Galaati 1:4 - Kafa Linguistics Project

⁴ Gondo meettiti hini yemeenooch beeti asheenaꞌon shaahiree no beetaachemmoyich, Kiristoosi noon wodiyoyich no Nuggishoonaa no Nihoona tuneti Yeerich deꞌa iꞌi no axaaxoyich deejjoon tunehe.

Galaati 1:4 ပူးပေါင်းရင်းမြစ်များ

Shoddo 40:8

Ta Nuggishoo Yeero, ne daaggoon tuniyoona emiriyoye; ne sheeroo ta mullooch beetone” iyo.

Isiyaasi 65:17

Doono Yeeri ishichiye: “Ebiyoche, andire showoonaa andire shimaayoonon hallemmo taane; ebiyee aafi mooyinaꞌo gabeyaachemminaꞌone; shalligeyaachemminaꞌone.

Maatiyoosi 13:22

Ebiyoommon angichi xuppo beeti showooch holliti yaroon shaahii beetinaꞌo, Yeerichi qaaroon boonoshi waayetaa, hini showeexi beemon gaboonaa gijjee shaawona dacheyoona boonoshi mullooch naaxiꞌi boonoshi waayeti qaaroon maa beetone; ebichi naboona aafeyaanoon dobberee echemminaꞌone.

Maatiyoosi 20:28

Ashi Busholla wocheyoonaa bi kashoon meetinaꞌochi keroyich deejjoonoyich waahalli, boonoshi biich wocheebeete iꞌi waataanoone” iye.

Maatiyoosi 26:28

ebi meetinaꞌochi axaaxoon maaroyich ufemmi ta damoo Yeeri neechemmi wogee malletoone.

Maatiyoosi 26:42

Wotta guttinnoon hammiꞌi corootiibee, “Ta Nihoocho, hini xuuxee xoofoon uyo taach bi qaawiigaata, ne daaggoo tunebe” iye.

Maatiyoosi 6:9

“Illa ittoshi ishichi corootibote: ‘Shimaayooch beeti no Nihoocho, yaafe ne shigo oogebe.

Maariqoosi 10:45

Ashi Busholla wocheyoonaa bi kashoon meetinaꞌochi keroyich deejjoonoyich waahalli, boonoshi biich wocheyemmoyich waataanoone” iye.

Luqaasi 22:19

Wotta koshon tiijjiꞌi Yeerin galletehe; tiichiꞌi boonoshich immiibee, “Ittoshicha iyaꞌa deejjoon tunii ta immaabeeti ta meeno ebine; ebinoo taan shalligeechon tuniibote” iye.

Luqaasi 22:42

“Ta Nihoocho, ne daaggigaata, hini xuuxee xoofoon ta waanee wokkiibe. Tunetaa ne daaggoo tunebaani, ta daaggoo tunaaye” iibee corootiye.

Yowannisi 10:11

“Deꞌe qiddoo taane. Deꞌe qiddoo bi bageenaꞌo keroyich qitemmone.

Yowannisi 12:31

And hini alemee toommooch nalloo kindiya bedditone; and hini alemoon hajjiibeeti taatoo maach yookkeyemmone.

Yowannisi 5:30

Yesuusi daakkiꞌi ishichiye: “Ta, ta qelloona ikke mooyonona tuniyoon hakkaano taane; Yeer waanee ta waayetoniye ta nallaabeeto. Taan deejjitochi daaggoonalli, ta daaggoon qaawaano ta tunetoyich, ta nalloo tatoone.

Roomi 1:7

Yeerina shucheti, yaafoo ittoshi tunemmoyich Yeerina ceekketi, Room beeti ittoshi bullich: No Nihoo Yeerinaa Doono Yesuus Kiristoosinochi wojjoonaa diggoona ittoshich tunebe.

Roomi 12:2

Gaawetonaa biin emirikkii beetona, shappaalloonoo tuneti Yeerichi daaggoon xiishii ariyoon ittoshi hakkemmoyich, Yeeri andire mulloon bi imaa andirebotalli, hini alemeexi asheenaꞌochi mooyon dabbiyaahote.

Roomi 8:27

Yeerichi daaggoommon, Yeerich yaafeeti asheenaꞌochi qoodoon bi qollee beetoyich, ashi mulleexi gaboon maqqiꞌi ariibeeti Yeeri bi Ayaanee gaboo amo gaata arii beetone.

