Filipphisiyoosi 3:18 - Kafa Linguistics Project

¹⁸ Ebiyee aaf meeti aaboon ebin ittoshich getteto taane. Andoo eeppaabee daakkaa gettoye: Meetinaꞌo boonoshi beemi qocoona Kiristoosichi masqaloyich etto tunetinaꞌone.

Filipphisiyoosi 3:18 ပူးပေါင်းရင်းမြစ်များ

Shoddo 119:136

Asheenaꞌo ne sheeroon quyo boonoshi qajjitoyich, ta aafo acimoona taabbehe.

Isiyaasi 8:11

Doono Yeeri giidechi bi kishoon ta toommooch geddiꞌi, ebi asheenaꞌochi gommon ta dabbaachemmoyich taach gettiye; ishichiinoo iye:

Erimiyaasi 13:17

Tunebaani elloon ittoshi qayigaata, ittoshi geecoyich aashoona eeppemmo taane; Doono Yeerichi bageenaꞌo keccetoyich, ta aafoo caame eeppemmone; acimoonoo qapphillemmone.

Erimiyaasi 9:1

Wuxeeti ta asheenaꞌoyich, xumoonaa areddoonon ta eeppemmoyich, ta qello aacon, ta aafo acimee tunoon tuneshoo geta!

Daaneeli 4:37

Shimaajji Taatoo Yeeri bi tuniibeeto bulli tato, bi gommoo cadiqee gommo bi tunetoyich, ta, Nabukadinatsori, biin galletehoye; oogiihoye; naadiyoye. Biyoo geecii beetinaꞌon giishiyoon hakkii beetone.

Leweenaꞌo 11:16

shaakko, qamini waajjechi yuye, baharee baakkoo, shelli gaceenaa biin shaaheenaꞌo bullina,

Leweenaꞌo 13:8

Qeeshoo ciinaa, quco gaminnii hammiibeeto bi tunegaata, uro eeꞌo bi tunoon arichiibe. Ebiyoo qeddee shaddee biiyoone.

Luqaasi 19:41

Yesuusi Yerusaalem shagg beddiꞌi katemoon ciinniichii eeppiibee ishichiye:

Mishiraachechinaꞌo 20:19

Ayihudeenaꞌo kiceeꞌi ta toommooch boonoshi deebiti iritoona, bulli mooyoyich ta qelloon yeephaanoon acimoona Doono Yesuusichi wochee bushoo tunaꞌa biich shuuneho;

Roomi 9:2

Oogeti ayinoo, kuxeyaani xuuxoo ta mullooch beetone.

1 Qorontoosi 1:18

Kiristoosichi masqalee mooyo aallooch hammii beetinaꞌoyich tuushittinoone; tunebaani wodaabeeti nooch Yeerichi giidoone.

1 Qorontoosi 6:9

Hukkechinaꞌo Yeerichi taatittineen woraashaachemminaꞌo boonoshi tunoon ariyaachote? Muriccaahote! Shunoon maa beetinaꞌo, shahalloyich goyinnee beetinaꞌo, yahechinaꞌo, anaamona tookkii shunoon maabeeti anaaminaꞌo,

2 Qorontoosi 11:13

Eboshiyoommi asheenaꞌo Kiristoosichi mishiraachechinaꞌon shaahiya boonoshi qelloon shaddiibeeti koote mishiraachechinaꞌonaa dawushechi shuunechinaꞌonane.

2 Qorontoosi 11:29

Ikke asho maraategaata, biinna tookkii maraateyaachote? Ikke asho tephee bi dihigaata, ippeyaachehote?

2 Qorontoosi 2:4

Are wochoon ta koorito, oogeti ayinoona, mulloochee tiyiti xuuxoonaa wodde acimoonane; ta gaboo mulloochee tiijjaꞌa ittoshin ta shunon ittoshi ariyemmoyichalli, ittoshin ayinikkoyich toonoone.

Galaati 1:7

Ebi are qaaro mishiraachee qaaro toonoone. Tunetaa ittoshin shuurikkoonaa Kiristoosichi mishiraachee qaaroon xummiyoonoyich shunniibeeti ikkikkeenaꞌo beetinaꞌone.

Galaati 2:14

Tunebaani mishiraachee qaaree iberee kaame gommona boonoshi hammi qayon ta ciinnehooba, kittinneenaꞌo bulli aafooch Pheexiroosin “Ne Ayihudee asho tunaachaa, Ayihudoommon tuneyaanoon Aagetoommon beeto neene; illa Aageteenaꞌo Ayihudeenaꞌochi doyoommon boonoshi beeyemmoyich aabichaꞌa xuqqenne?

Galaati 2:21

Tawoo Yeerichi wojjoon dufaache; cadiqoo sheeroon ceechii quyoona danemmo bi tunegaata, illa Kiristoosi qitito duuboone” iyoye.

Galaati 5:21

ashi wodoon shixo, masho, qelloon battiibeeti duubo, eboshinoo shaahiibeeti mooyone. Shiichaꞌa ittoshich ta gettetoommon, ebiyoommi mooyon tunii beetinaꞌo Yeerichi shimaajji taatittineen woraashaachemminaꞌone.

Galaati 6:12

Boonoshi meenona gaaweton tuneree bekkeya qaawii beetinaꞌo dokireebote iꞌi ittoshin yullii beetinaꞌone. Ebin boonoshi tuniibeeto, Kiristoosichi masqalee naboona duꞌo boonoshi toommooch bi shagaachemmoyichiye.

Galaati 6:14

Tunebaani no Doono Yesuus Kiristoosi yooddeti masqaloyee beshetaa bare geecoo ta waanee wohe; are masqalee naboona hini alemeexi mooyo taach yoodaa qititone; tawoo wotta hini alemeexi mooyoyich yooddaa qitito taane.

Efesooni 4:17

Illa Aageteenaꞌo duubeti gaboona boonoshi beemoommon, ebiyee bekk ittoshiyoo ebiyoommon duubeti gaboona ittoshi beetaachemmoyich Doono Yesuusina ittoshin manjii ciiccaabeeto taane.

1 Tasaloonqi 4:6

wotta shiichaꞌa ittoshich manjii gettaa no shalligichitoommon, ebi mooyo bullin Doono Yeeri wochi gaaccemmo bi tunetoyich, koniyoona ebi mooyon shaaddaaye; biinoommi bi manoonoo xuqqaaye.

2 Tasaloonqi 3:11

Ishichaa no iti naboo, ittoshi daggooch ikkikke shuuna biisheenaꞌo beemon no waayetoyichiye; eboshi boonoshin gedaani mooyooch giyiibee baad cikkii guuddii beetinaꞌone.

Yihudi 1:13

Yeelliibeeti boonoshi shuunoo umboommo tunemmona, umboon aapphiibeeti giidechi baharee aachi aayoomminaꞌone; boonoshi gommon gawukkiꞌi yallyallimiibeeti xojjeneenaꞌoomminaꞌone; boonoshichoo bulli yemeenoon dunne manderooch boonoshi beeyemmi xaaꞌoon Yeeri qanniitone.