Galaati 2:4 - Kafa Linguistics Project

⁴ Ebi mooyo bi tiyito, “Kittinnee manoo noone” ii beeti koote asheenaꞌo Kiristoos Yesuusina no daneti, guuchittinoochee keyon qiidoyich aashoona no daggooch boonoshi giyitoyichiye; boonoshiyoo guuchittinooch noon wochiya qaawiyeete.

Galaati 2:4 ပူးပေါင်းရင်းမြစ်များ

Shoddo 119:45

Ne qociyoon ta quyetoyich shataanoon beeyemmo taane.

Shoddo 51:12

Taan ne wodiihooba ne emirikkoommon, andoo taan emirikkibe; neech deꞌa ii beeti ayaanoon taach imbe.

Isiyaasi 51:23

Ebi aroon, neen xuuxii beetinaꞌo kishooch, ‘Ne toommona no beshemmoyich yite’ ii beetinaꞌo kishooch, geddemmo taane; newoo ne gubboon, neecheebeeti showoommon, hammeebeeti gommoommon, tuniiti neene” iye.

Luqaasi 5:38

Ebich koniyoona gaare woyinee uyoon andire mollexxoochiye bi kotiibeeto.

Mishiraachechinaꞌo 15:1

Ikkikke asheenaꞌo Yihudee showoochee Antsooka hammiꞌi, “Muusichi Sheeree doyoona ittoshi dokireyaan gaata, wodoon hakkaachote” iꞌi kittinnee maneenaꞌoyich dojjiyeete.

Mishiraachechinaꞌo 15:24

“Ikkikke asheenaꞌo no waanee kechiꞌi, boonoshich no getaanoon gettiibee ittoshin iritiiꞌi ittoshi mulloon boonoshi guttiyoon waayeto noone.

Mishiraachechinaꞌo 20:30

Ebiyee ikkikkeenaꞌo ittoshi daggoochee tiyiree, kittinneenaꞌon boonoshi waan wochiya xumme mooyon boonoshi ciiccemmon ariibeeto taane.

Roomi 8:15

Ittoshin bi bushoo tuniiti Ayaanoon ittoshich immiyalli, wochinnoon ittoshi shattemmoyich guuchittinee ayaanoon ittoshich imaanoone; ebich ebi are Ayaano noon yaabaa, Yeerin “Taabbo, ta Nihoocho!” iyaꞌa ceeggaabeeto noone.

2 Qorontoosi 11:13

Eboshiyoommi asheenaꞌo Kiristoosichi mishiraachechinaꞌon shaahiya boonoshi qelloon shaddiibeeti koote mishiraachechinaꞌonaa dawushechi shuunechinaꞌonane.

2 Qorontoosi 11:17

Ebiyoommon geecoona ta gettaa beegaata, tuushoochoommonalli, Doono taan gete bi getaa toonoone.

2 Qorontoosi 11:20

Ebiyoommon koniyoona ittoshin guunon bi tuniitaa, ittoshin bi bogaa, ittoshi waanee gaacoon danoyich ittoshin bi olletaa, ittoshin bi qallayaa, ittoshi gaakkooch bi tappetaa, cikkii qajjiibeeto ittoshine.

2 Qorontoosi 11:26

Wodde wottoon gommi shaꞌoona beeho; “Aaco taan maayemmone” immi keqqoona, “Bokkeenaꞌo taan wuxemminaꞌone” immi keqqoona, “Ta yoodeenaꞌo tuneti Ayihudeenaꞌo taan wuxemminaꞌone” immi keqqoona, “Aageteenaꞌo taan wuxemminaꞌone” immi keqqoona, katemeexi keqqoona, baraheexi keqqoona, bahareexi keqqoona, koote kittinnee maneenaꞌo waanee tuneebeeti mooyona keqqoona, beeho.

2 Qorontoosi 3:17

Illa Doono Ayaanoone; Doonochi Ayaano beeti are xaaꞌooch guuchittinoochee keyo beetone.

Galaati 1:7

Ebi are qaaro mishiraachee qaaro toonoone. Tunetaa ittoshin shuurikkoonaa Kiristoosichi mishiraachee qaaroon xummiyoonoyich shunniibeeti ikkikkeenaꞌo beetinaꞌone.

Galaati 4:25

Ebi Haggaari Arabee showooch beeti Siini guudi shaahiyeene. Andoo showooch beeti hanaachi Yerusaalemichi shaahiyeene. Bi bushiishoona tookkaa guuchittinooch beetine.

Galaati 4:3

Ebiyoommon no wotta gaggere bushiishoommon tunaꞌa no beehooba, hini showee toommeexi shiiche doyoyich hajjee, guunon tunaꞌa beehone.

Galaati 5:1

Sheeroyich guunon tunee hajjeeꞌi beemoochee Kiristoosi noon biishee kichitone. Illa manjiree neexebote; wochinnoon guuchittinee waanjoona xandeyaahote.

Galaati 5:10

Ebiyee bariti mooyon gabaachemmo ittoshi tunoon Doono Yesuusina ittoshin gibenaabeeto taane; ittoshin shuurikkiibeeti asho koniyoona Yeeri nallemmi nalloo bi toommooch shaggemmone.

2 Ximootiyoosi 3:6

Eboshi daggoochee ikkikkeenaꞌo ashi kexooch shokii giyiibee, boonoshi yibbaatoona mullaalli maacheenaꞌon ollee beetinaꞌone; ebi are maacheenaꞌo meeti baribare qaatoyich boonoshi hajjeetaa, dofee axaaxoo boonoshi toommooch kiceetone.

Yaaqobi 1:25

Tunebaani axaaxoochee biishee beeti, shappaalli ceeni sheeroon ciinniꞌi are sheeroona manjiibeeti, waayeenoo batteyaanoon shuunee toommooch heechiibeeti asho, bi shuuneebeeti shuunoona diireyemmone.

1 Pheexiroosi 2:16

Guuchittinooch hajjeyoochee keyiree Yeerichi guuninaꞌochoommon beebotalli, are guuchittinoochee ittoshi keyon gonde shuunee qeroon tuniyaahote.

2 Pheexiroosi 2:19

Areenaꞌo boonoshi qelloona eeꞌe shuunoyich hajjeeti guuninaꞌo tuneechii, bareenaꞌon “Guuchittinoochee kechemmo ittoshine” iibee gibenikkii beetinaꞌone. Asho, biin hajjiti mooyo amoyicholla guunone.

1 Yowannisi 4:1

Ta shunechinaꞌote! Meeti koote keemechinaꞌo showee toommooch boonoshi kechitoyich, ayaaneenaꞌo Yeer waanee boonoshi tunoonaa tunee qayonon xiishiree ariibotalli, ayaano bullin iberiyaahote.

Yihudi 1:4

Ikkikke asheenaꞌo ittoshi daggooch shokiibee giyitinaꞌone; hukkechinaꞌo tuneꞌi no Nuggishoochi wojjoon boonoshi meechi qaatoona shaddiyeete; bi ikkeeto baach no Taatoonaa no Doonona tuneti Yesuus Kiristoosin nookkeheete; boonoshi toommooch shaggemmi nalloo wodde yemeenoyee aaf Yaafe Macaafooch kooreetone.