Filipphisiyoosi 4:8 - Kafa Linguistics Project

⁸ Illa ta maneenaꞌote! Gaawe mooyon woyee galleteya bede mooyon baach gabibote. Eboshiyoo ibere mooyo bullin, gaawe mooyo bullin, kaame mooyo bullin, xalle gaboo beeti mooyo bullin, emirikkiibeeti mooyo bullinaa naadoo beeti mooyo bullinon gabibote.

Filipphisiyoosi 4:8 ပူးပေါင်းရင်းမြစ်များ

Halloo 18:19

Kaamoonaa tate mooyonon tuniyoona ta gommon boonoshi quyemmoyich, bi bushiisheenaꞌonaa biyee gubbi shiijjereenaꞌona taach deꞌa ii beetinaꞌon bi tuniyemmoyich, biin kaacceto taane; bi bushiisheenaꞌo ebin boonoshi tuniigaata, biich ta getteti mooyo bullin tuniyemmo taane” iye.

2 Saameeli 1:23

“Saaꞌoolinaa Yonaataanina kashoona beebee oogeti shunechinaꞌone; boonoshi qitoonoo barbaraaneenaꞌone. Boonoshiyoo booyoyee beshe afaafinechinaꞌo, daaheroyee beshe kuppheenaꞌone.

2 Saameeli 23:3

Israꞌeelee Nuggishoo yibbaatehe; Israꞌeeleenaꞌochi Xaqqee Inderoo taach ishichiye: ‘Asheenaꞌon gaawe dayinnetoona nalliꞌi qeejjiibeeto, Yeerin shatona qeejjiibeeto,

Shoddo 82:2

“Nalloon ittoshi xummiyemmo aati wottooniye? Gondeenaꞌo waan ittoshi gaꞌemmo aati wottooniye?

Shaahiyoo 11:1

Doono Yeeri machee qiicoona yubiyoon ciigehe; tunebaani machee qiicoona tachii qocona emiriye.

Shaahiyoo 12:4

Qoppechi maachee bi kenoyich gubbicheene; tunebaani yeelliyaabeeti maachee, shaawushee daggeexi biiyoommine.

Shaahiyoo 16:11

Tate machoonaa qeellee qiicoona Doono Yeerichone; mollexxeexi qeellee qiiceenaꞌo bulli bi shuuneenaꞌone.

Shaahiyoo 20:7

Cadiqe asho oonneyaani beemon beehe; biyee gubbi bi bushiisheenaꞌoo diireetinaꞌone.

Shaahiyoo 31:10

Qoppechi mecheen koni danoon hakkehe? Aree ceelleinqoyee beshe oogeti aaxxeene.

Shaahiyoo 31:29

“Gaawe mooyon tuniiti meeti genneenaꞌo beetinaꞌone; tunebaani ne, boonoshi bulliyee beshee neene” gettemmone.

Shaahiyoo 31:31

Bi shuunee aafoon biich imbote; bi shuunoo addibaaboochaa biin galletebe.

Solomooni 5:16

Bi yibbaatoo oogeti shaawone; bi hullimallo macecikkitone. Yerusaalemi gidiideenaꞌote, ta shiiqqi, ta shunecho, ebiyoommone.

Isiyaasi 26:7

Cadiqeenaꞌochi gommo naqqoone. Kaamoocho, cadiqeenaꞌochi boochoon tachihine.

Maatiyoosi 22:16

Boonoshi dabbeenaꞌon Heroodisi asheenaꞌona tookkii Yesuusin boonoshi echemmoyich daachiiheete. Boonoshiyoo hammiꞌi, “Dojjechocho, ibere moochecho ne tunoon, ibere mooyona Yeerichi gommichon ne dojjoon ariibeeto noone. Ashoon giisho, oogoo getaachine; ebich konicholla beshii shappii dabiyaachine.

Maariqoosi 6:20

Ebiyoo Heroodisi Yowannisi cadiqoonaa yaafoona bi tunoon bi ariitoyich, biin shattiꞌi quyii bi beetoyichiye. Heroodisi Yowannisi getaa emiriibee waayee beehe; tunetaa bi waayeti mooyona oogichii gaabbii beehe.

