Filipphisiyoosi 2:14 - Kafa Linguistics Project

^14-16 Gondoonaa xummoona tuneti shiijjeree daggooch oonaalli, bachaalli xalle Yeerichi bushiishoo ittoshi tunemmoyich, guruuxaanoon, hayeyaanoon bulli mooyon tuniibote. Kashoon immiibeeti Yeerichi qaaroon boonoshi daggooch getibee hini alemooch xojjenoochoommon bekkemmo ittoshine. Ebich ta woconaa ta aayona duubo bi tunee qayo Kiristoosi wotteꞌi bi waahooba taach geecoo tunemmone.

Filipphisiyoosi 2:14 ပူးပေါင်းရင်းမြစ်များ

Shoddo 106:25

Boonoshi duukkaani duukkaanoochaa guruuxiyeete; Doono Yeerichi qaaroon waayemmon qajjiyeete.

Shaahiyoo 13:10

Geecoo yexooch bechiye; tunebaani ciicoon deqqii beetinaꞌo mullechinaꞌone.

Haddoo 14:27

“Hini gonde iitoo ta toommooch bi guruuxi beeyemmo, aati wottooniye? Israꞌeeleenaꞌo ta toommooch boonoshi guruuxiibeeti guruuxoon waayeto taane.

Maatiyoosi 20:11

Boonoshi deqqitoyee gubb ‘Hini gubb waatinaꞌo ikke saato baach shuuneheete; no heeyi xumoon aabee sheelloona miccaabee maraataa heecheti noonna deebaa tachinne?’ iꞌi woyinee doono toommooch guruuxeeheete.

Maariqoosi 14:5

Ebi shitto keejje balle diinaaroyee beshe gatiyoona kemaa girechinaꞌoyich amoyich icheyaache?” iꞌi boonoshinaa boonoshina yibbaateheete; ureenoo kaareheete.

Maariqoosi 9:14

Ebiyee gubb, Yesuusinaa keejje bi dabbeenaꞌona eche bi dabbeenaꞌo waan wottee waaꞌi, dofee asheenaꞌo boonoshin giichiꞌi, Muusichi Sheeree dojjechinaꞌo boonoshina tookkii gajjitee beetaa beeggiyeete.

Luqaasi 5:30

Ebich Fariseenaꞌonaa boonoshi guuphinaꞌo tuneti Muusichi Sheeree dojjechinaꞌona “Amoyichiye gabiyee guudeenaꞌonaa axaaxechinaꞌona tookkiꞌi maa uchii ittoshi beeto?” iꞌi Yesuusichi dabbeenaꞌo toommooch guruuxeeheete.

Mishiraachechinaꞌo 15:2

Ebich Phawuloosinaa Barnabaasina hini asheenaꞌona tookkii kaaree shaceꞌi, meeti gommona taggeheete. Ebich Phawuloosinaa Barnabaasinon, wotta boonoshina tookkii beetinaꞌo daggoochee ikkikkeenaꞌon kaacciꞌi, “Yerusaalem beeti mishiraachechinaꞌonaa geeneenaꞌona waan hamiree hini mooyon echeebote” iyeete.

Mishiraachechinaꞌo 15:39

Ebich kaareꞌi shaceheete. Aroochee Barnabaasi Maariqoosin yechii markaboona Qoophiroos hammiye.

Mishiraachechinaꞌo 15:7

Oogichii boonoshi yibbaatetoyee gubb, Pheexiroosi tiyiꞌi ishichiye: “Ta maneenaꞌote! Aageteenaꞌo ta noonoochee mishiraachee qaaroon waayeree Yesuusi toommooch mulloon boonoshi tooꞌiyemmoyich, Yeeri meeti natoyee aaf ittoshi daggoochee taan bi kaacon ariibeeto ittoshine.

Mishiraachechinaꞌo 6:1

Aroobee yemeenooch Yesuusichi dabbeenaꞌo meettii meettii boonoshi qeyimmona, Giriikee noonoon yibbaateebeeti Ayihudeenaꞌo Yihudee showooch shiijjeti Ayihudeenaꞌo toommooch guruuxiyeete. Ebiyoo qemi qemona boonoshi deggiibeeti degoochee Giriikee noonoon yibbaateebeeti xuume maacheenaꞌoyich boonoshi guutiitoyichiye.

