Filipphisiyoosi 3:2 - Kafa Linguistics Project

² Kunaaneenaꞌo waanee ittoshi qelloon quyebote; gondoon shuunee beetinaꞌo waanee, dokireebote iꞌi ittoshin xuqqii beetinaꞌo waaneenoo ittoshi qelloon quyebote.

Filipphisiyoosi 3:2 ပူးပေါင်းရင်းမြစ်များ

Shoddo 119:115

Ta Nuggishoochi geteenaꞌon ta quyemmoyich gondeenaꞌote, ta waanee wohote.

Shoddo 22:16

Guuphiti gonde asheenaꞌo, kunaaneenaꞌochoommon taan giichiyeete; ta kishoonaa ta baatoonooch kochiyeete.

Shoddo 22:20

Ta kasheen goraadoochee wodiibe; aaxxe ta kasheen kunaaneenaꞌochi giidoochee wodiibe.

Shaahiyoo 26:11

Wochii wochii tuushiibeeti mullaalli asho, bi cooyon nappheya wotteebeeti kunaanoommone.

Maatiyoosi 24:10

Arooba meetinaꞌo taan qajjemminaꞌone; boonoshinaa boonoshina ikkoo ikkoon beshiiree immemmone; boonoshinaa boonoshina shixeyemminaꞌone.

Maatiyoosi 7:15

“Koote keemechinaꞌo waanee ittoshi qelloon quyebote. Bagoochoommon duuroo shaahibee ittoshi waan woyemminaꞌone; tunebaani boonoshi mullo kuxxii maabeeti okeroommone.

Maatiyoosi 7:6

“Shiixxi wotteree ittoshin boonoshi shacaachemmoyich, yaafeeton kunaaneenaꞌoyich immaahote. Wotta gudininaꞌo boonoshi baatoona boonoshi neexaachemmoyich, ittoshi inqoon boonoshi aafooch duppaahote” iye.

Roomi 2:28

“Ayihudee ashoone” iꞌi boonoshi gabiibeeto bulli Ayihudee asho toonoone; bekkeebeeti meenona tuneebeeti dokireyoo ibere dokireyoo toonoone.

2 Qorontoosi 11:13

Eboshiyoommi asheenaꞌo Kiristoosichi mishiraachechinaꞌon shaahiya boonoshi qelloon shaddiibeeti koote mishiraachechinaꞌonaa dawushechi shuunechinaꞌonane.

Galaati 5:13

Ta maneenaꞌote! Guuchittinoochee ittoshi kechemmoyich Yeeri ittoshin ceeggitone; tunetaa ebi guuchittinoochee ittoshi keyon meechi qaatoyich deꞌa ittoshi gettemmi gommon tuniyaahote. Tunebaani ittoshinaa ittoshina ikkoo baroyich shunoona maddebe.

Galaati 5:15

Tunebaani ittoshinaa ittoshina ittoshi geccee beegaata, ittoshi dafee beegaata, ikkooch ittoshi aalleyaachemmoyich ittoshi qelloon ariibote!

Galaati 5:6

Ebiyoo Kiristoos Yesuusina tunetoyich, dokireyoo woyee dokireyee qayo bi gaaccemmi gaaco amolla aallo bi tunetoyichiye; gaaccemmo shunoona shuuneebeeti, Kiristoosi toommooch mullee tooꞌiyoo baachiye.

Filipphisiyoosi 3:19

Boonoshi ciiro aallooch hamone; boonoshi meechi qaatoo boonoshich nuggishoone; yeelliibeeti mooyo boonoshich oogoone; boonoshi gaboo showee toommeexi mooyoyich baachiye.

Filipphisiyoosi 3:3

Iberoon dokireeto, Ayaanoona Yeerich goyinneebeeti, Kiristoos Yesuusina geeciibeeti, meechi doyoona geecaani, noani boonoshi tooneenaꞌone.

1 Ximootiyoosi 1:19

Kiristoosi toommooch mullee tooꞌiyoonaa axaaxoon tiyaareebeeti xalle mulloonon manjiiree yeshe. Ikkikkeenaꞌo boonoshi mulloona “Axaaxoon tiyaareyaachone” iꞌi, markabo xaqqoona qicceꞌi aacona qoochee bi aalloommon, Yesuusichi toommeexi boonoshi mullee tooꞌiyoon aalliitinaꞌone.

Titoosi 1:16

“Yeerin ariibeeto noone” ii beetinaꞌone; tunebaani tiyaarii beetinaꞌonaa deꞌa getaaneenaꞌona, ikke deꞌe mooyon shuunoyichona bedaaneenaꞌoo boonoshi tunetoyich, boonoshi shuunoona Yeerin nookkee beetinaꞌone.

2 Pheexiroosi 2:22

“Kunaanoo bi cooyoon nappheya wottehe”; wotta “Gudini machaa bi itoyee gubb wochinnoon dengooch gedereya wottahane” ii beeti tochoo boonoshina iberetone.

Yihudi 1:4

Ikkikke asheenaꞌo ittoshi daggooch shokiibee giyitinaꞌone; hukkechinaꞌo tuneꞌi no Nuggishoochi wojjoon boonoshi meechi qaatoona shaddiyeete; bi ikkeeto baach no Taatoonaa no Doonona tuneti Yesuus Kiristoosin nookkeheete; boonoshi toommooch shaggemmi nalloo wodde yemeenoyee aaf Yaafe Macaafooch kooreetone.

Yaaꞌoo 2:9

Ne toommooch shaggiti duꞌoon, ne giroonoo ariibeeto taane; tunebaani gaannecho neene. Ayihudo tuneyaanoon ‘Ayihudo noone’ ii beeti, Sheexaanoyichoo maddeebeeti guupho ne shigoon gondiyoon ariibeeto taane.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.

Yaaꞌoo 22:15

Kunaaneenaꞌo, kaayechinaꞌo, shunimaayeenaꞌo, ashoon wuxii beetinaꞌo, shahalloyich goyinnee beetinaꞌo, kootee kooton shunnii beetinaꞌonaa kootee kooton doyitinaꞌo bullinoyich hini are katemeech gimo ciroona daaggeyaache.

Yaaꞌoo 3:9

Ayihudo tuneyaanoon, ‘Ayihudo noone’ iꞌi koottiibeeti, Sheexaanoyich maddeebeeti guuphoochee tunetinaꞌon ne baatooch waaree boonoshi dihemmoyich tuniyemmo taane; ebinoo neen ta shunon ariyemminaꞌone.