Filipphisiyoosi 4:7 - Kafa Linguistics Project

⁷ Ittoshi shalligoo bulliyee beshiti Yeerichi diggoo Kiristoos Yesuusina ittoshi mulloonaa ittoshi gaboonon quyemmone.

Filipphisiyoosi 4:7 ပူးပေါင်းရင်းမြစ်များ

Nehimi 8:10

Nehimiyoo boonoshich, “Hambote; gaawe maayoon mamote; shaawi uyoonoo uyote; qanniti mooyo amolla boonoshich aalli asheenaꞌoyich ittoshich beetoochee daachiibote. Hanaachi aabo no Doonoyich yaafeetone. Doono Yeerichi emiroo ittoshich giidoo bi tunetoyich, ayiniyaahote” iye.

Iyoobi 22:21

“Ebich Iyoobo, Yeerina tookki shunebe; biinna tookkishoo yeshebe; ebin ne tuniigaata, mooyo neech kaamemmone.

Iyoobi 34:29

Asho tuneba aagetoo, Yeeri cikkii qayigaata, biin ittibatemmo konine? Bi qelloon bi aachigaata, biin beeggemmo konine?

Shoddo 29:11

Doono Yeeri bi asheenaꞌoyich hakkoon immemmone; Doono Yeeri bi asheenaꞌon diggoona diiremmone.

Shoddo 85:8

Nuggishoo Doono Yeeri gettimmon waayemmo taane; mullo muccoona gubb wotto boonoshi qayigaata, bi asheenaꞌoyich, bi yaafeenaꞌoyich, diggoon immemmo bi tunoon gibenikkitone.

Shaahiyoo 2:11

Gaawe gaboo neen wodiyemmone; goommii deꞌo neech deeboon tunemmone;

Shaahiyoo 4:6

Shalligoon duppaahine; neen deggemmone; biin shune; neen quyemmone.

Shaahiyoo 6:22

Eboshiyoo ne hammaa beegaata, neen yaabemminaꞌone; ne qeyaa beegaata neen quyemminaꞌone; ne tiyemmonoo neenna yibbaatemminaꞌone.

Isiyaasi 26:12

Doono Yeero, diggoon nooch immeto neene; no shuunoo bullin nooch kaachito neene.

Isiyaasi 26:3

Neen bi gibenetoyich, neenna degeyaabeeti kasheen, diggoona quyemmo neene.

Isiyaasi 45:7

Manderoonaa bekkoonon hallito taane; deꞌe yemeenoonaa gonde yemeenoonon deebaabeetoo taane; ebi bulli mooyon tuniyaabeeto Doono Yeeri taane.

Isiyaasi 48:18

Ta geteenaꞌon ne waayeto gaata, ne diggoo tahaani aacoommon, ne cadiqittinoo baharee aachi aayoommon tuneshone.

Isiyaasi 48:22

“Gondeenaꞌoyich diggoo aalloone” iye Doono Yeeri.

Erimiyaasi 32:16

Neraayichi bushoo Baaruukich no qaaro kooreeti woraqatoon ta immetoyee gubb, ishichaꞌa Doono Yeer waan corootiyo:

Erimiyaasi 33:6

“Tunebaani hini katemeech iiwittinoonaa wodoonon wochinnoon deebemmo taane; boonoshin wodiyemmo taane; beshaa beshe diggoonaa keqqaalli beemonon boonoshich bekkiyemmo taane.

Haddoo 6:26

Doono Yeeri bi aafoon ne waan wochibe; diggoon neech imbe” getote’ gete.

Luqaasi 1:79

No waan bi woyemmo, manderoonaa qitee yiiroonooch kotaabeeti nooch bekkiiya, diggee gommoochoo noon yaabiyane” iye.

Luqaasi 2:14

“Shimaajji shimaayooch beeti Yeerich oogee yiiroo tunebe! Showoochoo Yeeri boonoshina emiriti asheenaꞌoyich diggoo tunebe” iyeete.

Yowannisi 14:27

Diggoon ittoshich wojjaabeeto taane; ta diggoon ittoshich immaabeeto taane. Hini ittoshich ta immaabeeti diggoo alemo immii beetoommo toonoone. Ittoshi mullo keqqaaye, shatishoo gettaaye.

Yowannisi 16:33

“Taanna diggoo ittoshich bi tunemmoyich, ebi bullin ittoshich getteto taane. Alemo ittoshin duꞌiyemmone; tunebaani kupphebote; ta alemoon kochaa wochito taane” iye.

Roomi 1:7

Yeerina shucheti, yaafoo ittoshi tunemmoyich Yeerina ceekketi, Room beeti ittoshi bullich: No Nihoo Yeerinaa Doono Yesuus Kiristoosinochi wojjoonaa diggoona ittoshich tunebe.