Roomi 12:18

Asho bullina tookkii diggoona beemoyich ittoshich hakkeeto bullin tuniibote.

Roomi 14:1

Illa ittoshi daggoochee Kiristoosi toommooch mulloon tooꞌiyoona batt kuppheyaani asho bi beegaata, shiqqiyaahote; bi gabiibeeti gaboyich gajjiteyaahote.

Roomi 16:17

Illa ta maneenaꞌote! Ittoshi doyiti doyoon shixona ashoonaa ashoonochi daggooch barbarittinoon hallii beetinaꞌo waanee, xugo tuneebeeti asheenaꞌo waaneenoo ittoshi qelloon ittoshi quyemmoyich ittoshin qollaabeeto taane; eboshi waanee baribote.

1 Qorontoosi 10:10

Boonoshichoommon guruuxaayone; boonoshi daggoochee ikkikkeenaꞌo guruuxaa, aalliyecho kindiꞌi boonoshin aalliitone.

2 Qorontoosi 12:20

Ittoshi waan ta waahooba, diqqich ta gabitoommon tuneree daneyaachemmo ittoshine; tawoo wotta ittoshi gabitoommon tuneree daneyaachemmo taane. Hayo, qanaato, kaaro, “Ta besh taane” geto, oono, ashi shigee shaaꞌiyoo, geecoo, cangecho ittoshi waan beemo qayaache iyaꞌa shattaabeeto taane.

Galaati 5:15

Tunebaani ittoshinaa ittoshina ittoshi geccee beegaata, ittoshi dafee beegaata, ikkooch ittoshi aalleyaachemmoyich ittoshi qelloon ariibote!

Galaati 5:26

Noonnaa noonna qemeteyoonaa qanaatoona beebee duuboon geecaayone.

Filipphisiyoosi 2:3

Ittoshi qelloon giishiyoona “Ta manoo tayee gaawiye” getiree gabibotalli, beshi bekkeya getiree woyee duube naadoon daneya getiree ikke mooyonona tuniyaahote.

1 Tasaloonqi 5:15

Ittoshi daggoochee koniyoona baroyich gondoochi qoodoon gondoona bi wochaachemmoyich bayote. Tunebaani bulli aaboon ittoshinaa ittoshina, wotta asho bullich gaaweton tuniyoyich qiiccebote.

Hibireena'o 12:14

Asho bullina tookki diggoona beemon qaawibote; yaafeyaanoon Doono Yeerin beegon hakkemmo aalloone; ebich yaafittinoona beemoyich qaawibote.

Yaaqobi 1:20

Ashi kaaro Yeerin emirikkiibeeti cadiqee shuunoon shuuneyaachemmone.

Yaaqobi 3:14

Tunebaani kupphe qanaatoonaa beshi bekkeya getona ittoshi mullooch bi beegaata, ariyechon shaahiree geeciyaahote; iberee toommoochoo koottaahote.

Yaaqobi 5:9

Ta maneenaꞌote! Yeeri ittoshi toommooch bi nallaachemmoyich, ittoshinaa ittoshina guruuxiyaahote. Ebiyoche, nallecho kelletooch katinniꞌi neexetone.

1 Pheexiroosi 3:11

Gonde mooyoochee bara shokiree, gaawe mooyon shuunebe; ashoona tookkiree diggoona beemon kupphiiree qaawibe.

1 Pheexiroosi 4:9

Guruuxeyaanoon ittoshinaa ittoshina ikkoo baroon iibbiibe.

Yihudi 1:16

Eboshi guuqqii guruuxii beetinaꞌone; boonoshi hajjee qaatoon dabbii beetinaꞌone; geeciibee boonoshi qellichon yibbaatee beetinaꞌone; ashi waanee gaacoon daneya, ashoon naadii beetinaꞌone.