Filipphisiyoosi 3:8 - Kafa Linguistics Project

^8-9 Ebi ikkeeto tuneyaanoon, bulliyee beshiton danoyich, ebiyoo Kiristoos Yesuusi ta Doonon ariyoyicha iyaꞌa ebi mooyinaꞌon ciroona gaacaachemminaꞌon tuniiꞌa haddito taane. Biicha iyaꞌa eboshi bullin qajjeto taane. Kiristoos Yesuusi toommooch mullee tooꞌiyoona daneebeeti cadiqoo, ebiyoo sheeroon ceechii ta quyoona daneti cadiqoo tuneyaanoon, mullee tooꞌiyoona Yeer waanee daneebeeti cadiqoo taach bi beeyemmoyich, Kiristoosin danoyicha iyaꞌa bullin guudoon shaahiiꞌa duppeto taane.

Filipphisiyoosi 3:8 ပူးပေါင်းရင်းမြစ်များ

1 Taateenaꞌo 14:10

“ ‘Ebich Yeroboꞌami kechi asheenaꞌo toommooch gonde mooyon deebemmo taane. Yeroboꞌami kexoochee guunon tuneba doonon, anaamo bullin, Israꞌeelee showoochee aalliyemmo taane. Haandoo michaa tulloo tunoommon, Yeroboꞌami kechi ashoon michi tulloo tuniyemmo taane.

2 Taateenaꞌo 9:37

bi meeno Yezireeli katemee daggooch iboochoommon shacemmo bi tunetoyich, koniyoona, “Hini Elizabeeline” getiree bariyoon hakkaachemmone’ iꞌi bi gettiti qaaro hinine” iye.

Iyoobi 20:7

quttoochoommon tiyi ciroona aallemmone; biin ariibeeti asheenaꞌo, ‘Amooch kechii aallehe?’ getiree echemminaꞌone.

Shoddo 126:6

Yaroon shaaggiꞌi eeppiibee hammitinaꞌo, boonoshi qiroon shaagiree ililibee wottemminaꞌone.

Shoddo 73:25

Neyee besh shimaayooch taach koni beete? Showoochoo neyee baroo ta qaawemmo aalloone.

Isiyaasi 53:11

Cadiqe ta guuno, bi kashe xuuxetoyee gubb, kasheechi bekkoon beegiree emiremmone; bi ariyoona meetinaꞌon cadiqiyemmone; boonoshi xuꞌoonoo shaaggemmone.

Milikiyaasi 2:3

“Ittoshi shiijjereenaꞌon sheeremmo taane. Deejjoyich ittoshi giddiiti gijjeenaꞌochi xabeꞌoon ittoshi aafooch huuttemmo taane. Ebi are xabeꞌoona tookki hami duppeyemmo ittoshine.

Haddoo 14:30

Ittoshich imma ta wogeti showooch Yefuuni bushoo Kaaleebinaa Nuuni bushoo Yaasinoyee besh, ittoshi daggoochee ikkolla giyaachemmone.

Luqaasi 11:20

Tunebaani ta Yeerichi giidoona yinnoon yookkaabeeto ta tunegaata, illa Yeerichi taatittine ittoshi waan shaggetine.

Yowannisi 14:20

Ta, ta Nihoona ta beemoommon, ittoshiyoo taanna ittoshi beemon, tawoo ittoshina ta beemon arooba ariyemmo ittoshine.

Yowannisi 14:7

Taan ittoshi ariito gaata, wotta ta Nihoon ariyesho ittoshine. Hanaachina tiijjiꞌi biin ariito ittoshine; biinoo beeggito ittoshine” iye.

Yowannisi 16:3

Ebin ittoshi toommooch boonoshi tuniyemmo, Nihoo Yeerinoo taanoo boonoshi tuushitoyichiye.

