Galaati 1:7 - Kafa Linguistics Project

⁷ Ebi are qaaro mishiraachee qaaro toonoone. Tunetaa ittoshin shuurikkoonaa Kiristoosichi mishiraachee qaaroon xummiyoonoyich shunniibeeti ikkikkeenaꞌo beetinaꞌone.

Galaati 1:7 ပူးပေါင်းရင်းမြစ်များ

Erimiyaasi 23:26

Boonoshi hajjee mullee maroonaa kootoonon keemmiibeeti koote keemechinaꞌo mullooch, kooto beeyemmo aati wottooniye?

Erimiyaasi 23:36

Tunebaani asho bullich shaago tuneto bi hajjee qaaro bi tunetoyich ‘Doono Yeerichi shaago’ gettaahote; Beshe Mawe Doono Yeerichi, beeyechi Nuggishoo no Nuggishoochi qaaroon wuuqqiyote.

Maatiyoosi 24:24

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee worganikkiti malletoonaa gaakkechi shuunoonon shuunemminaꞌone.

Mishiraachechinaꞌo 13:10

“Aconaa gonde mooyona ne mullooch ceenniti hini daabiloosichi bushoochoo, tato tuneti mooyon shunaanoocho, kaamoo tuneti, Doono Yesuusichi gommon xummiyoochee kasheyaachenne?

Mishiraachechinaꞌo 15:24

“Ikkikke asheenaꞌo no waanee kechiꞌi, boonoshich no getaanoon gettiibee ittoshin iritiiꞌi ittoshi mulloon boonoshi guttiyoon waayeto noone.

Mishiraachechinaꞌo 20:30

Ebiyee ikkikkeenaꞌo ittoshi daggoochee tiyiree, kittinneenaꞌon boonoshi waan wochiya xumme mooyon boonoshi ciiccemmon ariibeeto taane.

2 Qorontoosi 11:13

Eboshiyoommi asheenaꞌo Kiristoosichi mishiraachechinaꞌon shaahiya boonoshi qelloon shaddiibeeti koote mishiraachechinaꞌonaa dawushechi shuunechinaꞌonane.

2 Qorontoosi 2:17

Yeerichi qaaroon giixeebeeti, bare meeti asheenaꞌoommo toono noone; tunebaani Yeerina wocheeto noone; Kiristoosina tunaꞌa Yeeri aafooch xalle mulloona yibbaataabeeto noone.

2 Qorontoosi 4:2

No, no qelloona yeelliibeeti aashee mooyo bullin shuuneyaachone ito noone; dawushoona shuuneyaachone; Yeerichi qaaroon kootoona baccaachone. Tunebaani iberoon xallayiꞌi getona Yeeri aafooch am shaahe asho gaata no tunoon asho bulli bi mulloona ariyemmoyich tuniihone.

Galaati 1:6

Kiristoosichi wojjoona ittoshin ceeggiti Yeerin qajjiichii bare mishiraachee qaarooch aabichiꞌi afaafinee shokiyote? Ebi ittoshi tuniiti mooyon iberiyoo taach maggehe.

Galaati 2:4

Ebi mooyo bi tiyito, “Kittinnee manoo noone” ii beeti koote asheenaꞌo Kiristoos Yesuusina no daneti, guuchittinoochee keyon qiidoyich aashoona no daggooch boonoshi giyitoyichiye; boonoshiyoo guuchittinooch noon wochiya qaawiyeete.

Galaati 4:17

Mishiraachee qaaroon xummiyoyich qaawiibeeti ebi asheenaꞌo boonoshi waan ittoshin wochiya qiiccee beetinaꞌone; ebin boonoshi tuniibeeto gaawe gaboona toonoone; boonoshich ittoshi qanaatemmoyich noonnaa ittoshinon kaariiree barbariiya shunnii beetinaꞌone.

Galaati 5:10

Ebiyee bariti mooyon gabaachemmo ittoshi tunoon Doono Yesuusina ittoshin gibenaabeeto taane; ittoshin shuurikkiibeeti asho koniyoona Yeeri nallemmi nalloo bi toommooch shaggemmone.

Galaati 5:12

Dokireebote iꞌi ittoshin shuurikkii beetinaꞌo dokireyoo qayaa nasheesholla geteete.

