Filipphisiyoosi 3:12 - Kafa Linguistics Project

¹² “And yecheto taane” woyee “And shappaalli asho taane” getaache; tunebaani Kiristoos Yesuusi taan bi yeshiyooba bi gabiti gaboon aroon wotta “Ceechemmo taane” iyaꞌa woccaabeeto taane.

Filipphisiyoosi 3:12 ပူးပေါင်းရင်းမြစ်များ

Iyoobi 17:9

Tunebaani cadiqe asho murici dihaachemmone; bi kishoo xalloo tuneti asho kupphe kupphe hammemmone.

Shoddo 119:5

Ne qociyoon quyoona gibeneeto tunoon, am shaahoon shunnehote.

Shoddo 138:8

Doono Yeeri bi daaggoon ta toommooch ceechemmone; Doono Yeero, ne shoodo bulli yemeeneechone; ne kishee shuunoo tuneti taan duppaahine.

Shoddo 42:1

Doollee woce aacon bi qaatoommon, ta Nuggishoocho, ta kashe neen qaatiyane.

Shoddo 63:8

Neen manjiyaa yecheto taane; ne qanne kishoo taan kaachii neechiye.

Shoddo 84:2

Doono Yeerichi addibaaboon ta kashe oogichaꞌa sharaatehane; beeyechi Nuggishoo Yeerich, ta mullo, ta meenoo emiroona shoddebe.

Shoddo 94:15

Dayinneto nallee gabberooch wottemmone; mulli kaameenaꞌo bulli aroon dabbemminaꞌone.

Shaahiyoo 4:18

Cadiqeenaꞌochi gommo areddee aabo bekkemmi wottoon, daakkii daakkii hammiibeeti yaaꞌeexi bekkoommone.

Isiyaasi 51:1

Doono Yeeri ishichiye: “Cadiqoon dabbii beetinaꞌote, Doono Yeeri taan qaawii beetinaꞌote, ta waanee waayebote: Aroochee kuxaa ittoshi kechiti xaqqoon, aroochee iiyaa ittoshi kechiti oppoon ciinote.

Hosee'i 6:3

Biin ariibone; biin no ariyemmoyichoo Doono Yeerin dabbibone. Iberoochaa maaddee aaboochoommon bekkemmone. Showoon shuxiibeeti naawee amiyochoommon no waan woyemmone” iyeete.

Maatiyoosi 5:48

Illa shimaayeexi ittoshi Nihoo Yeeri deꞌo bi tunetoommon, ittoshiyoo wotta deꞌoon tunebote” iye.

Mishiraachechinaꞌo 9:15

Tunetaa Doono Yesuusi wochiꞌi, “Hini uro meeti Aageteenaꞌoyich, taateenaꞌoyich, Israꞌeeleenaꞌoyichoo ta shigoon bi arichiyemmoyich taach ta kaacceti qiicoone. Ebich bi waan hambe;

Roomi 8:39

shimaayoyee damba beeto bi tunetaa, showoyee dech beetoo bi tunetaa, bare hallolla bi tunetaa, Kiristoos Yesuusi no Doonona Yeerinaa noonna daggooch beeti shunoochee noon bariyemmi ikke mooyolla aallo bi tunoon xiishaa ariito taane.

1 Qorontoosi 13:10

Tunebaani shappaani ceeno waahooba, hini shappoo aallemmone.

1 Qorontoosi 13:12

Hanaach Yeerin no ciinnaabeeto, dooshireti heeraawoochaa no malletoon no ciinoommoniye; tunebaani arooba biin no aafoona xallayi beeggemmo noone. And Yeerin woddiiꞌa ariyaano taane; tunebaani arooba Yeeri taan bi arii beetoommon, tawoo biin ariyemmo taane.

1 Qorontoosi 9:24

Woccii beshoon gajjiteeꞌi wocee beetinaꞌo daggoochee wocona beshiree naadee wojjoon danemmo ikke uro baach tunoon ariyaachote? Ebiyoommon naadee wojjoon ittoshi danemmoyich kuppheree gaaweti wocon wocebote.

2 Qorontoosi 13:9

Hakka guutoo no tunetaa, ittoshi giidecho tunemmona noon emirikkiye; no corootaabeeto kaamoo ittoshi tunemmoyichiye.

2 Qorontoosi 7:1

Illa ta shunechinaꞌote! Ebi gibeno nooch bi beetoyee, no meenonaa no ayaanoonon eeꞌiibeeti mooyo bulliichee no qelloon xalliibone; Yeerin shatibee, no yaafittinoon ceeno tuniibone.

Galaati 5:17

Yaafe Ayaano qaatii beeton meeno shixxii beetone; wotta meeno qaatii beeton Yaafe Ayaano shixxii beetone. Eboshi boonoshinaa boonoshina qiiccee toommooch boonoshi beetoyich, ittoshi shunnii beeton tuniyoon hakkaachote.

Efesooni 1:4

Alemo halleyaan beetaa, bi aafooch yaafoonaa bachaalloonon no tunemmoyich Kiristoosina noon kaacciye; Yeeri noon bi shunnitoyich,

Efesooni 4:12

Ebin bi tuniito, Kiristoosichi quumo tuneti kittinnee guupho eennemmoyich, yaafeenaꞌon maddee shuunoyich qanniyoyichiye.