Luqaasi 16:15

Ebich Yesuusi boonoshich ishichiye: “Asheenaꞌo ittoshin beegiree, ‘Am shaahe cadiqeenaꞌone’ geton shunniibeeto ittoshine; tunebaani Yeeri ittoshi mullee gaboon arii beetone. Ashi gaboochaa oogetone getteebeeti mooyon Yeeri ciigemmone.

Luqaasi 2:25

Arooba are Yerusaalem Simooni getteebeeti ikke uro beehe; aroo Yeeri Israꞌeeleenaꞌon bi goggiyemmi aaboon quyee beehe; biyoo cadiqo tuneꞌi Yeerich qeyiibeeti uroone; wotta Yaafe Ayaanechone.

Luqaasi 23:50

Arooba Ayihudee nallechinaꞌochi daggeexi ikkoo, Yooseefi getteebeeti deꞌe cadiqe uro beehe.

Yowannisi 7:18

Bi qellee gaboona gettiibeeto, ashi waanee oogoon qaawiibeeti ashoone; tunetaa biin wocheton oogiiya qaawiibeeto, aroo ibere moochechone; xummittino bi mullooch aalloone.

Mishiraachechinaꞌo 10:22

Boonoshiyoo “Noon wocheto cadiqoonaa Yeerich hajjee beetona, Ayihudee aagetoo bulli oogiibeeti balle ginee iraashoo Qorineloosine. Biyoo noon bi wocheto, ‘Pheexiroosin ne kexooch ceekkiiree, bi gettimmon waayebe’ iꞌi yaafe maraakoo biich bi gettitoyichiye” iyeete.

Mishiraachechinaꞌo 22:12

“Arooch Hanaani getteebeeti ikke uro beehe; Damaasiqa beeti Ayihudeenaꞌo bullina naadeeti, Yeerich qeyiibeeti, Muusichi Sheeroonoo quyeebeeti uroone.

Mishiraachechinaꞌo 6:3

Ebich no maneenaꞌote, ittoshi daggoochee shabaatte asheenaꞌon kaacote. Ebi ittoshi kaaccemmi asheenaꞌo ‘Yaafe Ayaanoonaa shalligoona ceenniti asheenaꞌone’ getaa miixeetinaꞌo tunebeete; hini shuunoyich boonoshin ukkiriibone.

Roomi 13:13

Areddee bekkoona shaꞌeebeeti asheenaꞌochoommon gaawe qocoona beebone; qelloon battiibeeti duubonaa mashoona tunaaye; shunee mamonaa yeelliibeeti kaayona tunaaye; kaaroonaa qanaatoona tunaaye.

Roomi 13:3

Ukkireenaꞌo gondoon shuunee beetinaꞌonalli, deꞌoon shuunee beetinaꞌon shattii beetinaꞌo tooneenaꞌone. “Iraashoon shataache” geton ne qaawigaata, illa gaaweton shuunebe. Bi waanee galletoon danemmo neene.

Roomi 14:18

Ebiyoommon tuniyoona Kiristoosich hajjeebeeti asho Yeerin emirikkii beetone; ashoonoo naadee beetone.

Roomi 2:29

Tunebaani ashi beꞌenoyich tuneyaanoon, bi mulloona Ayihudee asho tunetone ibere Ayihudee asho; kooreeti sheeroona tuneyaanoon, Yeerichi Ayaanoona tuneebeeti mullee dokireyoone ibere dokireyoo. Ebiyoommi asho galletoon bi danemmo ashi waanee tuneyaanoon, Yeer waaneeniye.

1 Qorontoosi 4:5

Ebich Doono Yesuusi waataan beetaa, aabaalli nalloon koni toommoochona nalliyaahote. Doono Yesuusi bi waahooba, and manderooch aacheeton xallooch kichemmone; ashi mullooch beeti gaboon gaxxemmone. Arooba Yeeri asho bullin bi shuuni shuunoommona bi qelli qelloona galletemmone.

2 Qorontoosi 13:7

Amee gonde mooyonona ittoshi tuniyaachemmoyich Yeer waan corootaabeeto noone; bedditon tuneree no bekkemmoyich toonoone; tunebaani no amoommon bedaano no shaahitaanona, ittoshi gaaweton ittoshi tuniyemmoyichiye.

