Filipphisiyoosi 2:22 - Kafa Linguistics Project

²² Tunebaani bi, gibeneeto bi tuno manjitone. Bushoo bi nihoyich aajjii bi shuunoommon taanna tookkii mishiraachee qaaree shuunoon aabichiꞌi bi shuuneto gaata ariibeeto ittoshine.

Filipphisiyoosi 2:22 ပူးပေါင်းရင်းမြစ်များ

Mishiraachechinaꞌo 16:2

Ximootiyoosi Lisxirinaa Iqooniyooninooch beeti kittinnee maneenaꞌona naadeetone.

1 Qorontoosi 16:10

Ximootiyoosi taachoommon Doono Yesuusichi shuunoon shuunee beetone; ebich ittoshi waan bi waagaata, ittoshina tookkii bi beemmi wottoon gaabbaalloon bi beeyemmoyich tuniibote;

1 Qorontoosi 4:17

Ebichi naboyich shucheti, gibeneeti, Doono Yesuusina ta bushoo tuneti Ximootiyoosin ittoshi waan wochaabeeto taane. Bulli xaaꞌooch beeti kittinnee guuphinaꞌo bullich ta dojjaabeeti doyoommon, Kiristoos Yesuusina taach beeti kashee gommon aroo ittoshich shalligichemmone.

2 Qorontoosi 2:9

Are aafi wochoon ittoshich ta kooriti naboo, bulli mooyona ta getoon waayeebeeto ittoshi tunoon manjii ariyoyich ta qaawitoyichiye.

2 Qorontoosi 8:22

Wotta wodde wottoon wodde mooyona xiishaa manjiiꞌa no ariiti bare no manoon boonoshina tookkaa daachiibeeto noone; biyoo ittoshin oogichii bi gibenee beetoyich, ittoshin gaachoyich woddoon qiiccee beetone.

2 Qorontoosi 8:24

Ebich boonoshin ittoshi shunonaa ittoshi toommooch nooch beeti geecoona tato bi tunoon kittinnee guuphinaꞌo bullich bekkiibote.

2 Qorontoosi 8:8

Tuniibote immi gommona ebin ittoshich getaache; tunebaani bareenaꞌo gaachoyich am shaahoon boonoshi qiicceebeeto gaata bekkiyoona, ittoshi shuno am shaahe iberoo bi tunoon beegoyichiye ta gettaabeeto.

Filipphisiyoosi 1:12

Ta maneenaꞌote! Ebi ta toommooch shaggiti mooyo iberoon mishiraachee qaaroon bi gamichoon ittoshi ariyemmoyich shunnoye.

Filipphisiyoosi 1:16

Eboshi taan boonoshi shunnii beetoyich, Yeerichi mishiraachee qaaree iberittinoon xiishi ta bekkiyemmoyich ebi shuunoo taach icheyoon ariiꞌi shunoona gettii beetinaꞌone.

Filipphisiyoosi 1:7

And cuyee kexooch cuchaꞌa ta beetaa, wotta mishiraachee qaaree iberoyich taggaa, aroonoo manjii ta beetaa, ittoshi bulli ebi shuunoyich taanna tookkii Yeerichi wojjee qoodeyecho ittoshi tunetoyich ta mulloochee batteyaachote. Ebichoo ebi ittoshi bullichon ta gaboo tatoone.

Filipphisiyoosi 2:20

Ittoshi diggoyich mulloochee tiijjiꞌi gabiibeeto, biinoommi bare asho koniyoona taach aalloone.

1 Ximootiyoosi 1:18

Ta bushoo Ximootiyooso, ebiyee aaf neechon keemoona bi getteetoommon, hini wochoon neech adereto taane. Are keemoon shalligibee, kuppheree gaaweti koyoon koyebe.

1 Ximootiyoosi 1:2

Kiristoos Yesuusi toommooch mullee tooꞌiyoona ibere ta bushoo tuneti Ximootiyoosich: Nihoo Yeerinaa no Doono Kiristoos Yesuusina waanee wojjoo, ariqqoonaa diggoona neech tunebe.

1 Ximootiyoosi 4:6

Hini neech ta getteti mooyinaꞌon kittinnee ne maneenaꞌoyich ne shalligichi gaata, Kiristoosi toommooch mulloon tooꞌiyee qaaroonaa and beddaahaa ne dabbaabeeti gaawe doyoona manjiree Kiristoos Yesuusichi gaawe maddechon tunemmo neene.

2 Ximootiyoosi 1:2

Ta shunnaabeeti ta bushoo Ximootiyoosich: Nihoo Yeerinaa no Doono Kiristoos Yesuusina waanee wojjoo, ariqqoonaa diggoona neech tunebe.

2 Ximootiyoosi 3:10

Tunebaani ne ta dojjaabeeti doyoonaa ta qocoonon, ta gaboonoo, Kiristoosi toommooch taach beeti mullee tooꞌiyoonoo, ta haaꞌiyoonoo, maneenaꞌon ta shunonoo, eboshi bullina ta kupphoonoo,

Titoosi 1:4

Kiristoos Yesuusi toommooch mulloon no tooꞌiyoona ibere ta bushoo tuneti Titoosich: Nihoo Yeerinaa noon Wodiyechi Kiristoos Yesuusina waanee wojjoonaa diggoona neech tunebe.