Galaati 3:10 - Kafa Linguistics Project

¹⁰ “Sheeroon ceechii no quyoona wodemmo noone” iꞌi gibenee beetinaꞌo uppeꞌiniye boonoshi beeto. Ebiyoo, “Muusichi Sheeree macaafooch kooreeti sheereenaꞌo bullin ceechii quyeyaano bulli uppetone” getaa bi kooreetoyichiye.

Galaati 3:10 ပူးပေါင်းရင်းမြစ်များ

Halloo 4:11

Illa ebiyee bekk uppeto neene; ne ukkiti ne manoo damoon ucha bi kookkoon gaxxiti hini showee toommoochee yookketo neene.

Isiyaasi 43:28

Ebich yaafee kechi ukkireenaꞌon cooniihoye; Yaaqobi aallemmoyich, Israꞌeeliyoo naakkeyemmoyich tuniihoye” iye.

Erimiyaasi 11:3

Boonoshichoo Israꞌeelee Nuggishoo Doono Yeeri ishichiye, gete: ‘Ebi wogee qaaroyich deꞌa getaani asho uppeton tunebe;

Erimiyaasi 32:23

boonoshiyoo giyiꞌi woraashiyeete. Tunebaani ne qaaroon waayeyaaneenaꞌone; ne sheeroona hamaaneenaꞌone; boonoshi tuniyemmoyich ne getteto bulliichee amoonolla tuniyaaneenaꞌone. Ebich ebi shaahe gonde mooyon boonoshi toommooch deebehine.

Hiziqeeli 18:4

Kasho bulli taachone; nihoochi kasho taacho bi tunoommon bushoochi kasho taachone; axaaxoon shuuneti asho aroo qitemmone.

Maatiyoosi 25:41

“Arooba yooche badd beetinaꞌoyich ishichemmone: ‘Hini uppeetinaꞌote, daabiloosinaa bi maraakeenaꞌonoyich qanniti bulli yemeenoon tahaani shiweree qaaqqooch ta waanee hambote!

Roomi 4:15

Sheeroo Yeerichi kaaree shiixxoon deebiye; tunebaani sheeroo aalloon sheeree shaaddo aalloone.

Roomi 6:23

Axaaxoon shuuneti ashich qocheyemmi shumaayoo qitoone; tunebaani no Doono Kiristoos Yesuusina Yeeri wojjemmi wojjoo bulli yemeenee kashoone.

Roomi 8:7

Meechi gaboo Yeerichi sheeroyich hajjeyaano bi tunetoyich, hajjeyoonoo hakkaano bi tunetoyich, meechi gaboyich hajjeebeeti asho Yeerina kaarecho tunetone.

2 Qorontoosi 3:7

Wonna sheeroo kooreeto, xareeti xaqqee toommoochiye; sheeroo immehooba, Yeerichi oogee yiiroo waccii bekketone; Muusichi barooch wacciibeeti bekko aallee aallee hammiibeeto bi tunetaanoona, Israꞌeeleenaꞌo Muusichi barooch manjiiꞌi ciinon hakkaaneenaꞌone. Illa qitoon deebiti maddoo ebiyoommi oogee yiiroona bekketo bi tunegaata,

Galaati 2:16

Tunebaani asho Yesuus Kiristoosi toommooch mulloon tooꞌiyoonalli, sheeroon ceechoona cadiqaachemmo bi tunoon ariito noone. Ebich sheeroon ceechoona tuneyaanoon, Kiristoosi toommooch mullee tooꞌiyoona no cadiqemmoyich, no mulloon Kiristoos Yesuusi toommooch tooꞌiito noone. Meenon taheti asho koniyoona sheeroon ceechoona cadiqaache.

Yibbaatoo 27:26

“ ‘Hini sheeree qaaroo bullin ceechiꞌi quyeyaano uppeton tunebe’ geteete. “Asheenaꞌo bulliyoo ‘Ameena’ geteete” iye.

Yibbaatoo 29:20

Ebiyoommi ashoon Doono Yeeri maaraachemmone; bi kaaree shiixxoonaa qanaatoonon bi toommooch kindiyemmone; hini macaafooch kooreeti ufo bulli bi toommooch kindemmone. Doono Yeeri bi shigoon hini showee toommoochee aalliyemmone.