Galaati 4:19 - Kafa Linguistics Project

¹⁹ Ta shuni bushiisheenaꞌote! Ibere Kiristoosichi dabboon ittoshi tunemmi wottoon wochinnoon ittoshich maaxoo manjaabeeti ureyoommon tuneto taane.

Galaati 4:19 ပူးပေါင်းရင်းမြစ်များ

Isiyaasi 53:11

Cadiqe ta guuno, bi kashe xuuxetoyee gubb, kasheechi bekkoon beegiree emiremmone; bi ariyoona meetinaꞌon cadiqiyemmone; boonoshi xuꞌoonoo shaaggemmone.

Luqaasi 22:44

Biyoo oogichii xuuxeebee aafichoyee beshoon corootiye; damoo cotoommon caajjo bi achoochee showooch cottiye.

Roomi 13:14

Tunebaani Doono Yesuus Kiristoosin qoreddoochoommon tahebote; meeno qaatiibeeti mooyon ceechiya meenoyich gaboon qayote.

Roomi 8:29

Bi Bushoo Yesuus Kiristoosi meeti bi maneenaꞌo daggoochee qaabboo bi tunemmoyich, qaawiꞌi, Yeeri aafi bi ariyoona bi kaaccitinaꞌo bi Bushoon boonoshi shaahemmoyich shiichiꞌi maaccitone.

2 Qorontoosi 12:14

Illa ittoshi waan keejjinnoon womoyich qannito taane; ittoshi toommooch shaago tunoon qaawaache. Ta qaawaabeeto ittoshinalli, ittoshi gijjoon toonoone. Boonoshi bushiisheenaꞌoyich gijjoon kicemminaꞌo niheenaꞌonaa indeenaꞌonalli, bushiisheenaꞌo boonoshi niheenaꞌonaa indeenaꞌonoyich kicaacheete.

Efesooni 4:13

Ebiyoo no bulli Yeeri Bushoo toommooch mullee tooꞌiyoonaa biin ariyoona daneebeeti ikkittinooch shagiree, kachiti ashoon tunoona, bullina Kiristoosin shaahooch no beddemmi wottooniye.

Efesooni 4:24

Ibere cadiqittinoonaa yaafittinoona Yeerin shaahoyich halleeti andire ashoon tahebote.

Filipphisiyoosi 1:8

Kiristoos Yesuusi ittoshin bi shunniibeeti shunoona ittoshi bullin aabichaꞌa ta sharaataabeeto gaata Yeeri ta miixoone.

Filipphisiyoosi 2:17

Illa gibenoona ittoshi giddiibeeti deejjoonaa maddoonochi toommooch uyee deejjoon tunaꞌa ta deejjeeto gaatoona emiriyoye; ittoshina tookkaa emirito taane.

Filipphisiyoosi 2:5

Kiristoos Yesuusich beeti gaboommi gaboo ittoshi waan wotta tunebe.

Qolaasiyaasi 1:27

Boonoshichoo Yeeri ebi maacee mooyo Aageteenaꞌo daggooch am shaahoon worganikkiibeeto gaata bi tunoon arichiyoyich shunniye; ebi maacee mooyo Yeerichi oogee yiiroon danee gibeno tuneti Kiristoosi ittoshi mullee daggooch beemone.

Qolaasiyaasi 2:1

Ittoshinaa Lodooqi kittinneenaꞌonoyich, wotta aafoona taan beeggii ariyaaneenaꞌo bullichoo am shaahe ooge qiiccee toommooch ta beeto gaata ittoshi ariyemmoyich shunnoye.

Qolaasiyaasi 3:10

Ebi andire asho Yeeri bi hajjee shaahoon bi tunemmoyich, biinoo ariyooch bi beddemmoyich bi andiriibeeti ashoone.

Qolaasiyaasi 4:12

Ittoshi waanee tuneto, Kiristoos Yesuusichi guuno Epphaafiri ittoshin diggiitone. Biyoo ittoshi manjemmonaa shuuraanoon ittoshi neexemmonoyich, Yeerichi daaggoonoo ceechoona ittoshi kupphemmoyichoo, bulli aaboon ittoshich corootoona qiiccee beetone.

1 Ximootiyoosi 1:2

Kiristoos Yesuusi toommooch mullee tooꞌiyoona ibere ta bushoo tuneti Ximootiyoosich: Nihoo Yeerinaa no Doono Kiristoos Yesuusina waanee wojjoo, ariqqoonaa diggoona neech tunebe.

Titoosi 1:4

Kiristoos Yesuusi toommooch mulloon no tooꞌiyoona ibere ta bushoo tuneti Titoosich: Nihoo Yeerinaa noon Wodiyechi Kiristoos Yesuusina waanee wojjoonaa diggoona neech tunebe.

Filimooni 1:10

Hini cuyee kexooch beechaa ta shiyeti ta bushoo Anaasimoosichon neen qollaabeeto taane.

Filimooni 1:19

“Ta Phawuloosi, ta neech qoccemmo taane” iyaꞌa ta kishoona koorito taane. Ebiyee damba taach Kiristoosin ne daneti kashee hiishoo ne toommooch beetone getaache.

Hibireena'o 5:7

Yesuusiyoo hini showee toommooch bi beehooba, qitoochee biin wodiyoon hakkemmi Yeer waan oogeti cookoonaa acimoona corootoonaa qolloonon giddiihe; bi qelloon giishiiꞌi Yeerich bi hajjeetoyich, Yeeriyoo waayehe.

Yaaqobi 1:18

Bi hallitinaꞌo daggooch qaabboo no tunemmoyich, bi hajjee daaggoona iberee qaaroona noon shiyihe.

1 Yowannisi 2:1

Ta shuni bushiisheenaꞌote! Hinin ittoshich ta kooraabeeto, axaaxoon ittoshi shuuneyaachemmoyichiye; tunetaa no daggoochee koniyoona axaaxoon bi shuunegaata, no keroyich shoobbecho Nihoo Yeeri aafooch beetone; biyoo cadiqe Yesuus Kiristoosine.

1 Yowannisi 2:12

Ta shuni bushiisheenaꞌote! Ittoshich ta kooraabeeto, Yesuusi naboona ittoshi axaaxoo maareetoyichiye.

1 Yowannisi 5:21

Ta shuni bushiisheenaꞌote! Shahalloyich goyinnoochee ittoshi qelloon quyebote!

3 Yowannisi 1:4

Ta bushiisheenaꞌo iberoona boonoshi shaꞌoon waayoyee beshe emiroo taach aalloone.