Filipphisiyoosi 3:20 - Kafa Linguistics Project

²⁰ Tunebaani no beeyemmi xaaꞌoo shimaayoochiye. Aroochee woyemmi Wodiyecho, biyoo Doono Yesuus Kiristoosin quyaabeeto noone.

Filipphisiyoosi 3:20 ပူးပေါင်းရင်းမြစ်များ

Shoddo 16:11

Kashee gommon taach bekkiyemmo neene; ne aafooch ceeni emiroo, ne qannoochoo bulli yemeenee emiroo beetone.

Shoddo 17:15

Tunebaani ta, cadiqittinoona ne aafoon beeggemmo taane; tiyi qaalliree, ne oogee yiiroon beegi michemmo taane.

Shaahiyoo 15:24

Mullecho kashee gommo waan kaama hammiye; desh maash daammiibeeti gommo waan hamaache.

Maatiyoosi 19:21

Yesuusi “Deꞌoon tuno ne shunigaata, hamiree neech beeto bullin kemiree iriteetinaꞌoyich imbe. Neech shimaajji kexooch kiceeree beeyemmone. Aroyee gubb waaree taan dabbibe” iye.

Luqaasi 12:21

“Bi qellich gijjoon kiciichii Yeeri aafoochaa girecho tuneti asho ebiyoommone” iye.

Luqaasi 14:14

Eboshi aree keroon wochoo hakkaaneenaꞌo boonoshi tunetoyich, Yeeri neen diiremmone; wotta cadiqeenaꞌo qitoochee boonoshi tiyiyooba, Yeeri neech ebichi keroon wochemmone” iye.

Mishiraachechinaꞌo 1:11

“Hini Galiilee asheenaꞌote, kaama shimaajj ciinniibee amoyich neexee beetote? Hini ittoshi waanee shimaajj kechiti Yesuusi, shimaajj bi keyaa ittoshi beeggitoommon, ebiyoommon wotteree woyemmone” iyeete.

1 Qorontoosi 1:7

Ebich Yeeri no Doono Yesuus Kiristoosichi womon bi bekkiyemmi aaboon ittoshi quyeebeeti daggooch, Yaafe Ayaano immiibeeti wojjoochee ikkolla ittoshich shappito aalloone;

1 Qorontoosi 15:48

Showee asheenaꞌo showee ashoomminaꞌone. Shimaajjichinaꞌo wotta shimaayoochee kinditi ashoomminaꞌone.

2 Qorontoosi 4:18

Ebich bekkeyaanoonalli bekkee beeton ciinaachone; bekkeebeeto andich baachiye; tunebaani bekkeyaano bulli yemeeneechone.

2 Qorontoosi 5:8

Gibenaꞌa, hini beeyi kexo tuneti no meenoochee bariꞌi Doono Yesuus Kiristoosina tookkii beemon shunnaabeeto noone.

Galaati 4:26

Tunebaani shimaajji Yerusaalemi guuchittinoona beetaaneene; areyoo no indeene.

Efesooni 2:19

Illa ebiyee bekk yaafeenaꞌona tookkii ikke showee ashoonaa Yeerichi kechi ashoona ittoshiyani, dallaawoonaa shiqqoona toono ittoshine.

Efesooni 2:6

Woyemmi yemeenooch Kiristoos Yesuusina nooch bi bekkiiti deꞌittinoona bulliyee beshiti bi wojjee woddoon bekiiya, Kiristoos Yesuusina noon kashecho tuniiꞌi biinna tookkii qitoochee tiijjiye; shimaajji xaaꞌoochoo biinna tookkii noon kotiihe.

Filipphisiyoosi 1:27

Illa Kiristoosichi mishiraachee qaaroyich baach bedditon tuneree beebote. Ebi tunegaata, waa ittoshin ta beeggetaa woyee ittoshiyee ta wokketaa, ikke mulloona mishiraachee qaaree gibenoyich qiicceebee ikke ayaanoona manjiꞌi ittoshi neexoon waayemmo taane.

1 Tasaloonqi 4:16

Yeerichi getee qaaro, maraakeenaꞌochi ukkiroo qaaro, Yeerichi tiree qaaroo waayeyemmone; arooba Doono Yesuusi bi qelloona shimaayoochee kindemmone; Kiristoosina tuneechii qititinaꞌo shiichiree tiyemminaꞌone.

2 Ximootiyoosi 4:8

Illa echeto, Yeeri taach wojjiya bi qanniiti cadiqee gubbichoone; aroonoo kaachii nallechi Doono Yesuus Kiristoosi nallee aabooba taach immemmone; bi immemmo, ta ikkeetoyich baach toonoone; bi womon sharaatee beetinaꞌo bullichiye.

Titoosi 2:13

Ebina diireeti no gibeno tuneti ooge no Nuggishoo, noon Wodiyechi Yesuus Kiristoosi oogee yiiroona bi bekkoon quyaabeeto noone.

Hibireena'o 12:22

Tunebaani ittoshi Tsiyooni guudooch, shimaayooch beeti Yerusaalem, beeyechi Yeerichi katemooch shaggito ittoshine. Humaa xume maraakeenaꞌo waan,

Hibireena'o 9:28

Ebiyoommon Kiristoosi wotta meetinaꞌochi axaaxoon shaagga ikke wottoon bi qelloon deejjoo tuniiꞌi bi giddiitoyee gubb, axaaxoon shaagoyich tuneyaanoon, biin quyee beetinaꞌon wodiyoyich, boonoshicha getiree guttinnoon woyemmone.

Yaaꞌoo 1:7

Ebiyoche, quboona woyemmone; asho bulli, biin kochitinaꞌooch beddaahaa, biin beeggemminaꞌone; showee toommooch beeti yoodeenaꞌo bulliyoo bi naboona woowo, geti eeppemminaꞌone. Tuneba! Ameena.