Filipphisiyoosi 1:1

Kiristoos Yesuusichi guuninaꞌo tuneti Phawuloosinaa Ximootiyoosina waanee, Filipphisiyoos beeti, kittinnee guuphon yaabii qeejjiibeeti geeneenaꞌonaa daaquuneenaꞌona tookkii, Kiristoos Yesuusina yaafeenaꞌo tunetinaꞌo bullich:

Filipphisiyoosi 3:16

Tunetaa ebiich beddaahaa noon bechiti are gommona hambone.

Filipphisiyoosi 3:3

Iberoon dokireeto, Ayaanoona Yeerich goyinneebeeti, Kiristoos Yesuusina geeciibeeti, meechi doyoona geecaani, noani boonoshi tooneenaꞌone.

Filipphisiyoosi 3:8

Ebi ikkeeto tuneyaanoon, bulliyee beshiton danoyich, ebiyoo Kiristoos Yesuusi ta Doonon ariyoyicha iyaꞌa ebi mooyinaꞌon ciroona gaacaachemminaꞌon tuniiꞌa haddito taane. Biicha iyaꞌa eboshi bullin qajjeto taane. Kiristoos Yesuusi toommooch mullee tooꞌiyoona daneebeeti cadiqoo, ebiyoo sheeroon ceechii ta quyoona daneti cadiqoo tuneyaanoon, mullee tooꞌiyoona Yeer waanee daneebeeti cadiqoo taach bi beeyemmoyich, Kiristoosin danoyicha iyaꞌa bullin guudoon shaahiiꞌa duppeto taane.

1 Tasaloonqi 5:15

Ittoshi daggoochee koniyoona baroyich gondoochi qoodoon gondoona bi wochaachemmoyich bayote. Tunebaani bulli aaboon ittoshinaa ittoshina, wotta asho bullich gaaweton tuniyoyich qiiccebote.

2 Tasaloonqi 2:13

Tunebaani Doonona shucheti no maneenaꞌote! Bulli aaboon ittoshi naboyich Yeerin galletehone; ebiyoo Yeeri bi Yaafe Ayaanoona ittoshin yaafiꞌi, iberee qaaroon iberiiree ittoshi wodemmoyich shiichiꞌi ittoshin bi kaaccitoyichiye.

1 Ximootiyoosi 5:10

Gaaweti shuunoon shuunoona miixeeti tunebuye. Ebiyoo, bushiishoon gaawichiꞌi dichoo, iibbee iibbiyoo, kittinneenaꞌochi baatee machiyoo, iriteetinaꞌon degonaa gaaweti shuunoo bullin shuunoona miixeeti tunebuye.

1 Ximootiyoosi 6:19

Ebiyoommon ibere kashoon ittoshi yechemmoyich, woyemmi yemeenoochoo gaaweti dego ittoshich tunemmi gaannoon kicemmo ittoshine” getiree ciice.

Hibireena'o 12:14

Asho bullina tookki diggoona beemon qaawibote; yaafeyaanoon Doono Yeerin beegon hakkemmo aalloone; ebich yaafittinoona beemoyich qaawibote.

Hibireena'o 12:23

boonoshi shigo shimaayooch kobereeꞌi bi waan emiroona kiceeti, Yeeri kaacciti bi bushiisheenaꞌo waan shaggito ittoshine. Wotta asho bullich bi shuuni shuunoommona nallemmi Nallecho tuneti Yeer waan, Yeeri boonoshin shappaalleenaꞌo tuniiti cadiqeenaꞌo waan,

Hibireena'o 13:21

bi daaggoon ittoshi tuniyemmoyich, gaaweto tuneti mooyo bullin ittoshich imbe; biin emirikkiibeeti mooyon Yesuus Kiristoos waanaa no bullina shuunebe. Yesuus Kiristoosichoo bulli yemeenoon galleto tunebe. Ameena.

Yaaqobi 3:2

No bulli wodde mooyona muriccaabeeto noone; bi yibbaateebeeti yibbaatoona muricaano koniyoona bi beegaata, are asho bi hullimalloon quyo hakkiibeeti, shappaalli ceeni ashoone.

1 Pheexiroosi 5:10

Bulli yemeenee bi oogee yiiroochee ittoshi qoodeyemmoyich Kiristoosina ittoshin ceeggiti, wojjoo bullin immiibeeti Nuggishoo, giisheche aaboon xuuxoon ittoshi beeggitoyee gubb, bi qelloona bi, ittoshich mooyo bullin tachemmone; ittoshin manjiyemmone; ittoshin kupphiyemmone; Kiristoosi toommooch mulloon tooꞌiyoochee ittoshi shuuraachemmoyich ittoshin neechemmone.

2 Pheexiroosi 3:18

Wotta no Doononaa noon Wodiyechona tuneti Yesuus Kiristoosi immiibeeti wojjoon danoonaa biin ariyoona dicote. Biich andoo, bulli yemeenoonoo oogee yiiroo tunebe. Ameena.