Galaati 2:20 - Kafa Linguistics Project

²⁰ Ebich tawoo ebiyee bekk kashechon tunaꞌa beetaache; tunebaani Kiristoosi ta mullooch giyiꞌi beetone. Andoo meenona ta beeti beemo, taan shunnii taacha iꞌi qitoyich bi qelloon beshii immiti, Yeeri Bushoo toommooch mullee tooꞌiyoona ta beemone.

Galaati 2:20 ပူးပေါင်းရင်းမြစ်များ

Solomooni 7:10

Ta, shiiqqichi taane; bi qaatiibeeto taaniye.

Maatiyoosi 20:28

Ashi Busholla wocheyoonaa bi kashoon meetinaꞌochi keroyich deejjoonoyich waahalli, boonoshi biich wocheebeete iꞌi waataanoone” iye.

Maatiyoosi 4:3

Arooba daabiloosi giddeꞌi, “Yeerichi Bushoo ne gaata, hini xaqqeenaꞌon ‘Koshon tunebote’ gete” iye.

Yowannisi 1:49

Naatinaꞌeeli wochiꞌi, “Dojjechocho, ne Yeerichi Bushoo neene! Ne Israꞌeelee taatoo neene!” iye.

Yowannisi 10:11

“Deꞌe qiddoo taane. Deꞌe qiddoo bi bageenaꞌo keroyich qitemmone.

Yowannisi 15:13

Asho bi shunechinaꞌochi keroyich bi kashoon beshii bi imigaata, ebiyee beshe shuno konichona aalloone.

Yowannisi 17:21

Ta qollaabeeto, boonoshi bulli ikkottemmoyichiye; taan ne deejjoon alemo iberiyemmoyich, ta Nihoocho, ne taanna ne beemoommon, tawoo neenna ta beemoommon, ebiyoommon wotta boonoshi noonna beebeete.

Yowannisi 3:16

“Mulloon bi Bushoo toommooch tooꞌiibeeto bulli, bulli yemeenee kashoon bi danemmonaa bi aalleyaachemmonoyich, Yeeri ikke bi Bushoon bi immimmi wottoon alemoon oogichii shunniye.

Yowannisi 3:35

Nihoo Yeeri bi Bushoon shunnii beetone; bullin biich hajjiitone.

Yowannisi 6:57

Beeyechi Nihoo Yeeri taan wochetone; tawoo bi naboona beeyecho taane. Ebiyoommon taan maabeeto, ta naboona kashecho tuneree beeyemmone.

Yowannisi 6:69

Nowoo, Yeerichi Yaafoo ne tunoon iberiito noone; ariinoo ito noone” iye.

Mishiraachechinaꞌo 8:36

Tookkii gommo hammiibee aaco beetooch shaggiyeete; uro tiyiꞌi, “Ebiyoche, hiniich aaco beete; aacona ta afaalleyaachemmoyich, taan bajjemmi mooyo amoone?” iꞌi echehe.

Mishiraachechinaꞌo 9:20

Boonoshina tookkii beebee, Ayihudeenaꞌo kiceebeeti kexinaꞌoochaa Yesuusi Yeerichi Bushoo bi tunoon gettii beehe.

Roomi 1:17

Ebiyoo mishiraachee qaaroona Yeer waanee daneebeeti cadiqoo bi bekkee beetoyichiye; ebi cadiqoo bi bekkeebeeto, shiichoochee ciirooch beddaahaa Kiristoosi toommooch mulloon tooꞌiyoonane. Ebiyoo “Yeeri toommooch mulloon tooꞌiyoona cadiqito kashecho tuneree beeyemmone” getaa bi kooreetoommoniye.

Roomi 14:7

Kashoona no beetaa, Doonoyicha iyaꞌa beehone; no qititeenoo Doonoyicha iyaꞌa qitiyone. Ebich no daggoochee ikkolla bi qellich baach beetaache; bi qellich baach qitaache. Illa kashoona no beetaa woyee no qititaa, Doonocho noone.

Roomi 3:22

Aroo Yesuus Kiristoosi toommooch mullee tooꞌiyoona Yeer waanee danemmi cadiqoone. Boonoshi mulloon Yesuus Kiristoosi toommooch tooꞌii beetinaꞌo bullin Yeeri cadiqiyemmone. Barittino aalloone;

Roomi 5:2

Yesuus Kiristoosiyoo wotta bi toommooch no mulloon tooꞌiyoona no beeti hini wojjooch noon shakkiiꞌi giijjitone. “Yeerichi oogee yiiroochee qoodeyecho tunemmo noone” getona nooch beeti gibenoona geeciyone.