Yowannisi 17:3

Ibere Nuggishoo ne baach tuneti neen boonoshi ariyoo, wotta ne deejjiti Yesuus Kiristoosin boonoshi ariyoo, ebi bulli yemeenee kashoone.

Yowannisi 17:8

Ebiyoo taach ne getteto bullin boonoshich ta gettetoyichiye; boonoshiyoo waayetinaꞌone; ne waanee ta womon xiishoona ariitinaꞌone; taan wochaa ne deejjoonoo iberiitinaꞌone.

Yowannisi 20:13

Boonoshiyoo “Haane, amoyichiye ne eeppaabeeto?” iyeete. Areyoo “Ta Doonon daammitinaꞌone; amooch boonoshi geddito gaata ariyaane taane” iyan.

Yowannisi 20:28

Toomaasi “Ta Doonocho, ta Nuggishoocho!” iꞌi wochiye.

Mishiraachechinaꞌo 20:24

Tunebaani ta wocon ciichoonaa Doono Yesuus Kiristoosi ‘Yeerichi wojjee mishiraachee qaareechon miixebe’ iꞌi taach bi immiti shuunoon ciichoonon ta qaawaa beetoyich, ta kashoon cir aaxxiyaache.

Roomi 8:18

Gubb nooch bekkemmi oogee yiiroona tookkii bi tacheegaata, andi hini yemeeneexi xuuxo amolla shaahiꞌi taach bekkeyaache.

Roomi 8:39

shimaayoyee damba beeto bi tunetaa, showoyee dech beetoo bi tunetaa, bare hallolla bi tunetaa, Kiristoos Yesuusi no Doonona Yeerinaa noonna daggooch beeti shunoochee noon bariyemmi ikke mooyolla aallo bi tunoon xiishaa ariito taane.

1 Qorontoosi 2:2

Arooba ittoshi daggooch ta beehooba, “Yesuus Kiristoosin, ebiyoo yooddeeꞌi qititi Kiristoosiyee damba, baroon ariyaache” iyaꞌa maacceto taane.

1 Qorontoosi 9:10

Yeeri bi ishichito, noocha iꞌi toone? Ashi goyoon gochiibeeti uro “Ta gochaabeeti maayo shagaa aroochee maayemmo taane” immi gibenoona goyo, wotta maayoon buchiibeeti gichecho “Hini ta buchaabeeti maayo ta gogoone” immi gibenoona busho biich qaawiihe; ebich noocha getaa hini mooyo kooreetone.

2 Qorontoosi 4:4

Hini alemoon hajjiibeeti gonde nuggishoo Kiristoosi toommooch mulloon tooꞌiyaaneenaꞌo Yeerichi shaahoo tuneti Kiristoosichi oogee yiiree mishiraachee qaaree bekkoon boonoshi beegaachemmoyich, boonoshi gaboon wolliihe.

2 Qorontoosi 4:6

“Manderooch bekko bekkebe” iti, Kiristoosichi barooch wacciibeeti bi oogee yiiree ariyoon bekkiibeeti bekkoon imma no mullee daggooch aaxxiito, Yeerine.

Galaati 1:16

Aageteenaꞌo daggooch bi Bushoochi mishiraachee qaaroon ta gettemmoyich, bi Bushoon taanna bekkiiya bi qaawiyooba, arooba asho koninolla boyeyaano taane.

Efesooni 4:13

Ebiyoo no bulli Yeeri Bushoo toommooch mullee tooꞌiyoonaa biin ariyoona daneebeeti ikkittinooch shagiree, kachiti ashoon tunoona, bullina Kiristoosin shaahooch no beddemmi wottooniye.

Filipphisiyoosi 1:1

Kiristoos Yesuusichi guuninaꞌo tuneti Phawuloosinaa Ximootiyoosina waanee, Filipphisiyoos beeti, kittinnee guuphon yaabii qeejjiibeeti geeneenaꞌonaa daaquuneenaꞌona tookkii, Kiristoos Yesuusina yaafeenaꞌo tunetinaꞌo bullich:

Filipphisiyoosi 3:10

Qitoochee tiyemmo ta tunoon gibenaꞌa Kiristoosinaa qitoochee biin tiijjiti giidoonon ta ariyemmoyich, bi xuuxoon ta qoodeyemmoyich, bi qitoonoo biin ta shaahemmoyich qaataabeeto taane.

