Galaati 3:1 - Kafa Linguistics Project

¹ Hini mullaalli Galaatee asheenaꞌote! Yesuus Kiristoosi masqalee toommooch bi yooddeyoo ittoshi aafooch xalla bekketone. Ishigaata ittoshin qaaxeꞌi moomito konine?

Galaati 3:1 ပူးပေါင်းရင်းမြစ်များ

Maatiyoosi 24:24

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee worganikkiti malletoonaa gaakkechi shuunoonon shuunemminaꞌone.

Maatiyoosi 7:26

Wotta hini ta qaaroon waayeꞌi ceechaano bulli, bi kexon qacee toommooch haggiti mullaalli uroommone.

Luqaasi 24:25

Yesuusiyoo “Hini mullaalleenaꞌote, keemechinaꞌo gettito bullin iberiyaanoon amoyichiye ittoshi yagii beeto?

Mishiraachechinaꞌo 16:6

Aroochee Phawuloosinaa biinna tookkii beetinaꞌona Isiyee showooch Yeerichi qaaroon boonoshi getaachemmoyich, Yaafe Ayaano boonoshin bi bajjitoyich, qajjiꞌi Firigee showoonaa Galaatee showoona besheheete.

Mishiraachechinaꞌo 6:7

Yeerichi qaaro gaminnii gaminnii hammiye; Yerusaalem beeti Yesuusichi dabbeenaꞌo meettii meettii waaheete. Qeesheenaꞌo daggoochee meetinaꞌo mishiraachee qaaroyich deꞌa iꞌi Yesuusi toommooch mulloon tooꞌiiheete.

Roomi 10:16

Tunebaani bulliyoo mishiraachee qaaroyich deꞌa getaaneenaꞌone. Keemechi Isiyaasi, “Doono Yeero, no miixeton koni iberiite?” itone.

Roomi 2:8

Tunebaani beshi bekkeya qaawii beetinaꞌo toommooch, iberoyich deꞌa geton qajjiichii xumme mooyon shuunee beetinaꞌo toommooch, kaaree shiixxoonaa naxoona kindemmone.

Roomi 6:17

Tunebaani shiichiꞌi axaaxoyich hajjeebeeti guuno ittoshi tunetaanoona, ittoshich icheti doyoochee daneti iberoyich mulloochee tiijjiꞌi ittoshi deꞌa itoyich, axaaxee guuchittinoochee kechiꞌi cadiqoyich ittoshi hajjeetoyich, Yeerich galleto bede.

1 Qorontoosi 11:26

Ebich hini koshon ittoshi maammi, hini xoofoochee ittoshi uchimmi aabo bullin, Doono Yesuusi wottee waammi wottoon ebin tuniyoona, ashich bi qitoon miixe beeyemmo ittoshine.

1 Qorontoosi 2:2

Arooba ittoshi daggooch ta beehooba, “Yesuus Kiristoosin, ebiyoo yooddeeꞌi qititi Kiristoosiyee damba, baroon ariyaache” iyaꞌa maacceto taane.

2 Qorontoosi 10:5

Ashi gajjiteyoonaa Yeerichi ariyee toommooch geecoona tiyiibeeti mooyo bullinon happemmo noone; Kiristoosich deꞌa boonoshi gettemmoyich ashi gaboo bullin keccemmo noone.

2 Qorontoosi 11:3

Tunebaani dingero bi acona Hewaanin bi dawushoommon, diqqich ittoshi gaboo duubetaa Kiristoosich beeti ibere xalle ittoshi shunoon qajjemmo ittoshine iyaꞌa shattaabeeto taane.

Galaati 1:2

wotta taanna tookkii beeti maneenaꞌo bulli waanee, Galaatee showooch beeti kittinnee guuphinaꞌoyich:

Galaati 1:6

Kiristoosichi wojjoona ittoshin ceeggiti Yeerin qajjiichii bare mishiraachee qaarooch aabichiꞌi afaafinee shokiyote? Ebi ittoshi tuniiti mooyon iberiyoo taach maggehe.

Galaati 2:14

Tunebaani mishiraachee qaaree iberee kaame gommona boonoshi hammi qayon ta ciinnehooba, kittinneenaꞌo bulli aafooch Pheexiroosin “Ne Ayihudee asho tunaachaa, Ayihudoommon tuneyaanoon Aagetoommon beeto neene; illa Aageteenaꞌo Ayihudeenaꞌochi doyoommon boonoshi beeyemmoyich aabichaꞌa xuqqenne?

Galaati 3:3

Aabichiꞌi mullaalloon tunehote? Yaafe Ayaanee giidoona tiyiꞌi and meechi giidoona ciichiyote?

Galaati 4:9

Tunebaani and Yeerin ariichii, beshoonoo Yeeri ittoshin ariichaa, giidaalli hoxeeti shiichee doyooch wochinnoon aabichiꞌi wottehote? Guunon tuneꞌi eboshich wochinnoon hajjeyoon shunniyote?

