Galaati 4:13 - Kafa Linguistics Project

¹³ Ittoshi arii beetoommon, shiichaꞌa mishiraachee qaaroon ittoshich ta getteto ta biiyee naboonane.

Galaati 4:13 ပူးပေါင်းရင်းမြစ်များ

Leweenaꞌo 13:40

Ikke asho bi qello shimboochaa woyee baroochaa bi shodedegaata, ebi uro xalloone.

Maatiyoosi 4:23

Ebiyee gubb, Yesuusi Ayihudeenaꞌo kiceebeeti kexoochaa dojjiibee, Yeerichi taatittinee mishiraachee qaaroon gettiibee, biiyo bulliichee asheenaꞌon wodiibee, Galiilee showoo bullina guuddii beehe.

Mishiraachechinaꞌo 16:6

Aroochee Phawuloosinaa biinna tookkii beetinaꞌona Isiyee showooch Yeerichi qaaroon boonoshi getaachemmoyich, Yaafe Ayaano boonoshin bi bajjitoyich, qajjiꞌi Firigee showoonaa Galaatee showoona besheheete.

1 Qorontoosi 2:3

Ebich ittoshi daggooch ta yagito giidoo qachaabee, shattaabee, oogetonoo qewaabeeniye.

2 Qorontoosi 10:10

Ikkikkeenaꞌo “Phawuloosi kooriibeeti koorichoo maggoonaa giidechonane; tunebaani aroo no waan bi beehooba giidaalloone; bi yibbaatoo qallayeetone” ii beetinaꞌone.

2 Qorontoosi 11:30

Geecoo taach qaawiibeeto bi tunegaata, ta geecemmo hakka guutoo ta tunoon bekkiibeeti mooyonane.

2 Qorontoosi 11:6

Yibbaatee hakkoo taach aallo bi tunetaanoona, ariyoo taach beetone; ebinoo bulli aaboon bulli gommona ittoshich xalla bekkiito noone.

2 Qorontoosi 13:4

Biyoo hakka guutoo tuneꞌi masqalee toommooch yoodaa bi qititaanona, and Yeerichi giidoona kashoona beetone. Nowoo wotta biichoommon hakka guutoo tuneto noone; tunebaani ittoshina tookkii noon daniibeeti mooyona Yeerichi giidoona biinna tookki kashechon tuneree beeyemmo noone.

Galaati 1:6

Kiristoosichi wojjoona ittoshin ceeggiti Yeerin qajjiichii bare mishiraachee qaarooch aabichiꞌi afaafinee shokiyote? Ebi ittoshi tuniiti mooyon iberiyoo taach maggehe.

Galaati 4:12

Ta maneenaꞌote! “Ta ittoshin shaahito taane; ittoshiyoo wotta taan shaahibote” iyaꞌa ittoshin qollehoye. Amee mooyonona taan xuꞌaano ittoshine.

Galaati 4:14

Ta biiyo ittoshin oogeton iritiito bi tunetaanoona, taan hoxee tiyaareyaano ittoshine; tunebaani Yeerichi maraakoon iibbiyoommon, ebiyeenolla Kiristoos Yesuusin iibbiyoommoniye ittoshi iibbiito.

Galaati 4:18

Gaawe gaboona bi tunegaata ebi qanaato gaawetone; tunebaani ebi bi tunemmo, bulli aaboonalli, ittoshina tookkaa ta beehooba baach toonoone.