Galaati 2:9 - Kafa Linguistics Project

⁹ Wotta Yeeri taach bi immiti wojjoon ariiꞌi giimboon shaahiꞌi bekkeebeeti Yaaqobi, Pheexiroosinaa Yowannisina boonoshi qanne kishoon imona noonna tookkii boonoshi tunoon bekkiiheete; taannaa Barnabaasina Aageteenaꞌo waan hammemmoyich, boonoshiyoo Ayihudeenaꞌo waan boonoshi hammemmoyich tuniiheete.

Galaati 2:9 ပူးပေါင်းရင်းမြစ်များ

2 Taateenaꞌo 10:15

Aroochee tiyii bi hammaahaa, Rekaabi bushoo Yonadaabi biinna daneya waa bi beetaa, gommoochaa danehe. Yehiyoo biin diggiichii, “Ta mullo neech kaamoo bi tunoommon ne mullo taach kaamoone?” iꞌi echehe. Yonadaabiyoo, “Eeha, kaamoone” iye. Yehiyoo, “Ebi tunegaata, ne kishoon taach imbe” iye. Bi kishoon biich immiye. Aroochee Yehi gaariich kichii kotiichii,

Maatiyoosi 16:18

Tawoo neech gettoye, ne shigo Pheexiroosine; hini xaqqee toommooch ta kittinnee guuphon neechemmo taane; qitee giidolla bi tunetaa, ebi aroon kochii wochoon hakkaachemmone.

Luqaasi 22:8

Yesuusiyoo Pheexiroosinaa Yowannisinon “Beshee Baaree maayoon no maayemmoyich hamiree nooch qanniibote” iꞌi wochehe.

Yowannisi 1:42

Aroochee Indiriyaasi Simoonin Yesuus waan deebiye. Yesuusiyoo beeggiꞌi, “Ne Yooni bushoo Simooni neene; and Keefi getaa ceekkemmo neene” iye. Keefi geto “Pheexiroosi” woyee “Xaqqo” getone.

Mishiraachechinaꞌo 12:17

Tunetaa Pheexiroosi kishee malletoona yibbaateyaahote iꞌi tiyii, Doono cuyee kexoochee aabichiꞌi biin bi kichito gaata boonoshich gettiye. “Ebin Yaaqobinaa bare kittinnee maneenaꞌonoyich getote” iꞌi boonoshich gettiichii, aroochee kechii bare xaaꞌooch hammiye.

Mishiraachechinaꞌo 15:13

Boonoshi yibbaatoon boonoshi ciichitoyee gubb, Yaaqobi tiyiꞌi ishichiye: “Ta maneenaꞌote! Elle waayebote!

Mishiraachechinaꞌo 15:7

Oogichii boonoshi yibbaatetoyee gubb, Pheexiroosi tiyiꞌi ishichiye: “Ta maneenaꞌote! Aageteenaꞌo ta noonoochee mishiraachee qaaroon waayeree Yesuusi toommooch mulloon boonoshi tooꞌiyemmoyich, Yeeri meeti natoyee aaf ittoshi daggoochee taan bi kaacon ariibeeto ittoshine.

Mishiraachechinaꞌo 4:36

Arooba Qoophiroos shiijjeti, Yooseefi getteebeeti ikke Lewee asho beehe. Mishiraachechinaꞌo biinoo Barnabaasi iꞌi shigiiheete; ebiyoo Goggiyee Bushoo getone.

Roomi 1:5

Aageteenaꞌo bulli daggoochee boonoshi mulloon Kiristoosi toommooch tooꞌiiree biich deꞌa gettemminaꞌo danemmoyich, Yeeri Kiristoos waanaa mishiraachecho tuneree Kiristoosicha getiree ta shuunemmoyich, wojjoon taach immiye.

Roomi 12:3

Yeeri taach immiti wojjoona ebin ittoshi bullich gettaabeeto taane: Yeeri bi ikkikkoyich bi immiti mullee tooꞌiyoommon tachiree gabiballi, “Ta besh taane” geti geecoona gabaaye.

Roomi 15:15

Yeeri taach immiti wojjee naboona wochinnoon wotteree ittoshin shalligichoyich ebi wochooch ikkikke mooyinaꞌon aafee kupphoona koorito taane.

