Galaati 2:15 - Kafa Linguistics Project

¹⁵ “No, Ayihudee shiijjeroo noone; ‘Axaaxechinaꞌo’ getteebeeti, Aagetoo toono noone.

Galaati 2:15 ပူးပေါင်းရင်းမြစ်များ

Maatiyoosi 9:11

Ikkikke Fariseenaꞌo ebin beeggiꞌi bi dabbeenaꞌon “Ittoshi dojjecho gabiyee guudeenaꞌonaa axaaxechinaꞌona tookkii ikkooch bi maabeeto amoyichiye?” iꞌi echeheete.

Mishiraachechinaꞌo 22:21

“Biyoo wochiꞌi, ‘Wohooch beeti Aageteenaꞌo waan neen wochemmo taane; ebich tiyiree hambe’ iꞌi gettiye” iye.

Roomi 3:9

Illa amo tuneba? Ayihudo no, Ayihudo tuneyaaneenaꞌoyee besho noone? Ciroona toonoone. Ayihudeenaꞌoo, Ayihudo tuneyaaneenaꞌoo bulliyona axaaxoyich hajjeeꞌi beetinaꞌo boonoshi tunoon shiichaꞌa bekkiito noone.

Roomi 4:16

Ebich sheeroyich hajjeeꞌi beetinaꞌo ikkeetinaꞌoyich baach tuneyaanoon, Abrahamichoommon mulloon tooꞌiiti bi yareenaꞌo bullich wotta gibenee qaaro manjemmoyich, are gibenoo Yeerichi wojjoommo bi tunemmoyich, Yeeri toommooch mullee tooꞌiyoonane bi daneebeeto. Ebich biyoo “Meeti aageteenaꞌoyich nihoon neen tuniihoye” getaa bi kooreetoommon, qititinaꞌoyich kashoon immiibeeti, aalloonoo beeto tuniiꞌi neechiibeeti, bi toommooch mulloon bi tooꞌiiti Yeeri aafoochaa no bulli nihoone.

Galaati 2:17

“Tunebaani Kiristoosina cadiqiya qaawaabeeto tunaachaa no qelloona axaaxecho tunaꞌa no danegaata, illa Kiristoosi axaaxoon no shuunemmoyich noon xuqqii beete getoani am? Ciroona tuneyaache!

Efesooni 2:3

Arooba ebi asheenaꞌo daggooch no bulli wotta no meechi daaggoommonaa no mullee daaggoommonon tuniyaabee, no meechi qaatoommona beehone; bareenaꞌo bullichoommon wotta Yeerichi kaaree shiixxoo no toommooch kindemmi asho tunaꞌa beehone.

Filipphisiyoosi 3:4

Tunebaani meechi doyoona geecoon wotta hakkesho taane. Bare asho koniyoona bi tunetaa meechi doyoona bi geecemmi mooyo biich beeto bi shaahigaata, ta ishichiꞌi gaboyich beshe mooyo taach beete.

Titoosi 3:3

Ebiyee aaf no wotta mullaallo, deꞌa getaano, muriccaabeeto, baribare meechi qaatoonaa meenon emirikkoonoyich guunochoommon hajjeebeeto, gonde moochecho, ashi wodoon shixxaabeeto, ashoona shichaa beeto, noonnaa noonna mateebeeto noone.

1 Saameeli 15:18

Doono Yeeriyoo ‘Hamiree ebi axaaxechinaꞌo tuneti Amaleeqeenaꞌon ciroona wuxi hidi aalliibe; boonoshi aallemmi wottoon koye’ iꞌi neen wochehe.