Galaati 3:22 - Kafa Linguistics Project

²² Tunebaani Yaafe Macaafo asho bulli axaaxoyich hajjeeꞌi axaaxoona cucheto bi tunoon xallayiꞌi gettitone. Ebich Yesuus Kiristoosi toommooch mullee tooꞌiyoona daneebeeti, Yeeri gibenikkiti wojjoon boonoshi mulloon bi toommooch tooꞌii beetinaꞌoyich immii beetone.

Galaati 3:22 ပူးပေါင်းရင်းမြစ်များ

Shoddo 143:2

Kashecho bulli ne aafooch cadiqo tuno bi qajjitoyich, ne guuno taan nallee gabberooch giddiyaahine.

Maariqoosi 16:16

Mulloon ta toommooch tooꞌiiꞌi aacona afaalleemmo wodemmone; tunebaani tooꞌiyaano toommooch nalleyemmone.

Yowannisi 12:46

Bi mulloon ta toommooch tooꞌiibeeto bulli, manderooch bi beetaachemmoyich, bekko tunaꞌa hini alemooch waato taane.

Yowannisi 20:31

Tunebaani Yesuusi aroo Kiristoosi Yeerichi Bushoo bi tunoon ittoshi iberiyemmoyich, bi toommooch mulloon tooꞌiiree bi shigoona kashoon ittoshi danemmoyich, ebi kooreetone.

Yowannisi 3:36

Bi mulloon bi Bushoo toommooch tooꞌiibeeto, bulli yemeenee kashechone; bi Bushoo toommooch tooꞌiyaano, Yeerichi kaaree shiixxoo bi toommooch tunehalli, bulli yemeenee kashoon daneyaachemmone” iye.

Yowannisi 5:24

“Iberoon ittoshich gettoye: Ta qaaroon waayeebeeto, taanoo deejjiti Yeeri toommooch mulloon tooꞌiibeeto, bulli yemeenee kashechone; qitoochee kashooch kimmitalli, nalloo bi toommooch kindaachemmone.

Yowannisi 6:40

Yeerichi Bushoo taan ciinniꞌi bi mulloon ta toommooch tooꞌiibeeto bulli, bulli yemeenee kashoon bi danemmoyich ta Nihoochi daaggoo ebine; tawoo ciireexi aabooba qitoochee biin tiijjemmo taane” iye.

Mishiraachechinaꞌo 16:31

Boonoshiyoo “Ne mulloon Doono Yesuusi toommooch tooꞌiibe; neennaa ne kechi asheenaꞌona wodemmo ittoshine” iyeete.

Roomi 10:9

Asho bi mulloon Yesuus Kiristoosi toommooch tooꞌiiꞌi cadiqiye; bi noonoonoo miixeꞌi wodiye. Ebich “Yesuusi Doonone” iyaꞌa ne noonoona ne miixee gaata, Yeeri qitoochee biin bi tiijjoonoo ne mulloona ne iberiigaata, wodemmo neene.

Roomi 11:32

Yeeri asho bullin bi maaremmoyich, biich “Deꞌa getaache” getona cuchetinaꞌo boonoshi tunemmoyich boonoshi bullin tuniihe.

Roomi 3:22

Aroo Yesuus Kiristoosi toommooch mullee tooꞌiyoona Yeer waanee danemmi cadiqoone. Boonoshi mulloon Yesuus Kiristoosi toommooch tooꞌii beetinaꞌo bullin Yeeri cadiqiyemmone. Barittino aalloone;

Roomi 3:23

asho bulli axaaxoon shuunetone; bi toommoochoo beeti Yeerichi oogee yiiroon aalliitone.

Roomi 5:12

Illa axaaxoo ikke ashi naboona hini alemooch giyiye; axaaxee naboonoo qitoo giyiye; ebiyoommon wotta asho bulli axaaxoon bi shuunetoyich, qitoo asho bulli toommooch shaggiye.

Galaati 3:14

Bi biisheto, Yeeri Abrahamich immiti diiroo Kiristoos Yesuusina Aageteenaꞌoyich bi shaggemmoyichiye; nowoo bi toommooch no mulloon tooꞌiyoona Yeeri gibenikkiti Yaafe Ayaanoon no deqqemmoyichiye.

Galaati 3:17

Ebinoo gettoye: Shiichiꞌi Yeeri Abrahamina tookkii wogoon giyiye; awudde ballaa shaashe natoyee gubb icheti sheeroo, shiichiꞌi Yeeri manjiiti wogoon happiꞌi are gibenee qaaroon shaddaache.

Galaati 3:23

Tunebaani Kiristoosi toommooch mullee tooꞌiyee yemeeno waataan beetaa, are mullee tooꞌiyoo gaxxeemmi wottoon, sheeroona cuchaa quyeeꞌa beehone.

Galaati 3:29

Ittoshiyoo Kiristoosicho ittoshi tunegaata, illa Abrahamichi yaroo ittoshine; Yeeriyoo bi gibenikkitoommon, woraashecho ittoshine.

2 Ximootiyoosi 1:1

Kiristoos Yesuusina daneti kasheechi gibenee wochoon bechiya, Yeeri daaggaa Kiristoos Yesuusichi mishiraachecho tuneti Phawuloosi waanee,

Hibireena'o 9:15

Ebich aafi wogo batt manjiꞌi bi beetaa, sheeroon shaaddetinaꞌon boonoshi shuuneti axaaxoochee biishe kichiya Kiristoosi qititoyich, Yeeri bi ceeggiti asheenaꞌoyich bi gibenikkiti bulli yemeenee iristoon boonoshi deqqemmoyich Kiristoosi andire wogee shoobbechone.

2 Pheexiroosi 1:4

Ebina aaxxoonaa oogetona tuneti gibenoon nooch gibenikkiye; ebi gibenoon bi gibenikkito, hini alemeexi asheenaꞌo toommooch beechii, duubiibeeti gonde qaatoochee muriciree Nuggishoochi shuriyoochee qoodeyechon ittoshi tunemmoyichiye.

2 Pheexiroosi 3:13

Tunebaani bi gibenikkiti gibenoommon, cadiqittino beeyemmi andire shimaayoonaa andire showoonon quyaabeeto noone.

1 Yowannisi 2:25

Kiristoosi nooch bi gibenikkiti hini gibeno, bulli yemeenee kashoone.