Filipphisiyoosi 3:3 - Kafa Linguistics Project

³ Iberoon dokireeto, Ayaanoona Yeerich goyinneebeeti, Kiristoos Yesuusina geeciibeeti, meechi doyoona geecaani, noani boonoshi tooneenaꞌone.

Filipphisiyoosi 3:3 ပူးပေါင်းရင်းမြစ်များ

Shoddo 105:3

Yaafe bi shigoonoo geecibote; Doono Yeerin qaawiibeeti mullecho emiribe.

Isiyaasi 45:25

Israꞌeelee yareenaꞌo bulli, Doono Yeeri taanna cadiqemminaꞌone; oogoon danemminaꞌone” iye.

Erimiyaasi 4:4

Yihudee asheenaꞌonaa Yerusaalemi beeyechinaꞌonote! Ittoshi gonde shuunoyich koniyoona takkoon hakkaachemmi ta kaaro qaaqqoochoommon aaxxemmo bi tunetoyich, ittoshi mulloon dokireeree, Doono Yeeri taach hajjeebote.

Erimiyaasi 9:26

Gibitseenaꞌo, Yihudee asheenaꞌo, Edoomeenaꞌo, Amooneenaꞌo, Moꞌabeenaꞌonaa boonoshi qelloon qebbii beeti, barahooch kotetinaꞌo bullina, ebi aageteenaꞌo bulli ta qaawitoommon dokireyaaneenaꞌone; ebiyoommon wotta Israꞌeelee kechi asheenaꞌo bullichi mulloo dokireyaanoone” iye.

Milikiyaasi 1:11

“Aabi keyoochee aabi gimooch beddaahaa beeti aageteenaꞌo ta shigoon oogii beetinaꞌone. Bulli xaaꞌoochaa ta shigoyich ixaanoon shookkiibee xalle deejjoon taach giddii beetinaꞌone. Boonoshi bulliyoo ta shigoon oogii beetinaꞌone” iye Beshe Mawe Doono Yeeri.

Roomi 1:9

Ta corootaabeeti aabo bullin kuxaanoon ittoshichon Yeerich shalligichaabeeto taane; bi Bushoochi mishiraachee qaaroon getona ceeni mulloona ta maddaabeeti Yeeri ta miixoone.

Roomi 15:17

Illa Kiristoos Yesuusina Yeerich ta maddaabeeti maddoona geecaabeeto taane.

Roomi 7:6

Tunebaani wonna no cucheti sheeroyich qitito noone; ebich Yeeri ebi sheeroochee and noon biichitone; ebichoo Yeerich no hajjeebeeto, Yaafe Ayaano noon yaabiibeeti andire gommonalli, kooreeti Muusichi Sheeroo gettiibeeti wonnee gommona toonoone.

Roomi 8:15

Ittoshin bi bushoo tuniiti Ayaanoon ittoshich immiyalli, wochinnoon ittoshi shattemmoyich guuchittinee ayaanoon ittoshich imaanoone; ebich ebi are Ayaano noon yaabaa, Yeerin “Taabbo, ta Nihoocho!” iyaꞌa ceeggaabeeto noone.

Roomi 8:39

shimaayoyee damba beeto bi tunetaa, showoyee dech beetoo bi tunetaa, bare hallolla bi tunetaa, Kiristoos Yesuusi no Doonona Yeerinaa noonna daggooch beeti shunoochee noon bariyemmi ikke mooyolla aallo bi tunoon xiishaa ariito taane.

Roomi 9:6

Tunebaani Yeerichi gibenee qaaro shaddeetone geto toonoone. Ebi Israꞌeelee yareenaꞌo bulli ibere Israꞌeeleenaꞌo tooneenaꞌone.

2 Qorontoosi 11:18

Meeti asheenaꞌo hini showeexi mooyona boonoshi geecii beetoyich, tawoo wotta ebiyoommon geecaabeeto taane.

Galaati 5:25

Yaafe Ayaanoona beeto no tunegaata, Yaafe Ayaano wotta noon yaabibe.

Galaati 6:16

Ebi ta gettaabeeti doyoommona beetinaꞌo bullich, Yeerichi asheenaꞌo tuneti Israꞌeeleenaꞌoyich, diggoonaa ariqqoona tunebe.

Efesooni 6:18

Yeerin qollebee bulli aaboon Yaafe Ayaano immiibeeti hakkoona corootibote. Ebi gaboonoo yaafeenaꞌo bullich Yeerin qollebee qaalliree corootoona kupphebote.

Yibbaatoo 10:16

Illa ebich, ebiyee damba Doono Yeerich deꞌa getote. Babberittinoonoo qayote.

Yibbaatoo 30:6

Doono Yeeri ne mulloonaa ne shiijjereenaꞌo mulloona biich deꞌa gettemmoyich tuniyemmone. Ebiyoo ne Nuggishoo Doono Yeerin ceeni ne mulloonaa ceeni ne kashoona ne shunnemmoyich, kashoonoo ne beeyemmoyichiye.

Filipphisiyoosi 1:1

Kiristoos Yesuusichi guuninaꞌo tuneti Phawuloosinaa Ximootiyoosina waanee, Filipphisiyoos beeti, kittinnee guuphon yaabii qeejjiibeeti geeneenaꞌonaa daaquuneenaꞌona tookkii, Kiristoos Yesuusina yaafeenaꞌo tunetinaꞌo bullich:

Filipphisiyoosi 3:12

“And yecheto taane” woyee “And shappaalli asho taane” getaache; tunebaani Kiristoos Yesuusi taan bi yeshiyooba bi gabiti gaboon aroon wotta “Ceechemmo taane” iyaꞌa woccaabeeto taane.

Filipphisiyoosi 3:14

Yeeri Kiristoos Yesuusina, damba beeti kashoyich taan bi ceeggiti naadee wojjoon ta danemmoyich, tuggooch shagga woccaabeeto taane.

Qolaasiyaasi 2:11

Ittoshiyoo biicho ittoshi tunoona, dokireeto ittoshine. Ebi ittoshi dokkireyoo, axaaxoo waan gaꞌeebeeti gonde shuriyoon shootoyich, Kiristoosina tunetoꞌani ashi kishoona tuneto toonoone.

Yihudi 1:20

Tunebaani ta shunechinaꞌote! Ittoshiyoo bulliyee beshoon yaafeeti gommona Yeeri toommooch mullee tooꞌiyoona dico ittoshich bi daakkeyemmoyich, ittoshinaa ittoshina gaacheyoona kupphebote; Yaafe Ayaanoona yaabeeree corootibote.