1 Qorontoosi 15:10

Tunebaani and ta tuneton tunooch taan bechito Yeerichi wojjoone; Yeeri taach bi immiti wojjoo duubo toonoone. Ebich bare mishiraachechinaꞌo bulliyee beshoon aajjaabee shuuneto taane; tunebaani aajjiꞌi shuuneto, taanna tookkii beeti Yeerichi wojjoani, ta toono taane.

2 Qorontoosi 11:5

Ta gaboochaa, ebi “Aricheti mishiraachechinaꞌo” gettee beetinaꞌoyee ikke mooyonolla shappaache.

2 Qorontoosi 12:11

Tuushoochoommon getteto taane; ebin ta gettemmoyich tuniito ittoshine; taan naada bedo ittoshine; koni ta gaata aricheyaani asho ta tunetaanoona, arichetinaꞌo getteeti mishiraachechinaꞌoyee amoonolla shappaache.

2 Qorontoosi 8:4

Yaafeenaꞌoyich tunemmi gijjee buushoon buushoona qoodeyecho tuneya qaawiꞌi, “Ebi emiroon daaggibote” iꞌi noon manjii qolletinaꞌone.

Galaati 1:16

Aageteenaꞌo daggooch bi Bushoochi mishiraachee qaaroon ta gettemmoyich, bi Bushoon taanna bekkiiya bi qaawiyooba, arooba asho koninolla boyeyaano taane.

Galaati 1:18

Aroochee keejje natoyee gubb Pheexiroosin beegga Yerusaalem hammaꞌa biinna tookkaa aaraa uuche qemon arooch koteho.

Galaati 2:1

Aroochee aaraa awudde natoyee gubb Barnabaasina tookkaa Titoosin yechaꞌa Yerusaalem guttinnoon hammeho.

Galaati 2:2

Yeeri taach bi bekkiitoommon arooch hammeho; tuniiya ta gabaabeeto woyee ta tuniito aafaallo tuneree bi echeyaachemmoyich, Aageteenaꞌo daggooch ta gettaabeeti mishiraachee qaaroon kittinnee guuphinaꞌon yaabii beetinaꞌoyich badd arichiihoye.

Galaati 6:3

Ikke asho bareenaꞌoyee beshaanoon beebee bi qelloon beshoon shaahiꞌi bi ciinigaata, bi qellooniye bi dawushii beeto.

Efesooni 2:20

Mishiraachechinaꞌonaa keemechinaꞌona baashiti baashee toommooch hakketo ittoshine; kexon tuuggii neechiibeeti giimbee guummoo Kiristoos Yesuusine.

Efesooni 3:8

Yaafeenaꞌo bulliyee desho taane; tunebaani koniyoona maqqiꞌi ariyoon hakkaani Kiristoosichi wojjeechon Aageteenaꞌoyich ta gettemmoyich, bullinoo halliti Yeeri wonnee yemeenoochee aacheeti, shuuneya bi gabiti mooyo amo gaata asho bullich gaxxi ta gettemmoyich, hini wojjoon taach immiye.

Qolaasiyaasi 1:29

Kiristoosi taach bi immii beetonaa taanna shuunee bi beeti ooge bi giidoommona ebin ceechoyich oogichaa qiiccaabeeto taane.

1 Yowannisi 1:3

Wotta noonna tookki ikkittino ittoshich bi beeyemmoyich, no beeggetonaa no waayetonon ittoshich gettaabeeto noone. No ikkittinoo Nihoo Yeerinaa bi Bushoo Yesuus Kiristoosina tookkiiniye.

Yaaꞌoo 3:12

Gondoochi giidoon kochii wochiton ta Nuggishoochi yaafee kechi cangiyoommon tuniyemmo taane. Gubbich ciroona aroochee keyaachemmone; ta Nuggishoochi shigoon, ta Nuggishoochi katemee shigoon, ebi getoo shimaayooch beeti ta Nuggishoo Yeer waanee kindemmi andire Yerusaalemi shigoon, wotta andire ta shigoon bi toommooch kooremmo taane.