2 Qorontoosi 6:8

Ikkikkeenaꞌo noon oogii beetinaꞌone; bareenaꞌo noon giishii beetinaꞌone; ikkikkoochaa gonde mooyo no toommooch yibbaatee beetone; ikkikkoochaanoo galleteebeeto noone. Iberoon yibbaataabee dawushecho getteebeeto noone.

2 Qorontoosi 8:18

Wotta mishiraachee qaaroon getona kittinnee guuphinaꞌo bullina naadeeti no manoon biinna tookkaa ittoshi waan daachiibeeto noone.

2 Qorontoosi 8:21

Doono Yeeri aafooch ikkeeto baach tuneyaanoon, ashi aafoochoo wotta gaaweto tuneton tuniyoyich qaawaabeeto noone.

Galaati 5:22

Tunebaani Yaafe Ayaanee aafo, shuno, emiroo, diggoo, haaꞌiyoo, ariqqo, deꞌittino, gibeneyoo,

Efesooni 4:25

Ebich kootoon ittoshi waanee wokkiibote; no bulli ikke ashittinee quumo no tunetoyich, ittoshi ikkikkoona ittoshi maneenaꞌona tookki iberoon yibbaatebote.

Efesooni 6:14

Illa ittoshi shimetoon iberoona cuyeree, getee ginee tahoochoommon cadiqoon taheree,

Yibbaatoo 16:20

Kashoona ne beeyemmoyich, ne Nuggishoo Doono Yeeri neech immimmi showoon ne woraashemmoyich dayinnetoona baach nallibe.

Filipphisiyoosi 3:1

Illa ta maneenaꞌote! Doono Yesuusina emiribote. Ikke mooyon wochinnoon wochii ta koorigaata taan taahiyaache; ittoshichoo wotta gaaccemmone.

Qolaasiyaasi 4:5

Yeeri ittoshich immiibeeti gommo bullina Kiristoosichon miixebee Kiristoosi toommooch mulloon tooꞌiyaani asheenaꞌo daggooch ariyoona shaꞌebote.

1 Tasaloonqi 4:12

Ebin ittoshi tuniigaata, Kiristoosi toommooch mulloon tooꞌiyaani asheenaꞌo aafooch naadeeto tunemmo ittoshine; ittoshichoo qaawiibeeti amee mooyoyichona bare ashoona degeyaachemmo ittoshine.

1 Ximootiyoosi 3:11

Ebiyoommon genneenaꞌo asho bulli oogii beetinaꞌo, oonaaneenaꞌo, dagg tate gaawe shuriyechinaꞌo, mooyo bullina gibeneetinaꞌo tunebeete.

1 Ximootiyoosi 3:4

bi bushiishoo waanee ibbeyoonaa deꞌa getonon daneebeeto, bi kechi asheenaꞌonoo gaawichiꞌi qeejjiibeeti uro tunebe.

1 Ximootiyoosi 4:12

Koniyoona ne bushittinoon hoxaaye; ne yibbaatoonaa ne qocoona, ashoon ne shunonaa Kiristoosi toommooch ne mullee tooꞌiyoona, ne xallittinoonoo, boonoshi mulloon Kiristoosi toommooch tooꞌii beetinaꞌoyich gaawe shaahiyoon tunebe.

1 Ximootiyoosi 5:10

Gaaweti shuunoon shuunoona miixeeti tunebuye. Ebiyoo, bushiishoon gaawichiꞌi dichoo, iibbee iibbiyoo, kittinneenaꞌochi baatee machiyoo, iriteetinaꞌon degonaa gaaweti shuunoo bullin shuunoona miixeeti tunebuye.

1 Ximootiyoosi 5:2

geeneti maacheen ne indeen tuniiree, gurimaashe maacheen ne maneen tuniiree kiinaalli xallittinoona ciice.

Titoosi 1:8

Wotta iibboon iibbiibeeto, deꞌe mooyon shunniibeeto, bi qellee ariyecho, kaamoo, Yeerich diireeto, bi qelloon quyecho tunebe.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

Titoosi 2:2

Geene doonjeenaꞌo dagg tateenaꞌo, asho bullina naadeetinaꞌo, boonoshi qellee ariyechinaꞌo, Kiristoosi toommooch mullee tooꞌiyoonaa maneenaꞌon shunona, haaꞌiyoonoo kuppheenaꞌo boonoshi tunemmoyich ciice.

