Filipphisiyoosi 2:8 - Kafa Linguistics Project

⁸ Bi qelloon giishiihe; qitooch beddaahaa, ebiyoo masqalee toommooch yooddeꞌi qitooch beddaahaa, Yeerich deꞌa iye.

Filipphisiyoosi 2:8 ပူးပေါင်းရင်းမြစ်များ

Shoddo 22:16

Guuphiti gonde asheenaꞌo, kunaaneenaꞌochoommon taan giichiyeete; ta kishoonaa ta baatoonooch kochiyeete.

Shaahiyoo 15:33

Doono Yeerin shato, shalligoon doyoone; qelloon giishiyoo, oogoyee shiichoone.

Maatiyoosi 17:2

Aroochaa boonoshi aafooch shaddeehe; bi aafo aabeechoommon aaxxehe; bi taheti qoreddoo oogichii naccee wacwacciye.

Maatiyoosi 26:39

Boonoshi aafoochee giishechoon wokkiꞌi hammiye. Baroona guufeechii corootiibee, “Ta Nihoocho, tunesho gaata, hini xuuxee xoofoon ta waanee wokkiibe. Tunetaa ne daaggoo tunebaani, ta daaggoo tunaaye” iye.

Maatiyoosi 26:42

Wotta guttinnoon hammiꞌi corootiibee, “Ta Nihoocho, hini xuuxee xoofoon uyo taach bi qaawiigaata, ne daaggoo tunebe” iye.

Luqaasi 9:29

Aroochaa corootii bi beetaa, bi malleto shaddeehe; bi taheti tahoo nacceꞌi phaqqiye.

Yowannisi 10:18

Ta shuniree qitehoani, ta shunaanoon taan wuxemmo aalloone. Qitoonaa qitoochee timonoyich hakkoo taach beetone; ta Nihoo ‘Ebin tuniibe’ itone” iye.

Yowannisi 14:31

Tunebaani Nihoo Yeerin ta shunon alemo ariyemmoyich, Nihoo Yeeri ‘Tuniibe’ bi ito bullin shuunaabeeto taane. “And tibote; hiniichee hambone” iye.

Yowannisi 15:10

Ta Nihoo ‘Tuniibe’ iꞌi bi gettiton ta ceechoommon, bi shunoonoo ta beemoommon, ‘Tuniibote’ iyaꞌa ta getteton ittoshi ceechigaata, ta shunoona beeyemmo ittoshine.

Yowannisi 4:34

Yesuusi wochiꞌi boonoshich ishichiye: “Taach maayo geto, taan wochetochi daaggoon ceechoonaa bi shuunoon ciichoonane.

Mishiraachechinaꞌo 8:33

Cooneehe; xuꞌee nalloon bi toommooch nalliyeete; ‘Bi kasho showee toommooch beeyaaye’ getaa bi bachetoyich, bi shiijjeroon konine haddoon hakkemmo?” ii beetoniye.

Roomi 5:19

Ikke uro Yeerichi getoon bi shaaddetoyich meetinaꞌo axaaxechinaꞌo tunetoommon, ebiyoommon wotta ikke uro Yeeri gettiton bi ceechitoyich meetinaꞌo cadiqeenaꞌo tunemminaꞌone.

2 Qorontoosi 8:9

No Doono Yesuus Kiristoosichi gaawe wojjoon ariito ittoshine; aroo amoommon gaannecho bi tunetaanoona, bi giroona gaannecho ittoshi tunemmoyich, ittoshicha iꞌi girechon tunehe.

Galaati 3:13

“Mixooch yooddeebeeto bulli uppetone” getaa kooreetone; ebich Kiristoosi noocha iꞌi uppeton tuneꞌi sheeroo no toommooch deebemmi ufoochee noon biishehe.

Yibbaatoo 21:23

ebi dubenoon arooch qeejjaanoon arooba duuhe. Ebiyoo mixooch yooddeto Yeerina uppeto bi tunetoyichiye. Ne Nuggishoo Doono Yeeri ne woraashemmoyich neech bi immiibeeti showoon ne eeꞌiyaachemmoyich arooba duuhe” iye.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

Hibireena'o 12:4

Damoon ittoshi ukkimmi wottoon axaaxoona tookkii batt qiicceyaano ittoshine.

1 Pheexiroosi 2:24

Axaaxoyich qitiree cadiqee shuunoon shuunebee no beeyemmoyich, bi qelloona bi meenona michi toommooch yooddeꞌi no axaaxoon shaaggiye; yexxeꞌi bi mayetoyich, wodito ittoshine.

1 Pheexiroosi 3:18

Ebiyoommon Kiristoosi Yeer waan noon giddiyoyich, bi qelloona bi cadiqo tuneebee, hukkechinaꞌoyich ikke wottoon ashi axaaxee naboona xuuxoon beeggiꞌi qititone; meenona qitiye; tunebaani ayaanoona beeyechon tunehe.