyeenaꞌo baach boonoshi tunetoyichiye.

1 Yowannisi 4:14

Nihoo Yeeri bi Bushoon hini alemooch beetinaꞌon Wodiyecho bi tunemmoyich wochee bi deejjoon beeggeto noone; ebich miixaabeeto noone.

1 Yowannisi 4:2

Yeerichi Ayaanoon ittoshi ariyemmo ebinane: Yesuus Kiristoosi meenona bi womon miixeebeeti ayaano bulli Yeer magechone.