Filipphisiyoosi 3:1 - Kafa Linguistics Project

¹ Illa ta maneenaꞌote! Doono Yesuusina emiribote. Ikke mooyon wochinnoon wochii ta koorigaata taan taahiyaache; ittoshichoo wotta gaaccemmone.

Filipphisiyoosi 3:1 ပူးပေါင်းရင်းမြစ်များ

1 Kiinoo 15:28

Ebiyoommi gommona Israꞌeeleenaꞌo bulli emirii ililiibee, tiroonaa shametoonon huggiibee, qaaxilloon, giishi ximboonaa ooge ximboonon yexxii kaachiibee, Doono Yeerichi taabootoon Yerusaalem deebiyeete.

1 Kiinoo 16:10

Yaafe bi shigoonoo geecibote; Doono Yeerin qaawiibeeti mullecho emiribe.

1 Kiinoo 29:22

Ebiyooba oogeti emiroona Doono Yeeri aafooch maa uchiyeete. Aroochee Daawiti bushoo Solomoonin wochinnoon taatiiheete. Taatoo bi tunemmoyichoo Doono Yeerichi shigoona huuttiyeete. Sadooqinoo qeeshoo bi tunemmoyich huuttiyeete.

Nehimi 8:10

Nehimiyoo boonoshich, “Hambote; gaawe maayoon mamote; shaawi uyoonoo uyote; qanniti mooyo amolla boonoshich aalli asheenaꞌoyich ittoshich beetoochee daachiibote. Hanaachi aabo no Doonoyich yaafeetone. Doono Yeerichi emiroo ittoshich giidoo bi tunetoyich, ayiniyaahote” iye.

Iyoobi 22:26

Arooba Beshe Hakkechi Yeerina emiremmo neene; bi aafoochoo yeelleyaanoon neexemmo neene.

Shoddo 149:2

Israꞌeeleenaꞌo boonoshin Hallitona emiribeete; Tsiyooni asheenaꞌo boonoshi Taatoona wucwuceete.

Shoddo 32:11

Cadiqeenaꞌote, Doono Yeerina emiribote; emiroonoo wucwucote; mulli kaameenaꞌote, ittoshi bulli ililibote.

Shoddo 33:1

Cadiqeenaꞌote, Doono Yeerich ililibote; kaameenaꞌo biin galleto tatoone.

Shoddo 37:4

Doono Yeerina emiribe; biyoo ne mullee qaatoon neech immemmone.

Shoddo 42:4

Dofee asheenaꞌon dabbiyaꞌa, boonoshina tookkaa Yeerichi kexooch ta hamon, ililiibee galletee shoddoona baaroon no baaroon, ebi mooyon ta gabimmona ta mullo tiishehe.

Shoddo 5:11

Tunebaani ne shoobooch giyitinaꞌo bulli emiribeete; bulli aabooch emiroona shoddebeete; ne shigoon shunnii beetinaꞌo neenna oogichi boonoshi emiremmoyich, ne boonoshich deebo tunebe.

Shoddo 97:1

Doono Yeeri taatetone; showoo emiribe; wohooch beeti buure showeenaꞌo bulliyoo emiribeete.

Isiyaasi 41:16

Shimaayooch shakkemmo neene; yongo boonoshin hidi daammemmone; yuboo boonoshin shaccemmone; newoo Doono Yeerina emiremmo neene; Israꞌeelee Yaafoona yebenemmo neene.

Isiyaasi 61:10

Doono Yeerina oogichaa emiriyoye; ta kashe ta Nuggishoona emiraa wucwuccahane; bechee bungee gubbichoon uketi woꞌee kenoochoommon, macecikkiti shashoon shasheti woꞌechoommon, wodee tahoon taach tajjitone; cadiqee tahee xappoon taach xappitone.

Isiyaasi 65:14

ta guuninaꞌo mullee emiroochee tiyitona shoddemminaꞌone; tunebaani ittoshi mullee ayinoochee tiyitona cookemmo ittoshine; ittoshi mullo tiishetaa woowo gettemmo ittoshine.

Yoꞌeeli 2:23

Tsiyoonee asheenaꞌote, emiribote! Ittoshi Nuggishoo Doono Yeeri taanna oogichi emiribote! Marehee amiyon, cadiqoona ittoshich immeto taane. Marehee amiyonaa naawee amiyonon, woddii ittoshich dichito taane.

Sofoniyaasi 3:14

Israꞌeeleenaꞌote, emiroona shodde ililibote! Yerusaalemi asheenaꞌote, mulloochee tiijjiree, oogichi emiribote!

Sofoniyaasi 3:17

Ittoshi Nuggishoo Doono Yeeri ittoshina tookkii beetone; bi immiibeeti giidoona wudoon danemmo ittoshine. Biyoo ittoshina oogichi emiremmone; bi shunoona ittoshi kashoon andiriyemmone. Asheenaꞌo baaroon baariibee emiroommon, ittoshina oogichi emiriree shoddemmone” getteyemmone. Doono Yeeri ishichiye: “Ittoshi duꞌoon ittoshi waanee wokkiyemmo taane; ebiyee damba ittoshin yeelliyemmi mooyo beetaachemmone.

Zakaariyaasi 10:7

Efreemeenaꞌo kupphe ginee anaamoommon tunemminaꞌone. Woyinee uyoon uchiti asho emiroommon emiremminaꞌone. Boonoshi bushiisheenaꞌo ebin beegiree emiremminaꞌone. Boonoshi mullo Doono Yeerina emiremmone.

