Galaati 2:2 - Kafa Linguistics Project

² Yeeri taach bi bekkiitoommon arooch hammeho; tuniiya ta gabaabeeto woyee ta tuniito aafaallo tuneree bi echeyaachemmoyich, Aageteenaꞌo daggooch ta gettaabeeti mishiraachee qaaroon kittinnee guuphinaꞌon yaabii beetinaꞌoyich badd arichiihoye.

Galaati 2:2 ပူးပေါင်းရင်းမြစ်များ

Dojjecho 10:1

Qititi yaamminaꞌo cinnechi shittoon boonoshi shaaꞌiyoommon, giisheche tuushoo ooge shalligoon giishiihe.

Maatiyoosi 10:16

Daakkiꞌi Yesuusi ishichiye: “Ellebote, bagoochoommon okereenaꞌo daggooch ittoshin wochemmo taane. Ebich dingeroochoommon accecho, uggechoommon duuroo tunebote.

Mishiraachechinaꞌo 15:12

Ishin waayeti asheenaꞌo bulli cikkii qajjiyeete. Aree hillooch Yeeri boonoshi kishoona Aageteenaꞌo daggooch bi tuniiti worganikkiti malletoonaa gaakkechi shuunoonon Barnabaasinaa Phawuloosina getaa, ellee beeheete.

Mishiraachechinaꞌo 15:2

Ebich Phawuloosinaa Barnabaasina hini asheenaꞌona tookkii kaaree shaceꞌi, meeti gommona taggeheete. Ebich Phawuloosinaa Barnabaasinon, wotta boonoshina tookkii beetinaꞌo daggoochee ikkikkeenaꞌon kaacciꞌi, “Yerusaalem beeti mishiraachechinaꞌonaa geeneenaꞌona waan hamiree hini mooyon echeebote” iyeete.

Mishiraachechinaꞌo 15:4

Yerusaalem boonoshi shagaa, kittinnee guuphi asheenaꞌo, geeneenaꞌonaa mishiraachechinaꞌona boonoshin iibbiiheete. Hini wocheetinaꞌo Yeeri boonoshina tookkii tuneꞌi bi tuniiti mooyo bullin yibbaateheete.

Mishiraachechinaꞌo 18:9

Aree hillooch Doono xum Phawuloosich yaaꞌoona bekkeꞌi ishichiye: “Shattaahine! Ta neenna tookkaa beeto taane; cikki qajjaahine. Hini asheenaꞌoyich gete. Wotta hini katemooch taacho tuneti meeti asheenaꞌo beetoyich, ne toommooch tiyiree gondoon shuunemmo koniyoona aalloone” iye.

Mishiraachechinaꞌo 23:11

Bi decharoobee xum Doono Yesuusi Phawuloosi gaꞌooch neexeꞌi, “Yerusaalem ta miixoo ne tunetoommon, ebiyoommon Roomaa wotta taach ne miixemmoyich qaawiihe; ebich kupphebe” iye.

Mishiraachechinaꞌo 5:34

Tunetaa asho bulli oogiibeeti Muusichi Sheeree dojjechi Gamaleeli getteebeeti ikke Farisoo boonoshi daggoochee tiyiꞌi, “Ikke wottoon hini asheenaꞌon maach kichibote” bi itoyee gubb,

Roomi 9:16

Ebich maaroo danemmo maariibeeti Yeer waaneenalli, ashi daaggoona woyee ashi qiiccoona toonoone.

1 Qorontoosi 1:23

Tunebaani no, masqalooch yooddeti Kiristoosin awaajjaabeeto noone. Ebi Ayihudeenaꞌoyich xugo tunehe; Aageteenaꞌoyichoo tuushittinoon shaahiye.

1 Qorontoosi 2:2

Arooba ittoshi daggooch ta beehooba, “Yesuus Kiristoosin, ebiyoo yooddeeꞌi qititi Kiristoosiyee damba, baroon ariyaache” iyaꞌa maacceto taane.