Roomi 5:6

Hakkoon guuteeꞌa no beetaa, Yeeri bi taajjeti yemeenooba Kiristoosi gondeenaꞌoyicha iꞌi qititone.

Roomi 5:8

Tunebaani Yeeri am shaahoon noon bi shunnito gaata xalla bekkiitone: Batt axaaxecho tunaꞌa no beetaa, Kiristoosi noocha iꞌi qititone.

Roomi 6:13

Qitoochee tiyiꞌi kashechon tuneꞌi beetoommon, ittoshi qelloon Yeerich giddiibote. Ittoshi ashittinee quumo bullin cadiqee ginee qiicoon tuniiree Yeerich giddiibotalli, xumme mooyon ittoshin bi shuuniyemmoyich, ittoshi ashittinee quumoon ginee qiicoon tuniiree axaaxoyich giddiyaahote.

Roomi 6:8

Kiristoosina tookkii qitito no tunegaata, biinna tookki wotta kashechon tuneree beeyemmo no tunoon iberiibeeto noone.

Roomi 8:10

Kiristoosi ittoshi mullooch bi beegaata, ittoshi meeno axaaxee naboona qitito bi tunetaanoona, Yeeri aafoochaa cadiqito ittoshi tunetoyich, Yeerichi Ayaano ittoshich kashoon immitone.

Roomi 8:37

Illa noon shunniti Kiristoosina ebi mooyinaꞌo bulli toommooch wudoon danoona, kochii wochii beetinaꞌoyee beshoo noone.

1 Qorontoosi 6:17

Tunebaani Doono Yesuusina tookkii ikkotteti uro bi ayaanoona Yesuusina tookkii ikkottetone.

2 Qorontoosi 1:24

Yeeri toommooch mullee tooꞌiyoona manjii ittoshi neexoon ariito noone; ebich ittoshina tookkaa no shuunaabeeto ittoshi emiremmoyich qaawaꞌaanalli, ittoshi mullee tooꞌiyee toommooch doonjittinoon qaawaꞌa toonoone.

2 Qorontoosi 10:3

Hini alemooch beeto no tunetaanoona, no koyaabeeto hini alemeexi asheenaꞌochoommon toonoone.

2 Qorontoosi 11:10

Koniyoona Akaayee showoochee ebi ta geecoon bayon hakkaache; ebin taach beeti Kiristoosichi iberoona gettoye.

2 Qorontoosi 13:3

Ittoshiyoo Kiristoosi taanna tuneꞌi gettiibeeto bi tunoon xiishiya qaawiibeeto ittoshine; ittoshi daggooch bekkeebeeto bi giidoani, bi hakkee guutoo toonoone.

2 Qorontoosi 13:5

Kiristoosi toommooch mullee tooꞌiyoona beeto ittoshi tunoon, eke ittoshi qelloon phire boshe beegote. Yesuus Kiristoosi ittoshi ikkikkoo mullee daggooch beemon ariyaachote? Ebi tuno qayigaata, beddito tuneꞌi daneyaano ittoshine getone.

2 Qorontoosi 5:14

Ikkoo bullicha iꞌi qitito bi tunoon, ebichoo asho bulli qitito bi tunoon no ariitoyich, Kiristoosichi shuno noon hajjii beetone.

2 Qorontoosi 5:15

Kashoona beetinaꞌo boonoshicha iꞌi qititonaa qitoochee tiyitonon emirikkoyichalli, gubb boonoshi qelloon emirikkoyich boonoshi beetaachemmoyich bullicha iꞌi qitiye.

Galaati 1:4

Gondo meettiti hini yemeenooch beeti asheenaꞌon shaahiree no beetaachemmoyich, Kiristoosi noon wodiyoyich no Nuggishoonaa no Nihoona tuneti Yeerich deꞌa iꞌi no axaaxoyich deejjoon tunehe.

Galaati 2:16

Tunebaani asho Yesuus Kiristoosi toommooch mulloon tooꞌiyoonalli, sheeroon ceechoona cadiqaachemmo bi tunoon ariito noone. Ebich sheeroon ceechoona tuneyaanoon, Kiristoosi toommooch mullee tooꞌiyoona no cadiqemmoyich, no mulloon Kiristoos Yesuusi toommooch tooꞌiito noone. Meenon taheti asho koniyoona sheeroon ceechoona cadiqaache.

