Galaati 1:15 - Kafa Linguistics Project

¹⁵ Tunebaani ta indee maacooch ta beetaa taan biich bariiꞌi bi wojjoona taan ceeggito Yeerine.

Galaati 1:15 ပူးပေါင်းရင်းမြစ်များ

Isiyaasi 49:1

Baharee gasheexi buure showooch beetinaꞌote, ta waanee ellebote; wohi showooch beeti aageteenaꞌote, waayebote: Doono Yeeri, ta shiijjeyaan beetaa, taan ceeggiye; ta indee maacooch ta beetaa, taach shigoon shigiihe.

Isiyaasi 49:5

Doono Yeeri aafoochaa oogoon daneto taane; ta Nuggishoo taach giidoon tunetone; batt ta indee maacooch ta beetaa, bi guuno tuniiꞌi taan kaacciti, Yaaqobin bi waan ta deebemmoyich, Israꞌeelin bi waan ta kicemmoyich tuniiti, Doono Yeeri ishichiye: “Yaaqobichi yoodeenaꞌon wochaa ne tiijjoo, muriccii woditi Israꞌeeleenaꞌon ne wochoo, ebi baach ta guuno neech bedaache; aageteenaꞌoyich neen ceechoo ta tuniitaa, showee toommo bulliich ta wodiyoon bechemmo neene” iye.

Erimiyaasi 1:5

“Ne indee maacooch neen ta halloyee shiichaa neen ariito taane; ne shiijjoyee shiichaa neen yaafito taane; aageteenaꞌoyich keemecho neen tuniito taane” iye.

Maatiyoosi 11:26

Iberoone, ta Nihoocho; ebin tuniyoyich gaaweti ne daaggoo tunetone” iye.

Luqaasi 10:21

Arooba Yesuusi Yaafe Ayaanoona oogichii emiriꞌi “Showoonaa shimaayoonochi Doono tuneti ta Nihoocho, ebin ariyechinaꞌonaa shalligechinaꞌona ariyaachemmoyich ne aachitoyich, gaggereenaꞌoomminaꞌoyichoo ne bekkiitoyich neen galletehoye. Iberoone, ta Nihoocho, ebin tuniyoyich gaaweti ne daaggoo tunetone” iꞌi Yeerin galletehe.

Mishiraachechinaꞌo 13:2

Eboshi coomiꞌi Doonoch goyinnee boonoshi beetaa, Yaafe Ayaano “Barnabaasinaa Sawulinon ta ceeggeti shuunoyich bariibote” iye.

Mishiraachechinaꞌo 9:15

Tunetaa Doono Yesuusi wochiꞌi, “Hini uro meeti Aageteenaꞌoyich, taateenaꞌoyich, Israꞌeeleenaꞌoyichoo ta shigoon bi arichiyemmoyich taach ta kaacceti qiicoone. Ebich bi waan hambe;

Roomi 1:1

Keemechinaꞌochi noonoona Yaafe Macaafooch shiichiꞌi gibenikkiti Yeerichi mishiraachee qaaroyich baraꞌa kaacheto, mishiraachecho tunoyich ceekketo, Yesuus Kiristoosichi guuno Phawuloosi taane.

Roomi 1:5

Aageteenaꞌo bulli daggoochee boonoshi mulloon Kiristoosi toommooch tooꞌiiree biich deꞌa gettemminaꞌo danemmoyich, Yeeri Kiristoos waanaa mishiraachecho tuneree Kiristoosicha getiree ta shuunemmoyich, wojjoon taach immiye.

Roomi 8:28

Yeerin shunnii beetinaꞌoyich, bi gaboommona Yeeri ceeggitinaꞌoyich tuneebeeti mooyo bulli gaaweto bi tunemmoyich Yeeri tuniyoon ariibeeto noone.

Roomi 8:30

Yeeri shiichiꞌi bi maaccitinaꞌon eboshin wotta ceeggiye; bi ceeggitinaꞌon eboshin wotta cadiqiihe; bi cadiqiitinaꞌon eboshin wotta oogiihe.