1 Qorontoosi 9:24

Woccii beshoon gajjiteeꞌi wocee beetinaꞌo daggoochee wocona beshiree naadee wojjoon danemmo ikke uro baach tunoon ariyaachote? Ebiyoommon naadee wojjoon ittoshi danemmoyich kuppheree gaaweti wocon wocebote.

1 Qorontoosi 9:26

Ebich shalligaanoon woccii beetinaꞌochoommon ta wocaache; yongoona qiiccee beetinaꞌochoommon duuboon qiicceyaache.

2 Qorontoosi 12:1

Geecoo gaacaallo bi tunetaanoona, geecoo taach qaawii beetone; eke and Doono Yesuus waanee taach bekketi yaaꞌeecho waan wottebon.

Galaati 1:12

Yesuus Kiristoosi taach bekkiitoani, ashi waanee ta daneto toonoone; asho koniyoona taach dojjaanoone.

Galaati 1:16

Aageteenaꞌo daggooch bi Bushoochi mishiraachee qaaroon ta gettemmoyich, bi Bushoon taanna bekkiiya bi qaawiyooba, arooba asho koninolla boyeyaano taane.

Galaati 1:6

Kiristoosichi wojjoona ittoshin ceeggiti Yeerin qajjiichii bare mishiraachee qaarooch aabichiꞌi afaafinee shokiyote? Ebi ittoshi tuniiti mooyon iberiyoo taach maggehe.

Galaati 2:6

Ebi are kittinnee guuphinaꞌon yaabii qeejjii beeton shaahiꞌi bekkee beetinaꞌo, koni boonoshi tunetaanoona aaxxiyaano taane; Yeeri ashoon heppaache; eboshi taach boonoshi giddiiti dallaawe mooyo aalloone.

Galaati 2:9

Wotta Yeeri taach bi immiti wojjoon ariiꞌi giimboon shaahiꞌi bekkeebeeti Yaaqobi, Pheexiroosinaa Yowannisina boonoshi qanne kishoon imona noonna tookkii boonoshi tunoon bekkiiheete; taannaa Barnabaasina Aageteenaꞌo waan hammemmoyich, boonoshiyoo Ayihudeenaꞌo waan boonoshi hammemmoyich tuniiheete.

Galaati 5:7

Gaawe wocon wocciibee echeto ittoshine; ishigaata and, iberoyich deꞌa ittoshi getaachemmoyich ittoshin bajjito konine?

Filipphisiyoosi 2:29

Taan gaachoon ittoshi hakkaani aabooch taach shappiti mooyon ceechoona bi kashoonolla aaxxiyaanoon Kiristoosichi shuunoyich qitoyich beddaahaa yaadii kuxxitone. Ebich ceeni emiroona Doono Yesuusicha getiree biin iibbiibote; biinoommi asheenaꞌo bullinoo oogiibote.

1 Tasaloonqi 3:5

Ebich wotta haaꞌiyoo taach hakkeyoo bi qajjitoyich, “Daabiloosi diqqich ittoshin dawushi dichi beeyemmone; no aayo duubo tuno qayaache” iyaꞌa Kiristoosi toommooch ittoshich beeti mullee tooꞌiyoona am shaahoon ittoshi manjito gaata ariyoyich wochaa daachiito taane.

2 Ximootiyoosi 4:7

Gaaweti qiiccoon qiicceto taane; ciirooch beddaahaa dihaanoon wocceto taane; Kiristoosi toommooch mullee tooꞌiyee doyoonoo manjiiꞌa quyeto taane.

Hibireena'o 12:1

Illa ebi shaahe miixeenaꞌo quboochoommon no guudoona boonoshi beetoyich, no wotta shaago bullin, kaafi noon yechemmi axaaxoonoo wokkiibone; no mullee tooꞌiyee shimboonaa tuggoonon tuneti Yesuusin ciinibee, noyee aaf beeti gommon haaꞌiyoona wocone. Biyoo gubb bi danemmi emiroon ciinniꞌi, masqalee toommooch qitoo yeelliibeeto bi tunetaanoona, yeelleyaanoon bi haaꞌiitoyee gubb and Yeerichi taatee qeenooch qanne badd kotetone.