Galaati 1:6 - Kafa Linguistics Project

⁶ Kiristoosichi wojjoona ittoshin ceeggiti Yeerin qajjiichii bare mishiraachee qaarooch aabichiꞌi afaafinee shokiyote? Ebi ittoshi tuniiti mooyon iberiyoo taach maggehe.

Galaati 1:6 ပူးပေါင်းရင်းမြစ်များ

Shoddo 106:13

Tunebaani bekkech bi shuunoon batteheete; bi ciicoonoo haaꞌii quyoon qajjiyeete.

Isiyaasi 29:13

Doono ishichii beetone: “Hini asheenaꞌo ‘Neecho noone’ iibee boonoshi noonoona taan oogii beetinaꞌone; tunebaani boonoshi mullo ta waanee oogeton wohone; taach boonoshi shattiibeeto asho dojjiti duube doyoommonane.

Maariqoosi 6:6

Bi toommooch mulloon tooꞌiyoo boonoshi qajjitoyich worganehe. Ebiyee gubb, Yesuusi gafee toommona guuddiꞌi asheenaꞌoyich dojjii beehe.

Yowannisi 9:30

Uroo ishichiꞌi wochiye: “Amoochee bi waato gaata ittoshi ariyee qayo worganikkiti mooyone; tunebaani bi ta aafoon ciichiitone.

Mishiraachechinaꞌo 15:11

Tunebaani no boonoshichoommon Doono Yesuusichi wojjoona wodemmo no tunoon iberiibeeto noone” iye.

Roomi 10:3

Ashoon Yeeri aabichiree bi cadiqiyemmo gaata tuushiichii, boonoshi qelli shuunoona cadiqoyich qaawiꞌi Yeer waanee daneebeeti cadiqoyich hajjeyaaneenaꞌone.

Roomi 5:2

Yesuus Kiristoosiyoo wotta bi toommooch no mulloon tooꞌiyoona no beeti hini wojjooch noon shakkiiꞌi giijjitone. “Yeerichi oogee yiiroochee qoodeyecho tunemmo noone” getona nooch beeti gibenoona geeciyone.

Roomi 8:28

Yeerin shunnii beetinaꞌoyich, bi gaboommona Yeeri ceeggitinaꞌoyich tuneebeeti mooyo bulli gaaweto bi tunemmoyich Yeeri tuniyoon ariibeeto noone.

Roomi 8:30

Yeeri shiichiꞌi bi maaccitinaꞌon eboshin wotta ceeggiye; bi ceeggitinaꞌon eboshin wotta cadiqiihe; bi cadiqiitinaꞌon eboshin wotta oogiihe.

1 Qorontoosi 4:15

Kiristoosina, haddaa ciyaani dojjechinaꞌo ittoshich boonoshi beetaa, meeti nihoo ittoshich aalloone; Kiristoos Yesuusichi mishiraachee qaaroona ta ittoshich nihoo tuneto taane.

2 Qorontoosi 11:4

Eechaa ta shattaabeeti naboo, ikke asho ittoshi waan waaꞌi no getteti Yesuusin tuneyaanoon bare Yesuusin, woyee ittoshi deqqiti Yaafe Ayaanoon tuneyaanoon bare ayaanoon, woyee ittoshi deqqiti mishiraachee qaaroon tuneyaanoon bare qaaroon, ittoshich bi getaa, eehiiree cikki qajjemmo ittoshine iyaꞌaniye.

2 Qorontoosi 2:17

Yeerichi qaaroon giixeebeeti, bare meeti asheenaꞌoommo toono noone; tunebaani Yeerina wocheeto noone; Kiristoosina tunaꞌa Yeeri aafooch xalle mulloona yibbaataabeeto noone.

Galaati 1:11

Ta maneenaꞌote! Ta gettaabeeti mishiraachee qaaro ashi gaboochee kechito bi tunee qayon ittoshi ariyemmoyich shunnoye.

Galaati 1:15

Tunebaani ta indee maacooch ta beetaa taan biich bariiꞌi bi wojjoona taan ceeggito Yeerine.

