Galaati 1:8 - Kafa Linguistics Project

⁸ Tunebaani no tunetaa woyee shimaajji maraakolla, hini no getteti mishiraachee qaaroyee bariti qaaroon bi getigaata, uppeton tunebe!

Galaati 1:8 ပူးပေါင်းရင်းမြစ်များ

Halloo 9:25

Biyoo ishichiye: “Kanaani uppeton tunebe! Bi maneenaꞌoyichoo guuneexi guunon tunebe” iye.

1 Taateenaꞌo 13:18

Tunebaani keemechi geene uro, “Tawoo neenoommi keemecho taane. ‘Koshon bi maayemmonaa aacon bi uchemmonoyich, wochiree ne kexooch biin deebe’ iꞌi maraakoo Doono Yeerichi qaaroona taach gettitone” iye; tunebaani bi ishichito, kootooniye.

Nehimi 13:25

Boonoshin kaareho; uppeho; ikkikkeenaꞌonoo yexxeho; boonoshi qelloonoo shetteho; ishichaanoo iyo: “Israꞌeelee taatoo Solomooni axaaxoon bi shuuneto, ebiyoommi dallaawe maacheenaꞌochi naboona toone? Biinoommi taatoo meeti aageteenaꞌo daggooch aabiichona aalloone; biyoo bi Nuggishoona shuchetone; Yeeri Israꞌeelee showoo bulliich biin taatiitone; tunebaani dallaawe maacheenaꞌo biin muriciiꞌi axaaxooch yaabiyeete. Ittoshiyoo dallaawe maacheenaꞌon shaagona, ebi shaahe gonde mooyon ittoshi tuniyoon, no Nuggishoyichoo gibeneyee ittoshi qayon waayi beddoone? Ittoshi maache bushiisheenaꞌon boonoshi anaami bushiisheenaꞌoyich immaahote; boonoshi maache bushiisheenaꞌon ittoshi anaami bushiisheenaꞌoyichoo shaakkiyaahote; ittoshiyoo shaaggaahote” iyaꞌa Yeeri aafooch boonoshin wogiiho.

Erimiyaasi 23:16

Beshe Mawe Doono Yeeri ishichiye: “Ebi keemechinaꞌo keemmiibeeti qaaroon waayeyaahote; boonoshiyoo duube gibenoon ittoshich gibenikkii beetinaꞌone; boonoshi gettiibeeto Doono Yeeri ta noonoochee kechiton tuneyaanoon boonoshi mulloochee kechiti yaaꞌooniye.

Erimiyaasi 23:36

Tunebaani asho bullich shaago tuneto bi hajjee qaaro bi tunetoyich ‘Doono Yeerichi shaago’ gettaahote; Beshe Mawe Doono Yeerichi, beeyechi Nuggishoo no Nuggishoochi qaaroon wuuqqiyote.

Maatiyoosi 25:41

“Arooba yooche badd beetinaꞌoyich ishichemmone: ‘Hini uppeetinaꞌote, daabiloosinaa bi maraakeenaꞌonoyich qanniti bulli yemeenoon tahaani shiweree qaaqqooch ta waanee hambote!

Maariqoosi 14:71

Tunetaa Pheexiroosi “Hini ittoshi gettiibeeti uroon ariyaano taane” iꞌi bi kashoon uppii wogehe.

Mishiraachechinaꞌo 23:14

Boonoshiyoo qeeshee ukkireenaꞌonaa showee geeneenaꞌona waan hammiꞌi, “ ‘Phawuloosin wuxaanoon amoonolla maataachone’ iyaꞌa no kashoona wogeto noone.

Roomi 16:17

Illa ta maneenaꞌote! Ittoshi doyiti doyoon shixona ashoonaa ashoonochi daggooch barbarittinoon hallii beetinaꞌo waanee, xugo tuneebeeti asheenaꞌo waaneenoo ittoshi qelloon ittoshi quyemmoyich ittoshin qollaabeeto taane; eboshi waanee baribote.

Roomi 9:3

Ta xibeenaꞌo tuneti ta maneenaꞌoyicha getiree Kiristoosiyee bariree ta qelloona uppeto ta tunemmoyich qaataa beehoye.

1 Qorontoosi 12:3

Ebin ariibote: Koniyoona Yeerichi Yaafe Ayaanoona yaabeebee, “Yesuusi uppeto tunebe” getaache; ebiyoommon wotta Yeerichi Yaafe Ayaanoona yaabeyaanoon, “Yesuusi Doonone” geton hakkemmo koniyoona aalloone.

1 Qorontoosi 16:22

Doono Yesuusin shunaano koniyoona bi beegaata, aroo uppeto tunebe! No Doonocho, kaate wotteree wobe!

Galaati 1:9

Ebiyee aaf ta gettetoommon andoo wochinnoon gettoye: Shiichiꞌi ittoshi iberiiti mishiraachee qaaroyee bariti qaaroon koniyoona ittoshich bi getigaata, uppeton tunebe!

Galaati 3:10

“Sheeroon ceechii no quyoona wodemmo noone” iꞌi gibenee beetinaꞌo uppeꞌiniye boonoshi beeto. Ebiyoo, “Muusichi Sheeree macaafooch kooreeti sheereenaꞌo bullin ceechii quyeyaano bulli uppetone” getaa bi kooreetoyichiye.

Galaati 3:13

“Mixooch yooddeebeeto bulli uppetone” getaa kooreetone; ebich Kiristoosi noocha iꞌi uppeton tuneꞌi sheeroo no toommooch deebemmi ufoochee noon biishehe.

Titoosi 3:10

Barbarittinoon halliibeeti ashoon ikke wottoon woyee gutte wottoon ne ittibatetaa bi mawigaata, biyee wohe.

Yaasi 9:23

Ebich and illa uppeto ittoshine; bulli aaboon ta Nuggishoochi kechi michi mittechonaa aachi kittechona tuneti guunon tunemmo ittoshine” iye.

2 Pheexiroosi 2:14

Maacheen beeggii beshiiyaaneenaꞌone; beddiye iꞌi axaaxee shuunoochee wotteyaaneenaꞌone. Ikke gaboona manjaani asheenaꞌon dawushii beetinaꞌone; hiriggoon doyiti mullo boonoshich beetone; uppeti shiijjereenaꞌone.

1 Saameeli 26:19

Andoo taatoo ta doonocho, ne guuno ta gettaa beeton waayebe. Taanna ne kaaremmoyich tuniito Doono Yeeri bi tunegaata, deejjoon deꞌe. Tunebaani asheenaꞌo tunegaata, Doono Yeerina uppetinaꞌon tunebeete. Taan ‘Hamiree bare nuggisheenaꞌoyich goyinne maddebe’ iꞌi Doono Yeerichi showooch ta beetaachemmoyich hanaach taan yookkitinaꞌone.