Filipphisiyoosi 3:12

“And yecheto taane” woyee “And shappaalli asho taane” getaache; tunebaani Kiristoos Yesuusi taan bi yeshiyooba bi gabiti gaboon aroon wotta “Ceechemmo taane” iyaꞌa woccaabeeto taane.

Filipphisiyoosi 3:7

Tunebaani taach gaaccemmone iyaꞌa ta gabiti mooyo bullin and Kiristoosicha iyaꞌa ciroona gaacaachemmo tuniiꞌa haddito taane.

2 Ximootiyoosi 4:6

Uyee deejjoochoommon ta kasho deejjeya ii beetone; Yeer waan ta hammemmi aabo katinnitone.

Hibireena'o 3:14

Shiichiꞌi nooch beeti gibenoon ciirooch beddaahaa manjiiꞌa no yeshigaata, Kiristoosicho tuneto bullin qoodeyecho noone.

1 Pheexiroosi 2:7

Illa ittoshi mulloon bi toommooch tooꞌiiti ittoshich ebi xaqqo aaxxoone; tunebaani bi toommooch mulloon tooꞌiyaaneenaꞌoyich, “Gimbenyeenaꞌo hoxee duppiti xaqqo, aroo kexon deggii neechiibeeti giimbee guummon tunehe,”

2 Pheexiroosi 1:2

Yeerinaa no Doono Yesuusinon ariyoona wojjoonaa diggoona ittoshich woddebe.

2 Pheexiroosi 1:3

Yesuus Kiristoosi bi oogee yiiroonaa bi deꞌittinoonoochee no qoodeyemmoyich, noon ceeggiton no ariyoona yaafeeti kashoonaa Yeerin oogiibeeti qocoona no beeyemmoyich bi Nuggishittinee giidoona qaawiibeeti mooyo bullin nooch immiye.

2 Pheexiroosi 1:8

Ebi mooyinaꞌo ittoshich beegaata, woddeenoo boonoshi getigaata, no Doono Yesuus Kiristoosin ariyoona, gaacechonaa aafechonon ittoshin tuniyemminaꞌone.

2 Pheexiroosi 3:18

Wotta no Doononaa noon Wodiyechona tuneti Yesuus Kiristoosi immiibeeti wojjoon danoonaa biin ariyoona dicote. Biich andoo, bulli yemeenoonoo oogee yiiroo tunebe. Ameena.

1 Yowannisi 1:3

Wotta noonna tookki ikkittino ittoshich bi beeyemmoyich, no beeggetonaa no waayetonon ittoshich gettaabeeto noone. No ikkittinoo Nihoo Yeerinaa bi Bushoo Yesuus Kiristoosina tookkiiniye.

1 Yowannisi 2:19

Boonoshiyoo no daggeexinaꞌo tuno boonoshi qajjitoyich, no daggoochee kechiyeete. No magechinaꞌo boonoshi tuneto gaata, noonna tookki manjiree beeyeshinaꞌone. Ebina boonoshi bulli no magechinaꞌo boonoshi tunee qayo arichemmoyich, no waanee bariꞌi kechitinaꞌone.

1 Yowannisi 5:20

Wotta Yeerichi Bushoo womonaa iberoo tuneti Yeerin no ariibeeti mulloon nooch bi imonon ariibeeto noone. Iberoo tuneti Yeerina tookkii nooch ikkittino beetone; wotta bi Bushoo Yesuus Kiristoosina tookkii nooch ikkittino beetone. Biyoo ibere Nuggishoonaa bulli yemeenee kashoonane.