Galaati 6:17

Yesuusichi malletoo tuneti banoo ta ashittinooch beetone. Ebich ebiyee bekk koniyoona taan iritiyaaye.

2 Ximootiyoosi 2:18

Boonoshiyoo “Qitoochee timo ebiyee aaf ceennii beshetone” iibee iberoochee muricciꞌi, ikkikkeenaꞌoyich beeti Kiristoosichi toommeexi mullee tooꞌiyoon shuurikkii beetinaꞌone.

1 Yowannisi 2:26

Ittoshin muriciiya qaawiibeeti asheenaꞌochon ittoshich koorito taane.

1 Yowannisi 4:1

Ta shunechinaꞌote! Meeti koote keemechinaꞌo showee toommooch boonoshi kechitoyich, ayaaneenaꞌo Yeer waanee boonoshi tunoonaa tunee qayonon xiishiree ariibotalli, ayaano bullin iberiyaahote.

2 Yowannisi 1:10

Ittoshi waan waammo koniyoona bi tunegaata, ebiyoommi doyoon yechiꞌi bi womo qayigaata, ittoshi kexooch giijjiyaahote; biin diggiyaahote.

2 Yowannisi 1:7

“Yesuus Kiristoosi asho tuneꞌi waataanoone” ii beeti meeti muricciyechinaꞌo hini alemooch kechitinaꞌone. Ebiyoommi asho Kiristoosina koyechonaa muricciyechonane.

Yihudi 1:4

Ikkikke asheenaꞌo ittoshi daggooch shokiibee giyitinaꞌone; hukkechinaꞌo tuneꞌi no Nuggishoochi wojjoon boonoshi meechi qaatoona shaddiyeete; bi ikkeeto baach no Taatoonaa no Doonona tuneti Yesuus Kiristoosin nookkeheete; boonoshi toommooch shaggemmi nalloo wodde yemeenoyee aaf Yaafe Macaafooch kooreetone.

Yaaꞌoo 12:9

Alemooch beeti asheenaꞌo bullin muricciibeeti daabiloosi woyee Sheexaanoo getteeti ooge dareboo, biyoo wonnee dingero, showee toommooch duppehe; bi hilleexi maraakkeenaꞌoo biinna tookkii duppeheete.

Yaaꞌoo 13:14

Aafi cooxo aafooch bi bekkiyemmoyich daaggeeti malletoona showee toommeexi asheenaꞌo bullin muricciihe; goraadoona bi mayetaanona, batt kashoona beeti cooxoyich bi shahalloon boonoshi shuunemmoyich showee toommooch beeti asheenaꞌoyich gettiye.

Yaaꞌoo 19:20

Cooxo yechehe; cooxo aafoochaa gaakkechi shuunoon bekkiibee, cooxochi malletoo geddetinaꞌon, biin shaahiitaa shuuneetoyich goyinnetinaꞌonoo muricciiti koote keemecho biinna tookkii yechehe. Gutteenaꞌoo kashoona beebee waageroo micciibeeti qaaqqee baharooch duppeheete.

Yaaꞌoo 2:2

Ne shuunoonaa ne aayonon, ne haaꞌiyoonoo ariibeeto taane; gondeenaꞌon haaꞌiyaache ne getonaa ebiyoommon wotta mishiraachechinaꞌo tuneyaanoon ‘Mishiraachecho noone’ ii beetinaꞌon boshaa kichaꞌa koote dojjechinaꞌo boonoshi tunoon ne danoonon ariibeeto taane.

Yaaꞌoo 2:20

“Tunebaani neen ta ittibatemmi mooyo beetone: Ebiyoo ta guuninaꞌoyich shunee mamonaa shahalloyich deejjeya basheeti meenon mamonon dojjaa beetinaa muriccii beetina, ‘Keemechi taane’ ii beeti ure Elizabeelin cikkii qajjeto neene.

Yaaꞌoo 2:6

Tunebaani ebi gaawe mooyo neech beete: Ta shixxaabeeti Niqoleenaꞌochi shuunoon newoo wotta shixxaabeeto neene.

Yaaꞌoo 20:3

Oppee hoonoochoo duppiye; hume nato ceennimmi wottoon aageteenaꞌon bi muricciyaachemmoyich, oppee hoonee kelloon hicciꞌi maatemoon geddiye; hume nato ceennitoyee gubb giisheche wottoyich baach biicheyemmone.