Roomi 8:3

Meeno hakkaano bi tunetoyich, sheeroo tuniyoon hakkaani mooyon Yeeri hakkiye; Yeeri axaaxoon wokkiiya, bi hajjee Bushoon axaaxechi meechi shaahoona wocheꞌi, meenon hajjiibeeti axaaxee toommooch naxoon kindiihe.

Roomi 8:32

Yeeri bi hajjee Bushoyich ariqqeyaanoon no bullicha iꞌi beshii immiye; ebich wotta biinna tookki bulli mooyon nooch wojjemmone.

1 Qorontoosi 15:3

Wotta taach icheti bulliyee beshe mishiraachee qaaroon beshii ittoshich immeto taane. Ebiyoo Yaafe Macaafooch bi kooreetoommon, Kiristoosi no axaaxoyicha iꞌi qitiye; duukkehe; Yaafe Macaafooch bi kooreetoommon, keejje qemooba qitoochee tiyiye.

2 Qorontoosi 4:4

Hini alemoon hajjiibeeti gonde nuggishoo Kiristoosi toommooch mulloon tooꞌiyaaneenaꞌo Yeerichi shaahoo tuneti Kiristoosichi oogee yiiree mishiraachee qaaree bekkoon boonoshi beegaachemmoyich, boonoshi gaboon wolliihe.

Galaati 2:20

Ebich tawoo ebiyee bekk kashechon tunaꞌa beetaache; tunebaani Kiristoosi ta mullooch giyiꞌi beetone. Andoo meenona ta beeti beemo, taan shunnii taacha iꞌi qitoyich bi qelloon beshii immiti, Yeeri Bushoo toommooch mullee tooꞌiyoona ta beemone.

Galaati 6:14

Tunebaani no Doono Yesuus Kiristoosi yooddeti masqaloyee beshetaa bare geecoo ta waanee wohe; are masqalee naboona hini alemeexi mooyo taach yoodaa qititone; tawoo wotta hini alemeexi mooyoyich yooddaa qitito taane.

Efesooni 1:11

Wotta Yeeri bi daaggoona shiichiꞌi bullin tuniiya gabiꞌi bi maaccitoommon, bi gaboommona, biicho no tunemmoyich Kiristoosina noon kaacciye.

Efesooni 2:2

Arooba hini alemee asheenaꞌo beeti beemoommon, Yeerich deꞌa getaani asheenaꞌo toommooch and shuuneebeeti ayaanee daaggoommonoo beehote. Ebi ayaanoo yongee toommooch beeti gonde ayaaneenaꞌon hajjiibeeti gonde iraashoone.

Efesooni 5:16

Hini yemeeno gondo bi tunetoyich, shuunoyich kelloon ittoshi danemmi aabo bullin gaaweton shuunebote.

Efesooni 5:2

Kiristoosiyoo wotta noon bi shunnitoommon, Yeerin emirikkiibeeti cinnechi buuroommonaa deejjoommonon tuniiꞌi noocha ii bi qelloon beshiiꞌi bi immitoommon, shunoona beebote.

Efesooni 6:12

No koyaabeeto, shimaajji xaaꞌooch beeti yinnee ginechinaꞌona tookkaa, ukkireenaꞌonaa iraasheenaꞌona tookkaa, hini manderee yemeenooch asheenaꞌon hajjiibeeti gonde ayaaneenaꞌona tookkaanalli, ashoona tookkaa toonoone.

Filipphisiyoosi 4:20

No Nuggishoo tuneti Nihoo Yeerich bulli yemeenoon oogee yiiroo tunebe. Ameena.

1 Tasaloonqi 1:3

Kiristoosi toommooch beeti ittoshi mullee tooꞌiyoon shuunee toommooch ittoshi heechiyoon, shunoochee tiyitona aajjii ittoshi shuunoon, no Doono Yesuus Kiristoosi gibenikkiti gibenoon haaꞌiyoona ittoshi quyonoo no Nuggishoonaa no Nihoona tuneti Yeeri aafooch shalligaabeeto noone.

1 Tasaloonqi 3:11

No Nuggishoonaa no Nihoona tuneti Yeeri bi qelloona, no Doono Yesuusiyoo ittoshi waan no hammemmoyich no gommon nooch kaachibe.