Galaati 5:11

Ta maneenaꞌote! Batt dokireebote iyaꞌa gettaabeeto ta tunegaata, ishigaata and beddaahaa asheenaꞌo taan duꞌii beeto amoyichiye? Ebin ta gettemmo gaata, Kiristoosichi masqalo ashich xugo tuneyaacheshone.

Efesooni 3:8

Yaafeenaꞌo bulliyee desho taane; tunebaani koniyoona maqqiꞌi ariyoon hakkaani Kiristoosichi wojjeechon Aageteenaꞌoyich ta gettemmoyich, bullinoo halliti Yeeri wonnee yemeenoochee aacheeti, shuuneya bi gabiti mooyo amo gaata asho bullich gaxxi ta gettemmoyich, hini wojjoon taach immiye.

Efesooni 4:14

Arooba acona muriciyoyich qanniti asheenaꞌochi dawushee naboona, yongoochoommon shaddeebeeti doyoona wullaawullebee aachi toommooch holliti kokeshoochoommon okk hach tegeggebee gubbich gaggere bushiishoon tuneyaachone.

Efesooni 5:15

Illa aabichiree ittoshi beeyemmo gaata ariyoona ittoshi qelloon quyebote. Shalligechinaꞌoommonalli tuusheenaꞌoommon tuneree beeyaahote.

Yibbaatoo 32:6

Hini mullaalli baalle ashoocho! Doono Yeerich ne tuniyemmo ebiniye? Biyoo ne Nihoonaa neen Hallitonane; neen aagetoo tuniiꞌi manjiitone.

2 Tasaloonqi 1:8

Arooba qaaqqee aaxxoona waaree, Yeerin ariyoo qaawaaneenaꞌonaa no Doono Yesuusichi mishiraachee qaaroyich deꞌa getaaneenaꞌonochi toommooch nichoon kichemmone.

1 Ximootiyoosi 6:4

geecoo biin nafiitone; amoonolla shalligaani tuushoone. Biiyechochoommon kittinnittinee doyoon qallayoyich taggoonaa hayoononiye bi qaatiibeeto. Ebi mooyinaꞌoochee qanaato, kaaro, naago, biinnaa biinna mateyoo,

Hibireena'o 11:8

Abrahami iristo tuniiree bi deqqemmi xaaꞌooch bi ceekkehooba, mulloon Yeeri toommooch tooꞌiiꞌi deꞌa iye; amooch bi hammiibeeto gaata ariyaanoon kechiye.

Hibireena'o 5:9

Ebi bullin bi ceechitoyee gubb, biich deꞌa ii beeto bullich, bulli yemeenee wodoon immiibeeto tunetone.

1 Pheexiroosi 1:22

Guttinnoon ittoshi shiijjeto, kashechonaa bulli yemeenoon beeyechona tuneti Yeerichi qaaroocheeniye; ebiyoo aalleyaani yaroocheenalli aallemmi yaroochee toonoone; and iberee qaaroyich deꞌa getona xalleꞌi ittoshi maneenaꞌoyich ibere shuno ittoshich beetone; ebich mulloochee tiijjiree ittoshinaa ittoshina manjiiree shunebote.

1 Pheexiroosi 4:17

Yeeri nallemmi aabo shaggitone; shiichiree bi kechi asheenaꞌo toommooch nallemmone. Shiichiree no toommooch nallemmo bi tunegaata, Yeerichi mishiraachee qaaroyich deꞌa getaani asheenaꞌochi ciiro amoon tunehe?

2 Pheexiroosi 2:18

Geeciibee tuushee yibbaatoon yibbaatee beetinaꞌone; axaaxoona beetinaꞌo daggoochee muriccii kechii beetinaꞌon, bekkech batt boonoshi kecha iyaa, yeelliibeeti meechi qaatoona dawushii beetinaꞌone.

Yaaꞌoo 18:3

Aageteenaꞌo bulli mashiibeeti bi shunee mami woyinee uyoon uchitinaꞌone; showeexi taateenaꞌo biinna tookkii shunoon maatinaꞌone; showeexi giixechinaꞌo mashaamiti bi beemoochee tiyitona gaanneheete” iye.

Yaaꞌoo 2:20

“Tunebaani neen ta ittibatemmi mooyo beetone: Ebiyoo ta guuninaꞌoyich shunee mamonaa shahalloyich deejjeya basheeti meenon mamonon dojjaa beetinaa muriccii beetina, ‘Keemechi taane’ ii beeti ure Elizabeelin cikkii qajjeto neene.

1 Saameeli 13:13

Saameeliyoo Saaꞌoolich ishichiye: “Tun bedaani mooyoniye ne tuniito. Ne tuniyemmoyich ne Nuggishoo Doono Yeeri gettiti getoon tuniyaano neene. Ebin ne tuniito gaata, Doono Yeeri ne shiijjeroo Israꞌeeleenaꞌo toommooch bulli yemeenoon bi taatemmoyich tuniyeshone.