Roomi 9:24

Eboshiyoo noone getone; noonoo Ayihudeenaꞌo daggoochee baach tuneyaanoon, Aageteenaꞌo daggoochee wotta ceeggitone.

1 Qorontoosi 1:1

Kiristoos Yesuusichi mishiraachecho tunoyich Yeerichi daaggoona ceekketi Phawuloosinaa no manoo Sostenoosina waanee,

1 Qorontoosi 1:21

Yeerichi shalligoochee tiyitona, hini alemeexi asheenaꞌo boonoshi shalligoona Yeerin ariyoon boonoshi mawiitoyich, tuushittino shaahiitaa ciicheebeeti, hini no gettaabeeti mishiraachee qaaroona boonoshi mulloon Kiristoosi toommooch tooꞌii beetinaꞌon wodiyoyich, Yeerichi daaggoo tunetone.

1 Qorontoosi 1:24

Tunebaani Yeeri ceeggitinaꞌoyich, Ayihudeenaꞌo tunebeeta Giriikeenaꞌo, Kiristoosi Yeerichi giidoonaa Yeerichi shalligoonane.

1 Qorontoosi 1:9

Bi Bushoo no Doono Yesuus Kiristoosina tookki ikkittino ittoshich bi beeyemmoyich, ittoshin ceeggiti Yeeri ebin ceechoyich gibeneetone.

1 Qorontoosi 15:10

Tunebaani and ta tuneton tunooch taan bechito Yeerichi wojjoone; Yeeri taach bi immiti wojjoo duubo toonoone. Ebich bare mishiraachechinaꞌo bulliyee beshoon aajjaabee shuuneto taane; tunebaani aajjiꞌi shuuneto, taanna tookkii beeti Yeerichi wojjoani, ta toono taane.

Galaati 1:1

Ashi waanee woyee asho koninolla tuneyaanoon Yesuus Kiristoosinaa qitoochee biin tiijjiti Nihoo Yeerina kaacheti Phawuloosi waanee,

Galaati 1:6

Kiristoosichi wojjoona ittoshin ceeggiti Yeerin qajjiichii bare mishiraachee qaarooch aabichiꞌi afaafinee shokiyote? Ebi ittoshi tuniiti mooyon iberiyoo taach maggehe.

Efesooni 1:5

gaawe bi daaggoona Yesuus Kiristoos waanaa biich bushiishoo no tunemmoyich shiichiꞌi gabii maacciye.

Efesooni 1:9

bi gabiton Kiristoos waanaa tuniiya bi shunnitoommon tuniihe; ebiyee aafoo asho ariyaani bi daaggoon nooch arichiitone.

Efesooni 3:11

bulli yemeenoyee aaf Yeeri biich beeti ebi gaboon Kiristoos Yesuusi no Doonona ceechitone.

2 Ximootiyoosi 1:9

Noon wodiito, biichoo diireeto no tunemmoyich noon ceeggito Yeerine. Noonoo bi ceeggito bi hajjee gaboonaa bi wojjoonalli, no shuuneti gaawe no shuunee naboona toonoone. Ebi bi wojjoo bulli yemeenoyee aaf Kiristoos Yesuusina nooch ichetone.

1 Pheexiroosi 5:10

Bulli yemeenee bi oogee yiiroochee ittoshi qoodeyemmoyich Kiristoosina ittoshin ceeggiti, wojjoo bullin immiibeeti Nuggishoo, giisheche aaboon xuuxoon ittoshi beeggitoyee gubb, bi qelloona bi, ittoshich mooyo bullin tachemmone; ittoshin manjiyemmone; ittoshin kupphiyemmone; Kiristoosi toommooch mulloon tooꞌiyoochee ittoshi shuuraachemmoyich ittoshin neechemmone.

1 Saameeli 12:22

Doono Yeeri ittoshin bi asho tuniiya shunnito bi tunetoyich, Doono Yeeri ooge bi shigoyicha getiree, bi asheenaꞌon qayaachemmone.