Filipphisiyoosi 4:6 - Kafa Linguistics Project

⁶ Mooyo bullich corootibee, maaggebee, galletebeeshoo, Yeeri aafooch ittoshi qolloon arichiibotalli, ikke mooyoyichona xuuxeyaahote.

Filipphisiyoosi 4:6 ပူးပေါင်းရင်းမြစ်များ

1 Taateenaꞌo 8:28

Ta Nuggishoo Doono Yeero, ne guuno ta corootaabeeti corootoon, ta qolloonoo waayebe; hanaach ne guuno ne aafooch ta giddiyaabeeti qolloonaa cookoonon ellebe.

2 Kiinoo 32:20

Taatoo Hiziqiyaasinaa Amootsi bushoo keemechi Isiyaasina ebi mooyoyich shimaayooch cookiꞌi Yeer waan corootiyeete.

Shoddo 51:15

Ta Doonocho, ta noonoon gaxxibe; ta noonoo ne galletoon awaajjemmone.

Shoddo 55:17

Maaddoonaa womikkoonon, aabe tukkehaanoo, gaashillaa cookaabeeto taane; biyoo ta qaaroon waayemmone.

Shoddo 55:22

Neen maggeti mooyon Doono Yeeri toommooch dufe; bi neen deggemmone; bi, cadiqe asho dihemmoyich tuniyaachemmone.

Shoddo 62:8

Asheenaꞌote, bulli aaboon biin gibenebote; Yeeri nooch deebo bi tunetoyich, ittoshi mullee gaboo bullin biich getote.

Shaahiyoo 15:8

Gondeenaꞌochi deejjoo Doono Yeeri aafoochaa ciigeetone; tunebaani kaameenaꞌochi corooto biin emirikkiye.

Shaahiyoo 16:3

Ne shuunoon Doono Yeerich beshii imbe; ne gaboo ceennemmone.

Solomooni 2:14

Bambeexi xaqqee gogginonaa guudi toommeexi aashee xaaꞌoonooch beeti ta daabbicheene, ne qaaro, ne malletoo gaaweto bi tunetoyich, eke neen ciinona; ne qaaroonoo waayebona” iye.

Erimiyaasi 32:16

Neraayichi bushoo Baaruukich no qaaro kooreeti woraqatoon ta immetoyee gubb, ishichaꞌa Doono Yeer waan corootiyo:

Erimiyaasi 33:3

“Ta waan cookibe; neech wochemmo taane; beggaa ne ariyaani giidechi mooyon neech bekkiyemmo taane.

Daaneeli 3:16

Sidiraaqi, Misaaqinaa Abidinagina Nabukadinatsorich ishichiꞌi wochiyeete: “Taatoocho, ebi echoyich wochoo nooch qaawiyaani mooyone.

Daaneeli 6:10

Daaneeli ebi awaajjo kooreeti koorichee toommooch malletoo geddeyoon bi ariihooba, bi kexooch hammiꞌi, mallee kello Yerusaalem waan qecheebeeti kechi toommeexi bi kexoochaa, bulli aaboon bi tunii beetoommon, heeyooch keejje wottoon guteneꞌi bi Nuggishoo Yeer waan corootiye; biinoo galletehe.

Maatiyoosi 10:19

Asheenaꞌo ittoshin beshii imiyooba ‘Aabichiree gettehone?’ woyee ‘Ama gettehone?’ getiree xuuxeyaahote; areegaata ittoshi gettemmon Yeeri ittoshich immemmone.

Maatiyoosi 13:22

Ebiyoommon angichi xuppo beeti showooch holliti yaroon shaahii beetinaꞌo, Yeerichi qaaroon boonoshi waayetaa, hini showeexi beemon gaboonaa gijjee shaawona dacheyoona boonoshi mullooch naaxiꞌi boonoshi waayeti qaaroon maa beetone; ebichi naboona aafeyaanoon dobberee echemminaꞌone.

Maatiyoosi 6:34

Illa, yaach ittoshi toommooch woyemmi xuuxoyich yaach xuuxemmo ittoshine; ebich yaachich xuuxeyaahote. Hanaachi xuuxo hanaachich beddiye” iye.

Maatiyoosi 6:8

Ittoshi Nihoo Yeeri ittoshi qolleyaan beetaa, ittoshich qaawii beeton arii beetone; ebich ittoshi boonoshin shaahiyaahote.

Luqaasi 10:41

Doono Yesuusi wochiꞌi, “Maaritte, Maaritte! Meeti mooyona ne mulloon xuuxiihine; iriteenoo iyine.