1 Tasaloonqi 3:13

No Doono Yesuusi bi yaafeenaꞌo bullina tookkii wottee bi waahooba, no Nuggishoonaa no Nihoonochi aafoochaa yaafeetonaa bachaalloonon tuneree ittoshi neexemmoyich ittoshi mulloon manjiibe.

2 Tasaloonqi 2:16

Bi qelloona no Doono Yesuus Kiristoosinaa noon shunniti, bi wojjoona bulli yemeenee goggoonaa manje gibenoonon nooch immiti no Nihoo Yeerina ittoshi mulloon goggiibeete; gaawe mooyo bullin ittoshi shuunemmonaa yibbaatemmonoyich ittoshin kupphiibeete.

1 Ximootiyoosi 2:6

Asho bullin biisheree wodiiya bi kashoon deejjito biine. Ebiyoo tate yemeeno shagiyooba Yeerichi wodiyee shuunoon bekkiibeeti miixittinoone.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

Hibireena'o 2:5

Asheenaꞌo beeyemmi, gubb woyemmi andire showoon, aroo no gettaabeeti showoon maraakeenaꞌoyich hajjiyaanoone.

Hibireena'o 6:5

Yeerichi qaaro gaaweto bi tunoon ariiꞌi, gubb woyemmi yemeenooch Yeeri taatemmi giidoon quupphii beeggitinaꞌon,

Hibireena'o 9:14

kiinaallo tuneꞌi bulli yemeenoon beeyemmi Yeerichi Ayaanoona bi qelloon deejjoo tuniiꞌi Yeerich giddiiti Kiristoosichi damoo aabichiree beshoon beeyechi Yeerich no maddemmoyich, qitoo tuneti shuunoochee no mulloon xalliyemmo tunehe!

Yaaqobi 4:4

Yeerich gibeneyaaneenaꞌote! Hini alemoon shuno Yeerin shixo bi tunoon ariyaachote? Illa alemoon shuno Yeerina shixecho tunoone.

1 Pheexiroosi 2:24

Axaaxoyich qitiree cadiqee shuunoon shuunebee no beeyemmoyich, bi qelloona bi meenona michi toommooch yooddeꞌi no axaaxoon shaaggiye; yexxeꞌi bi mayetoyich, wodito ittoshine.

1 Pheexiroosi 3:18

Ebiyoommon Kiristoosi Yeer waan noon giddiyoyich, bi qelloona bi cadiqo tuneebee, hukkechinaꞌoyich ikke wottoon ashi axaaxee naboona xuuxoon beeggiꞌi qititone; meenona qitiye; tunebaani ayaanoona beeyechon tunehe.

1 Yowannisi 2:2

Biyoo Yeeri no axaaxoon nooch bi maariibeeti deejjoone; no axaaxoon baach tuneyaanoon ashoo bullichi axaaxoon bi maariibeeti deejjoone.

1 Yowannisi 3:16

Kiristoosi no keroyich bi kashoon beshiiꞌi immitone; ebina ashoon shuno amo gaata beeggeto noone. Ebich, no maneenaꞌochi keroyich no kashoon beshiiꞌi imo nooch qaawiihe.

Yaaꞌoo 1:5

gibeneeti miixoo tuneti, qitoochee shiichii tiyiti, showee toommeexi taateenaꞌon hajjiibeeti Yesuus Kiristoos waanee wojjoonaa diggoona ittoshich tunebe. Noon shunniti, bi damoonoo no axaaxoochee noon biisheti,

Yaaꞌoo 5:9

ishichiibee andire shoddoon shoddeheete: “Qoddeti macaafoon daamoyich maatemeenaꞌon gaxxoyichoo beddeto tunaꞌa daneto neene; guureeꞌa ne damoona Yeericho boonoshi tunemmoyich, ashi yoodo bulliichee, asho yibbaateebeeti noonoo bulliichee, ashi yaroo bulliichee, aagetoo bulliicheenoo asheenaꞌon biisheto neene;

Yaaꞌoo 7:9

Aroyee gubb ciinneho; areegaata aagetoo bulliichee, ashi yoodo bulliichee, ashi yaroo bulliichee, asho yibbaateebeeti noonoo bulliichee kiceeti, haddaa ciyaani dofee asheenaꞌon beeggeho. Nacce tahoon tahee yeebbee waamon yechiꞌi taatee qeenonaa Bagoonochi aafooch neexeheete.