Galaati 1:7

Ebi are qaaro mishiraachee qaaro toonoone. Tunetaa ittoshin shuurikkoonaa Kiristoosichi mishiraachee qaaroon xummiyoonoyich shunniibeeti ikkikkeenaꞌo beetinaꞌone.

Galaati 2:14

Tunebaani mishiraachee qaaree iberee kaame gommona boonoshi hammi qayon ta ciinnehooba, kittinneenaꞌo bulli aafooch Pheexiroosin “Ne Ayihudee asho tunaachaa, Ayihudoommon tuneyaanoon Aagetoommon beeto neene; illa Aageteenaꞌo Ayihudeenaꞌochi doyoommon boonoshi beeyemmoyich aabichaꞌa xuqqenne?

Galaati 2:2

Yeeri taach bi bekkiitoommon arooch hammeho; tuniiya ta gabaabeeto woyee ta tuniito aafaallo tuneree bi echeyaachemmoyich, Aageteenaꞌo daggooch ta gettaabeeti mishiraachee qaaroon kittinnee guuphinaꞌon yaabii beetinaꞌoyich badd arichiihoye.

Galaati 2:5

Tunetaa mishiraachee qaaree iberoo ittoshi waan manjiree bi beeyemmoyich, ciroona boonoshich deꞌa iyaꞌa hajjeyaano noone.

Galaati 2:7

Ebiyeenolla Yeeri bi mishiraachee qaaroon Pheexiroosi Ayihudeenaꞌoyich bi gettemmoyich bi imon, ebiyoommon Aageteenaꞌoyich ta gettemmoyich taach bi imon beeggiyeete.

Galaati 5:14

Ebiyoo, sheeroo bulli ikke qaaroona tacceto bi tunetoyichiye; ebiyoo “Neenoommi ne manoon neenna tachiree shune” ii beetonane.

Galaati 5:4

Sheeroon ceechoona cadiqiya ii beeti ittoshi Kiristoosiyee bariꞌi, bi wojjoochee kechiꞌi dihito ittoshine.

2 Tasaloonqi 2:14

Yeeri no Doono Yesuus Kiristoosichi oogee yiiroochee ittoshi qoodeyemmoyich, no getteti mishiraachee qaaroona ittoshin ceeggitone.

1 Ximootiyoosi 1:14

No Doono Yeerichi wojjoo, Kiristoos Yesuusina noocho tuneti mullee tooꞌiyoonaa shunoona tookkii beshaa besho tuneꞌi taach ichehe.

1 Ximootiyoosi 1:3

Makidoonee showooch ta hammehooba, neech adera ta itoommon, ikkikke asheenaꞌo koote doyoon boonoshi gamichaachemmoyich ne tuniyemmoyich are Efesoon kotebe.

2 Ximootiyoosi 1:9

Noon wodiito, biichoo diireeto no tunemmoyich noon ceeggito Yeerine. Noonoo bi ceeggito bi hajjee gaboonaa bi wojjoonalli, no shuuneti gaawe no shuunee naboona toonoone. Ebi bi wojjoo bulli yemeenoyee aaf Kiristoos Yesuusina nooch ichetone.

2 Ximootiyoosi 2:1

Illa ta bushoochoo, Kiristoos Yesuusina daneebeeti wojjoona kupphebe.

1 Pheexiroosi 1:15

“Ta, yaafoo taane; ebich ittoshi yaafeeton tunebote” getaa Yaafe Macaafooch bi kooreetoyich, ittoshin ceeggiti Yeeri yaafoo bi tunetoommon, ittoshi wotta ittoshi beemi qoco bullina yaafeeton tunebote.

2 Pheexiroosi 1:3

Yesuus Kiristoosi bi oogee yiiroonaa bi deꞌittinoonoochee no qoodeyemmoyich, noon ceeggiton no ariyoona yaafeeti kashoonaa Yeerin oogiibeeti qocoona no beeyemmoyich bi Nuggishittinee giidoona qaawiibeeti mooyo bullin nooch immiye.

Yaaꞌoo 22:21

Doono Yesuusichi wojjoo ittoshi bullina tookki tunebe.