Titoosi 2:7

No doyoon shixxiibeeti asho no shigoon bi gondiyemmi mooyon mucceree bi yeellemmoyich, bulli gommona gaaweton shuunebee deꞌe mooyon bekkiyecho tunebe. Ne dojjaabeeti doyoona deꞌe moochecho, asho bullina naadeeto, koniyoona oonon hakkaani iiwe yibbaatecho ne tunoon bekkiibe.

Titoosi 3:14

No macceenaꞌo wotta aafaalloon tuneree boonoshi echeyaachemmoyich, boonoshich qaawiibeeti mooyo beeyemmoyich buushaarechi shuunee yeshon doyibeete.

Hibireena'o 11:2

Wonnee yemeenooch beeti asheenaꞌo naadoon boonoshi daneto ebinane.

Hibireena'o 13:18

Nooch corootibote; bulli mooyona gaawe qocoona beemon no qaawaa beetoyich, xalle mullo nooch beemon ariito noone.

Yaaqobi 1:27

Nihoo Yeer waanaa xalloo tuneti ibere goyinno ebine: Nihaalli bushiisheenaꞌonaa xuume maacheenaꞌonochi iritoon gaacho, hini alemooch beeti tiyaariibeeti mooyoocheenoo bi qelloon quyoone.

Yaaqobi 3:17

Tunebaani damba Yeer waanee waabeeti shalligee shiichaꞌa xalleene; daakkaꞌa diggoon qaawii beetine; shiimechine; deꞌa ii beetine; maaroonaa deꞌe shuunoo bullina ceennetine; heppoonaa mulloon xalloo shaahiyoona bi waan aalloone.

1 Pheexiroosi 1:22

Guttinnoon ittoshi shiijjeto, kashechonaa bulli yemeenoon beeyechona tuneti Yeerichi qaaroocheeniye; ebiyoo aalleyaani yaroocheenalli aallemmi yaroochee toonoone; and iberee qaaroyich deꞌa getona xalleꞌi ittoshi maneenaꞌoyich ibere shuno ittoshich beetone; ebich mulloochee tiijjiree ittoshinaa ittoshina manjiiree shunebote.

1 Pheexiroosi 2:12

Yeerin ariyaani asheenaꞌo ittoshin, “Gondoon shuunee beetinaꞌone” iꞌi boonoshi oonniteenona, ittoshi gaawe shuunoon beegiree, Yeeri nalloyich bi waammi aabooba biin boonoshi oogiyemmoyich, boonoshi daggooch ittoshi beemi qoco gaaweto tunebe.

1 Pheexiroosi 4:8

Shuno bareenaꞌo shuuneti axaaxoon maariye; ebich bulli mooyoyee shiichiree ittoshinaa ittoshina mulloochee tiijjiree shunebote.

2 Pheexiroosi 3:1

Ta shunechinaꞌote! And ittoshich ta kooraa beeti wocho hini guttinnee wochoone. Ebiyee aaf yaafe keemechinaꞌo gettiti qaaroon, wotta mishiraachechinaꞌo ittoshich dojjiti no Doononaa noon Wodiyechonochi getoon ittoshich shalligichaabee, ebi gutte ta wochoona tate gaboon ittoshi gabemmoyich ittoshin shuurikkiya koorito taane.

1 Yowannisi 3:18

Ta shuni bushiisheenaꞌote! Ibere maacoona no shunoon shuunoona bekkiibonalli, qaaroona woyee yibbaatoona baach shunaayone.

1 Yowannisi 3:3

Illa Kiristoosina ebi gibenoon geddiibeeto bulli, Kiristoosi xalloo bi tunoommon bi qelloon xallii beetone.

1 Yowannisi 4:1

Ta shunechinaꞌote! Meeti koote keemechinaꞌo showee toommooch boonoshi kechitoyich, ayaaneenaꞌo Yeer waanee boonoshi tunoonaa tunee qayonon xiishiree ariibotalli, ayaano bullin iberiyaahote.

Ruuti 3:11

And illa amoyichona aaxxiyaahine. Gaawe ure ne tunoon katemeexi asho bulli arii beetone. Ebich ne echeti mooyo bullin neech tuniyemmo taane.