Filipphisiyoosi 2:7 - Kafa Linguistics Project

⁷ tunetaa guuchi malletoon yechiꞌi, ashi shaahoona daneꞌi, bi qelloon shokko tuniihe; ashi shaahoonoo bekkehe.

Filipphisiyoosi 2:7 ပူးပေါင်းရင်းမြစ်များ

Shoddo 22:6

Tunebaani ta hipperoo taane; asho toono taane; ashoona cooneyaꞌa hoxeeto taane.

Isiyaasi 42:1

Doono Yeeri ishichiye: “Deggaa ta yecheti, ta kaacceti, biinna ta emiriti, ta guuno hinine; ta Ayaanoon bi toommooch kotiito taane; biyoo aageteenaꞌoyich dayinnetoon kindiyemmone.

Isiyaasi 49:3

Biyoo taach “Israꞌeelo, ne ta guuno neene; neenna oogemmo taane” iye.

Isiyaasi 53:11

Cadiqe ta guuno, bi kashe xuuxetoyee gubb, kasheechi bekkoon beegiree emiremmone; bi ariyoona meetinaꞌon cadiqiyemmone; boonoshi xuꞌoonoo shaaggemmone.

Daaneeli 9:26

Shichaa gutte kaallee shabaatte natoyee gubb, Huutteton wuxemminaꞌone; amolla biich echeyaachemmone. Woyemmi taatoochi ginee naayinaꞌo are katemoonaa yaafee kexonon aalliyemminaꞌone. Bi ciiroo ambamboochoommon diqqoona woyemmone; Yeeri gettiti ginoonaa aalloona ciirooch beddaahaa tunemmone.

Zakaariyaasi 3:8

“ ‘Qeeshee guudo Yaaso, ebin waayebe; ebi neenna tookkii maddeebeeti, gubb woyemmi deꞌe mooyoyich malletoo tuneti asheenaꞌoo ebin waayebeete: Ebiyoche, Ato getteeti ta guunon deejjemmo taane.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Maatiyoosi 12:18

“ ‘Ebiyoche, taach bi wocheyemmoyich ta kaacceti ta naayo, ta shunnaabeeto, taanoo emirikkito hinine. Ta Ayaanoon bi toommooch kotiyemmo taane; biyoo dayinnetoon Aageteenaꞌoyich gettemmone.

Maatiyoosi 20:28

Ashi Busholla wocheyoonaa bi kashoon meetinaꞌochi keroyich deejjoonoyich waahalli, boonoshi biich wocheebeete iꞌi waataanoone” iye.

Maariqoosi 9:12

Biyoo wochiꞌi boonoshich ishichiye: “Iberoone; Eliyaasi shiichiree woyemmone; waaree bulli mooyon tachemmone. Tunetaa Ashi Bushoo wodde xuuxoon beeggemmo, hoxeyemmoo bi tuno bi kooreeto amoyichiye?

Luqaasi 22:27

Madooch kotee beetonaa wochee beetonoochee konine oogoo? Madooch koteebeeto toone? Tunebaani ta ittoshi daggoochee wochee bushoommo taane.

Yowannisi 1:14

Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.

Roomi 1:3

Ebi mishiraachoo Daawiti yaroochee meenona shiijjeti, yaafittinee Ayaanoona qitoochee bi timona Yeerichi Bushoo bi tuno ooge giidoona bekketi, Yeerichi Bushoo no Doono Yesuus Kiristoosichone.

Roomi 15:8

Kiristoosi Ayihudeenaꞌochi maddecho bi tuneto, Yeeri gibeneeto bi tunoon bekkiiya qaabbechinaꞌoyich gibenikkeeti gibenee qaaroon bi ceechoyichiye;

Roomi 8:3

Meeno hakkaano bi tunetoyich, sheeroo tuniyoon hakkaani mooyon Yeeri hakkiye; Yeeri axaaxoon wokkiiya, bi hajjee Bushoon axaaxechi meechi shaahoona wocheꞌi, meenon hajjiibeeti axaaxee toommooch naxoon kindiihe.

2 Qorontoosi 13:4

Biyoo hakka guutoo tuneꞌi masqalee toommooch yoodaa bi qititaanona, and Yeerichi giidoona kashoona beetone. Nowoo wotta biichoommon hakka guutoo tuneto noone; tunebaani ittoshina tookkii noon daniibeeti mooyona Yeerichi giidoona biinna tookki kashechon tuneree beeyemmo noone.

2 Qorontoosi 8:9

No Doono Yesuus Kiristoosichi gaawe wojjoon ariito ittoshine; aroo amoommon gaannecho bi tunetaanoona, bi giroona gaannecho ittoshi tunemmoyich, ittoshicha iꞌi girechon tunehe.

Galaati 4:4

Tunebaani Yeeri noon bi bushiishoon tuniiya iꞌi sheeroyich hajjeeꞌi beetinaꞌon biishe bi kichemmoyich, yemeeno shagiyooba bi Bushoon wochehe; wochee waa maachee waanee shiijjeꞌi sheeroyich deꞌa iibee beehe.

Filipphisiyoosi 2:6

Biyoo bi shuriyoona Nuggishoo tuneebee, Yeerina tookkii tato tuneꞌi echoon shunaanoone;

Hibireena'o 13:3

Boonoshina tookkii cucheton shaahiree cuchetinaꞌon gabibote; xuuxee toommooch beetinaꞌon ittoshi wotta boonoshichoommon xuuxee toommooch beeton shaahiree gabibote.

Hibireena'o 4:15

Axaaxoon baach shuuneyaachalli, bulli gommona noochoommon daabiloosi biin gondoon shuuniiya qiiccetaa beeggitone; ebich no maraato biich waayeyaani, qeeshee guudo toonoone.