Galaati 3:11

“Yeeri toommooch mulloon tooꞌiyoona cadiqito kashecho tuneree beeyemmone” getaa Yaafe Macaafooch kooreetone; ebich asho koniyoona sheeroon quyoona Yeeri aafooch cadiqaachemmo bi tuno arichetone.

Galaati 5:24

Kiristoos Yesuusicho tunetinaꞌo meenon gonde bi gaboonaa bi qaatoona tookkii yoodditinaꞌone.

Galaati 6:14

Tunebaani no Doono Yesuus Kiristoosi yooddeti masqaloyee beshetaa bare geecoo ta waanee wohe; are masqalee naboona hini alemeexi mooyo taach yoodaa qititone; tawoo wotta hini alemeexi mooyoyich yooddaa qitito taane.

Efesooni 5:2

Kiristoosiyoo wotta noon bi shunnitoommon, Yeerin emirikkiibeeti cinnechi buuroommonaa deejjoommonon tuniiꞌi noocha ii bi qelloon beshiiꞌi bi immitoommon, shunoona beebote.

Efesooni 5:25

Keneenaꞌote, Kiristoosi kittinnee guuphon bi shunoommon, biicha iꞌi bi kashoon beshii bi imoommon, ebiyoommon ittoshi mecheenaꞌon shunote.

Filipphisiyoosi 4:13

Giidoon taach immiibeeti Kiristoosina bulli mooyon tuniyoon hakkaabeeto taane.

Qolaasiyaasi 1:27

Boonoshichoo Yeeri ebi maacee mooyo Aageteenaꞌo daggooch am shaahoon worganikkiibeeto gaata bi tunoon arichiyoyich shunniye; ebi maacee mooyo Yeerichi oogee yiiroon danee gibeno tuneti Kiristoosi ittoshi mullee daggooch beemone.

1 Tasaloonqi 5:10

Kashoona no beetaa woyee no qititaa, biinna tookki kashoona no beeyemmoyich Kiristoosi noocha iꞌi qitiye.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

Hibireena'o 8:3

Qeeshee guudo bulli bi ukkireebeeto buuroonaa deejjoonon Yeerich bi giddiyemmoyichiye; ebich hini are qeeshee guudo Yeerich bi giddiyemmi ikke mooyo biich beemo qaawiihe.

1 Pheexiroosi 1:8

Biin aafoona beegaano ittoshi tunetaanoona, shunniibeeto ittoshine; and biin beegaano ittoshi tunetaanoona, ittoshi mulloon bi toommooch tooꞌiito ittoshine. Ebich qaaroona ebine getaa getteyoo hakkeyaani, oogichii worganikkiti emiroon emiriibeeto ittoshine.

1 Yowannisi 1:7

Tunebaani aroo bekkooch bi beemoommon bekkoona no shaꞌegaata, noonnaa noonna daggooch ikkittino beetone; wotta bi Bushoo Yesuus Kiristoosichi damoo axaaxoo bulliichee noon xallii beetone.

1 Yowannisi 4:14

Nihoo Yeeri bi Bushoon hini alemooch beetinaꞌon Wodiyecho bi tunemmoyich wochee bi deejjoon beeggeto noone; ebich miixaabeeto noone.

1 Yowannisi 5:20

Wotta Yeerichi Bushoo womonaa iberoo tuneti Yeerin no ariibeeti mulloon nooch bi imonon ariibeeto noone. Iberoo tuneti Yeerina tookkii nooch ikkittino beetone; wotta bi Bushoo Yesuus Kiristoosina tookkii nooch ikkittino beetone. Biyoo ibere Nuggishoonaa bulli yemeenee kashoonane.

Yaaꞌoo 1:5

gibeneeti miixoo tuneti, qitoochee shiichii tiyiti, showee toommeexi taateenaꞌon hajjiibeeti Yesuus Kiristoos waanee wojjoonaa diggoona ittoshich tunebe. Noon shunniti, bi damoonoo no axaaxoochee noon biisheti,

Yaaꞌoo 3:20

Ebiyoche, kellooch neexaachaa kelloon qoppaabeeto taane; koniyoona ta qaaroon waayeꞌi bi kelloon bi qechigaata, bi waan giyemmo taane; biinna tookki gifiroon maayemmo taane; biyoo taanna tookki maayemmone.