Maatiyoosi 5:12

Yeeri ooge wojjoon shimaayoochaa ittoshich immemmo bi tunetoyich, emiribote; emiroona wucwucote. Ittoshiyee aaf beeti keemechinaꞌon ebiyoommon duꞌiitinaꞌone” iye.

Luqaasi 1:47

taan wodiyechi Yeeri hoxeeti bi gonnee taan ciinniꞌi ta ayaanoon oogichiꞌi emirikkitone. Ooge Giidecho ta toommooch worganikkiti shuunoon tuniitone; bi shigoo yaafoone. Ebich hanaachina ikka getiree shiijjeroo bulli taan, ‘Yeeri diiritine’ gettemmone.

Roomi 5:11

Tunebaani ebi ikkeeto baach toonoone; and no Doono Yesuus Kiristoosichi gommona no shuneti Yeerina wotta geeciyone.

2 Qorontoosi 13:11

Illa ta maneenaꞌote! Emiribote. Kaamoo tunebote. Ta ciicoon waayebote. Ikke mulloona tunebote. Diggoona beebote. Shunee Nuggishoonaa diggee Nuggishoona tuneti Yeeri ittoshina tookki tunemmone.

Efesooni 6:10

Illa and, Doono Yesuusinaa bi ooge giidoona kupphebote.

Yibbaatoo 12:18

Ne Nuggishoo Doono Yeeri kaaccimmi xaaꞌoochaa ne, ne anaami bushiishoonaa ne maache bushiishoona, ne guunonaa ne gonneena, ne beeti katemooch koteti Lewee asheenaꞌoo ne Nuggishoo Doono Yeeri aafoochaa maayemmo ittoshine. Ne kishoona ne shuuneti mooyo bullina ne Nuggishoo Doono Yeeri aafoochaa emiremmo neene.

Yibbaatoo 16:11

Newoo, ne anaami bushiishoonaa ne maache bushiishoona, ne guuninaꞌonaa ne gonneenaꞌona, ne beeti katemooch koteti Lewee asheenaꞌonaa shiqqeenaꞌona, nihaalleenaꞌonaa neenna tookkii beeti xuumeenaꞌona, ne Nuggishoo Doono Yeeri biich ittoshi goyinnemmoyich bi kaacciti xaaꞌoochaa, bi aafoochaa emiremmo ittoshine.

Filipphisiyoosi 3:3

Iberoon dokireeto, Ayaanoona Yeerich goyinneebeeti, Kiristoos Yesuusina geeciibeeti, meechi doyoona geecaani, noani boonoshi tooneenaꞌone.

Filipphisiyoosi 4:4

Bulli aaboon Doono Yesuusina emiribote; daakkaꞌa gettoye, emiribote!

Filipphisiyoosi 4:8

Illa ta maneenaꞌote! Gaawe mooyon woyee galleteya bede mooyon baach gabibote. Eboshiyoo ibere mooyo bullin, gaawe mooyo bullin, kaame mooyo bullin, xalle gaboo beeti mooyo bullin, emirikkiibeeti mooyo bullinaa naadoo beeti mooyo bullinon gabibote.

1 Tasaloonqi 4:1

Illa ciiroochaa no maneenaꞌote! Yeerin emirikkoyich gaawe qocoona ittoshi beemo ittoshi tuniiya bede mooyo bi tunoon ittoshich no dojjaa waayeto ittoshine; andoo ebiyoommi gaawe qocoona beeto ittoshine; tunebaani wotta ebiyee beshoon ittoshi tuniyemmoyich no Doono Yesuusina ittoshin qollaabeeto noone; ciiccaanoo beeto noone.

1 Tasaloonqi 5:16

Bulli aaboon emiribote;

Yaaqobi 1:2

Ta maneenaꞌote! Baribare iritoo ittoshi toommooch bi shagiyooba, Kiristoosi toommooch mulloon tooꞌiyoona ittoshi manjoo haaꞌiyoon immiibeeto bi tunoon ariiree, ebiyoommi iritoon ceeni emiroommon shaahiree ciinote.

1 Pheexiroosi 3:8

And ciiroochaa ta gettaabeeto, ittoshi bulli ikke mulloona beebote; ikke ashi iritoon ittoshi qelli iritoommon tuniiree ciinote; manaamanoochoommon ittoshinaa ittoshina shunebote; ariqqechonaa gaꞌi deꞌoonon tunebote.

1 Pheexiroosi 4:13

Tunebaani bi oogee yiiroo gaxxeehooba oogichi ittoshi emiremmoyich, and kiristoosichi xuuxee qoodeyecho ittoshi tunetoyich emiribote.

2 Pheexiroosi 3:1

Ta shunechinaꞌote! And ittoshich ta kooraa beeti wocho hini guttinnee wochoone. Ebiyee aaf yaafe keemechinaꞌo gettiti qaaroon, wotta mishiraachechinaꞌo ittoshich dojjiti no Doononaa noon Wodiyechonochi getoon ittoshich shalligichaabee, ebi gutte ta wochoona tate gaboon ittoshi gabemmoyich ittoshin shuurikkiya koorito taane.

1 Saameeli 2:1

Haanni ishichaꞌa corootiyan: “Ta mullo Doono Yeerina oogichii emiritone; Doono Yeerina kaama ciixeti taane. Taan bi wodiyoona oogichaa ta emiritoyich, ta etteenaꞌo toommooch miicceti taane.