Galaati 3:2 - Kafa Linguistics Project

² Ebin baach ittoshi waanee ariyoyich qaawiyoye: Yaafe Ayaanoon ittoshi daneto, sheeroon ceechii ittoshi quyoonanee mishiraachee qaaroon waayee Yesuus Kiristoosi toommooch mulloon ittoshi tooꞌiyoonane?

Galaati 3:2 ပူးပေါင်းရင်းမြစ်များ

Mishiraachechinaꞌo 15:8

Arooba ashi mulloon ariibeeti Nuggishoo, nooch Yaafe Ayaanoon bi imoommon, boonoshich wotta Yaafe Ayaanoon bi imona boonoshin bi hoxee qayon miixehe.

Mishiraachechinaꞌo 2:38

Pheexiroosi wochiꞌi, “Axaaxee gommoochee Yeer waan wottebote. Yeeri ittoshi axaaxoon bi maaremmoyich, ittoshi ikkikkoona Yesuus Kiristoosichi shigoona aacona afaalleebote; Yaafe Ayaanee wojjoon deqqemmo ittoshine.

Mishiraachechinaꞌo 8:15

Boonoshiyoo hammiꞌi, Yaafe Ayaano boonoshi toommooch bi kindemmoyich corootiyeete;

Roomi 1:17

Ebiyoo mishiraachee qaaroona Yeer waanee daneebeeti cadiqoo bi bekkee beetoyichiye; ebi cadiqoo bi bekkeebeeto, shiichoochee ciirooch beddaahaa Kiristoosi toommooch mulloon tooꞌiyoonane. Ebiyoo “Yeeri toommooch mulloon tooꞌiyoona cadiqito kashecho tuneree beeyemmone” getaa bi kooreetoommoniye.

1 Qorontoosi 9:21

Ebiyoommon wotta Muusichi Sheeroyich hajjeyaaneenaꞌon Kiristoos waan wochoyicha iyaꞌa boonoshina tookkaa beebee boonoshin shaahaꞌa beeho; tunebaani ibere mooyoochaa Kiristoosichi sheeroyich hajjeyaanoon beetaano taane; ebich ebina Yeeri aafoochaa bi sheeroyich hajjeyaani uro toono taane.

2 Qorontoosi 11:4

Eechaa ta shattaabeeti naboo, ikke asho ittoshi waan waaꞌi no getteti Yesuusin tuneyaanoon bare Yesuusin, woyee ittoshi deqqiti Yaafe Ayaanoon tuneyaanoon bare ayaanoon, woyee ittoshi deqqiti mishiraachee qaaroon tuneyaanoon bare qaaroon, ittoshich bi getaa, eehiiree cikki qajjemmo ittoshine iyaꞌaniye.

Galaati 3:14

Bi biisheto, Yeeri Abrahamich immiti diiroo Kiristoos Yesuusina Aageteenaꞌoyich bi shaggemmoyichiye; nowoo bi toommooch no mulloon tooꞌiyoona Yeeri gibenikkiti Yaafe Ayaanoon no deqqemmoyichiye.

Galaati 3:3

Aabichiꞌi mullaalloon tunehote? Yaafe Ayaanee giidoona tiyiꞌi and meechi giidoona ciichiyote?

Galaati 3:5

Yeeri bi Yaafe Ayaanoon bi immii beetonaa ittoshi daggooch gaakkechi mooyon bi shuunee beetona, sheeroon ceechii ittoshi quyoonanee mishiraachee qaaroon waayeꞌi Yesuus Kiristoosi toommooch mulloon ittoshi tooꞌiyoonane?

Hibireena'o 2:4

Yeeriyoo wotta worganikkiti malletoonaa gaakkechi shuunoonon, baribare gaakkechi mooyonoo bi shuunoona, bi qelloona bi daaggitoommon, Yaafe Ayaanee wojjoonoo qoodoona boonoshina tookkii miixetone.

Hibireena'o 4:2

Israꞌeeleenaꞌo barahooch boonoshi beehooba mishiraachee qaaro boonoshich getteetoommon, noochoo getteetone; tunebaani Yeeri toommooch mulloon tooꞌiyaaneenaꞌo boonoshi tunetoyich, boonoshi waayeti qaaro amoonolla boonoshich gaacaanoone.

Hibireena'o 6:4

Ikke wottoon Yeerichi wocho iberoo bi tunoon ariitinaꞌon, Yeerichi wojjoochee quupphii beeggitinaꞌon, Yaafe Ayaanoochee qoodeyecho tunetinaꞌon,

1 Pheexiroosi 1:12

Are keemechinaꞌo boonoshi gettiti wochoona boonoshi maddeto, ittoshichalli, boonoshich tunee qayo boonoshich bekkehe; wotta shimaayoochee wochetaa waati Yaafe Ayaanee giidoona mishiraachee qaaroon ittoshich miixeti asheenaꞌo and are wochoon ittoshich gettitinaꞌone. Maraakeenaꞌolla ebi mooyon maqqiꞌi ariyoyich qaatii beetinaꞌone.