Luqaasi 12:22

Ebichi hillooch Yesuusi bi dabbeenaꞌoyich ishichiye, “Ebich ittoshich gettoye: ‘Amoon maayehone?’ getiree ittoshi kashoyich woyee ‘Amoon tahehone?’ getiree ittoshi ashittinoyich qaawiibeeti mooyoyich xuuxeyaahote.

Luqaasi 12:29

Ittoshi gaboon ittoshi maayemmonaa ittoshi uchemmonoyich tuniyaahote. Ittoshi mulloon xuuxiyaahote.

Luqaasi 18:1

Ebiyee gubb, taahaanoon bulli aaboon corooteechon Yesuusi ishichiꞌi bi dabbeenaꞌoyich hini shaahiyoona gettiye:

Luqaasi 18:7

Illa Yeeri areddoonaa xumoonon biin qolleebee cookiibeeti bi kaacciti bi aagetoyich nallaachehe? Boonoshin gaacheyaanoon yagehe?

1 Qorontoosi 7:21

Yeeri neen bi ceegiyooba guuno ne gaata, aaxxiyaahine. Tunebaani are guuchittinoochee ne kechemmi gommon ne danegaata, are gommon gawukkiyaahine.

1 Qorontoosi 7:32

Tunebaani ta shunnaabeeto, ikke mooyonona gaabbaanoon ittoshi beeyemmoyichiye. Shaagaani kittinnoo Doonon emirikkoyich, Doono Yesuusichi mooyon gabiye.

Efesooni 5:20

Tuneti mooyo bullich bulli aaboon no Doono Yesuus Kiristoosi shigoona Nihoo Yeerin galletebote.

Efesooni 6:18

Yeerin qollebee bulli aaboon Yaafe Ayaano immiibeeti hakkoona corootibote. Ebi gaboonoo yaafeenaꞌo bullich Yeerin qollebee qaalliree corootoona kupphebote.

Qolaasiyaasi 3:15

Kiristoosichi diggoo ittoshi mullooch taatebe; ikke ashittinoochoommon ittoshi ceekketo ebi diggoyichiye; Yeerinoo galleteebeeto tunebote.

Qolaasiyaasi 3:17

Nihoo Yeerin Kiristoosina galletebee, ittoshi yibbaateebeeti yibbaatoon woyee ittoshi shuuneebeeti shuunoo bullin Doono Yesuusicha getiree tuniibote.

Qolaasiyaasi 4:2

Yeerin galletebee qaalliree corootoona kupphebote.

1 Ximootiyoosi 2:1

Illa bulliyee shiichiree, Yeerin oogiibee, yaafeeti keqqaalli beemon diggoona no beeyemmoyich, asho bullich, taateenaꞌoyich, iraasheenaꞌonaa ukkireenaꞌo bullinoyich Yeerin ittoshi qollemmonaa corootemmonoyich, ittoshi maaggemmonaa galletemmonoyich boyaabeeto taane.

1 Ximootiyoosi 5:5

Degaalli xuumee tunaꞌa bi ikkeeti beeti maachechi gibeno Yeeri baachiye; ebich xumoonaa areddoonon Yeerin qolloonaa corootoona kupphaa beetine.

1 Pheexiroosi 4:7

And illa bulli moochi ciiro katinnitone. Ebich corootoon ittoshi hakkemmoyich ittoshi qelloon quyoona qaalliree beebote.

1 Pheexiroosi 5:7

Biyoo ittoshich gabiibeeto bi tunetoyich, ittoshin iritiibeeti mooyo bullin bi toommooch dufote.

1 Saameeli 1:15

Haanniyoo ishichaꞌa biich wochiyan: “Ta doonocho, masheyaane taane. Woyinee uyoon woyee mashiibeeti uyoon uyaane taane. Ta, oogeton ayiniti ure ta tunetoyich, ta iritoon Doono Yeerich shooshaaniye ta beeto.

1 Saameeli 30:6

Asheenaꞌo biin xaqqoona yexxa boonoshi itoyich, Daawiti oogeton xuuxehe. Ebiyoo asheenaꞌo boonoshi anaami bushiisheenaꞌonaa maache bushiisheenaꞌonochi naboona mooyo boonoshich bi caammitoyichiye. Tunebaani Daawiti bi Nuggishoo Doono Yeerina kupphehe.

1 Saameeli 7:12

Aroyee gubb Saameeli ikke xaqqoon daammiꞌi, Mitsiphinaa Sheeninochi gutte daggooch neechiye. Biyoo “Hanaach beddaahaa Doono Yeeri noon gaachetone” iꞌi, aroon Ebenezeeri iꞌi shigiihe.