Roomi 14:17

Ebiyoo Yeerichi taatittino cadiqoonaa diggoona, Yaafe Ayaanoochee tuneti emiroonalli, maayoonaa uyoonochi mooyo tuno bi qajjitoyichiye.

Roomi 15:13

Gibenee Nuggishoo Yaafe Ayaanee giidoona ittoshich gibeno woddemmoyich ittoshi mulloon bi toommooch ittoshi tooꞌitoyich emiroonaa diggoonon ceechiree ittoshich imbe.

Roomi 5:1

Illa bi toommooch no mulloon tooꞌiyoona no cadiqitoyee, no Doono Yesuus Kiristoosichi gommona Yeerina tookkii diggoo nooch beetone.

Roomi 8:6

Meechi mooyon gabiibeeti asho qitoochiye bi shaggemmo; tunebaani Yeerichi Ayaaneechon gabiibeeti asho kashoonaa diggoonon danemmone.

2 Qorontoosi 10:5

Ashi gajjiteyoonaa Yeerichi ariyee toommooch geecoona tiyiibeeti mooyo bullinon happemmo noone; Kiristoosich deꞌa boonoshi gettemmoyich ashi gaboo bullin keccemmo noone.

2 Qorontoosi 13:11

Illa ta maneenaꞌote! Emiribote. Kaamoo tunebote. Ta ciicoon waayebote. Ikke mulloona tunebote. Diggoona beebote. Shunee Nuggishoonaa diggee Nuggishoona tuneti Yeeri ittoshina tookki tunemmone.

Galaati 5:22

Tunebaani Yaafe Ayaanee aafo, shuno, emiroo, diggoo, haaꞌiyoo, ariqqo, deꞌittino, gibeneyoo,

Efesooni 3:19

Wotta ariyoyee beshiti Kiristoosichi shunoon ittoshi ariyemmoyich, ebina Yeerin ciroona shaahoyich ittoshi beddemmoyich corootaabeeto taane.

Filipphisiyoosi 1:1

Kiristoos Yesuusichi guuninaꞌo tuneti Phawuloosinaa Ximootiyoosina waanee, Filipphisiyoos beeti, kittinnee guuphon yaabii qeejjiibeeti geeneenaꞌonaa daaquuneenaꞌona tookkii, Kiristoos Yesuusina yaafeenaꞌo tunetinaꞌo bullich:

Filipphisiyoosi 1:2

No Nihoo Yeerinaa Doono Yesuus Kiristoosina waanee wojjoonaa diggoona ittoshich tunebe.

Filipphisiyoosi 4:19

Ta Nuggishoo ceeni bi gaannoochee ittoshich shappimmi mooyo bullin Kiristoos Yesuusina ceechemmone.

Filipphisiyoosi 4:21

Yaafeenaꞌo bullich Kiristoos Yesuusina ta diggiyoon bechibote. Taanna tookkii beeti kittinnee maneenaꞌo ittoshin diggiitinaꞌone.

Filipphisiyoosi 4:9

Ittoshich ta dojjitonaa ittoshich beshii ta immetonon, ittoshi waayeti ta qaaroon, ittoshi beeggiti ta shuunoon, eboshi bullin shuunee toommooch heechiibote. Arooboo diggee Nuggishoo ittoshina tookki tunemmone.

Qolaasiyaasi 3:15

Kiristoosichi diggoo ittoshi mullooch taatebe; ikke ashittinoochoommon ittoshi ceekketo ebi diggoyichiye; Yeerinoo galleteebeeto tunebote.

2 Tasaloonqi 3:16

Diggoon immiibeeti Doono Yesuus Kiristoosi bi qelloona bulli gommona bulli aaboon diggoon ittoshich imbe. Doono Yesuus Kiristoosi ittoshi bullina tookki tunebe!

Hibireena'o 13:20

Ufeti bi damoona bulli yemeenee wogoon manjiiti, bi bageenaꞌochi ooge Qiddoo tuneti no Doono Yesuusin qitoochee tiijjiti Diggee Nuggishoo,

Yihudi 1:1

Yesuus Kiristoosichi guuno, Yaaqobichi manoo Yihudi waanee, Nihoo Yeeri shunnitinaꞌonaa ceeggitinaꞌonoyich, Yesuus Kiristoosina quyeebeeti kittinneenaꞌo bullich:

Yaaꞌoo 1:4

Yowannisi waanee, Isiyee showooch beeti shabaatte kittinnee guuphinaꞌoyich: Andoo beeti, aafoo beeti, gubboo beeyemmi Yeer waanee, Yeerichi taatee qeechi aafooch beeti shabaatte ayaaneenaꞌo waanee,

Yaaꞌoo 2:17

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochitoyich aacheeti mannoochee immemmo taane; wotta ebi aroon deqqitoyee damba asho koniyoona ariyaani andire shigo kooreeti nacce xaqqoonoo immemmo taane.