Filipphisiyoosi 2:12 - Kafa Linguistics Project

^12-13 Gaawe bi daaggoon ittoshi qaawemmoyich, are bi daaggoonoo ittoshi ceechemmoyich, bulli aaboon ittoshina shuuneebeeto Yeerine. Ebich shucheti ta maneenaꞌote! Bulli aaboon ta ciicoyich ittoshi deꞌa itoommon, ittoshina tookkaa ta beetaa baach tuneyaanoon beshoon and ittoshi waanee ta wohi beetaa, ta ciicoyich deꞌa getote. Ittoshi daneti wodoo ceeno bi tunemmoyich shati qewebee kuppheree shuunebote.

Filipphisiyoosi 2:12 ပူးပေါင်းရင်းမြစ်များ

Iziri 10:3

Ebich no Nuggishoochi getoon shattiibeeti asheenaꞌonaa ta doono neennochi ciicoommon, ebi maacheenaꞌo bullinaa boonoshi bushiishoonon daachiyoyich, no Nuggishoo aafooch wogoon gibone; ebiyoo sheeroo gettii beetoommon tunebe.

Shoddo 119:120

Ta ashittino neen shatona qewehe; ne dayinnetoon beeggaꞌa shattehoye.

Shoddo 2:11

Doono Yeerin shatona maddebote; qewebeeshoo biich hajjeebote.

Shaahiyoo 10:16

Cadiqoochi shuunee aafo kasho waan biin yaabiye; tunebaani gonde asho daneebeeti gijjoo axaaxooch biin yaabiye.

Shaahiyoo 13:4

Yeexeroo oogichii bi qaatitaa, amoonolla daneyaache; tunebaani kupphee shuuneebeeto michiye.

Isiyaasi 66:2

Ebi bulli mooyon hallito taane; ebich ebi bulli mooyo taachone. Tunebaani ta ciinnaabeeto, boonoshi mullo tiishetinaꞌo waan, qelloon giishiyee ayaanechinaꞌonaa ta qaaroon oogii beetinaꞌona waaniye.

Isiyaasi 66:5

Doono Yeerichi qaaroon shattii beetinaꞌote, bi qaaroon waayebote: “Ittoshin shixxiibeeti, ta shigoyich ittoshin yookkiibeeti ittoshi maneenaꞌo ‘Ittoshi emiroon no beeggemmoyich, eke Doono Yeeri bi oogoon bekkiibe’ itinaꞌone; tunebaani yeellemminaꞌo boonoshi qelloona boonoshine.

Maatiyoosi 11:12

Aacona Afaallechi Yowannisi yemeenoochee tiijjiꞌi hanaach beddaahaa boggechinaꞌo giidechi koyoona shimaajji taatittineen kochitinaꞌone; biin bogga tiyitinaꞌone.

Maatiyoosi 11:29

Tawoo gaꞌi deꞌoonaa ta qelloon giishii beetona ta tunetoyich, ta waanjeen shaagote; ta waaneenoo doyibote. Arooba ittoshi kashe kashemmine.

Mishiraachechinaꞌo 16:29

Cuyee kechi quyecho “Ceechoon taach deebote” iꞌi ceechii yechiꞌi, cuyee kechi maac wocciye; qeweebee Phawuloosinaa Sillaasinochi baatooch dihiye.

Mishiraachechinaꞌo 9:6

And tiyiree katemooch gibe; ne tuniyemmo neech getteyemmone” iye.

Roomi 2:7

Gaawe mooyon shuunoona kuppheebee oogee yiiroonaa naadoonon, bulli yemeenee kashoonoo qaawii beetinaꞌoyich, bulli yemeenee kashoon immemmone.

1 Qorontoosi 15:58

Illa ta shunnaabeeti ta maneenaꞌote! Manjiree neexebote, shuuriyaahote; Doono Yesuus Kiristoosich ittoshi aajjiibeeti aayo duubo bi tunee qayon ariito ittoshine. Ebich bulli aaboon Doono Yesuus Kiristoosichi shuunoyich ittoshi qelloon guudiiree imbote.

1 Qorontoosi 2:3

Ebich ittoshi daggooch ta yagito giidoo qachaabee, shattaabee, oogetonoo qewaabeeniye.

1 Qorontoosi 4:14

Hini mooyon ittoshich ta kooraabeeto, aaxxe ta hajjee bushiishoommon ittoshin kaareꞌi ciicoyichalli, yeelliyoyich toonoone.

2 Qorontoosi 7:15

Ebich ittoshi bulli biich deꞌa getona, oogeti shatona oogiibee biin aabichiꞌi ittoshi iibbiito gaata gabiibee, ittoshich beeti bi shuno woddee woddee qeyitone.

Efesooni 6:5

Guuninaꞌote, Kiristoosich ittoshi deꞌa ii beetoommon oogiyoonaa shatona mulloochee tiijjiree ittoshi dooninaꞌoyich deꞌa getote.

Filipphisiyoosi 1:27

Illa Kiristoosichi mishiraachee qaaroyich baach bedditon tuneree beebote. Ebi tunegaata, waa ittoshin ta beeggetaa woyee ittoshiyee ta wokketaa, ikke mulloona mishiraachee qaaree gibenoyich qiicceebee ikke ayaanoona manjiꞌi ittoshi neexoon waayemmo taane.

Filipphisiyoosi 1:6

Ebi gaawe shuunoon ittoshina shuunooch giyiti Yeeri, Yesuus Kiristoosi wotteree bi woyemmi aabooch beddaahaa are shuunoon shuune ciichemmo bi tunoon manjiiꞌa ariito taane.

Filipphisiyoosi 2:19

Ittoshi beemo amoommo gaata waayeree ta emiremmoyich, Doono Yesuusichi daaggoo tunegaata, Ximootiyoosin ittoshi waan kaate woche ta daachiyemmoyich gibenaabeeto taane.

Filipphisiyoosi 4:1

Oogichii shunnaa ta sharaataabeeti ta maneenaꞌote! Ta emiroonaa ta naadee gubbichoona ittoshine. Shucheti ta maneenaꞌote! Ittoshich ta gettetoommon ebiyoommon no Doono Yesuusina manjiree neexebote.

Filipphisiyoosi 4:15

Filipphisiyoosi kittinneenaꞌote! Shiichaꞌa mishiraachee qaaroon ittoshich ta gettetoyee gubb Makidoonee showoochee ta keyiyooba, gijjee wojjoon imona taan gaacheto ittoshi baachalli, bare kittinnee guupho koniyoona tunee qayon ariibeeto ittoshine.

1 Tasaloonqi 1:3

Kiristoosi toommooch beeti ittoshi mullee tooꞌiyoon shuunee toommooch ittoshi heechiyoon, shunoochee tiyitona aajjii ittoshi shuunoon, no Doono Yesuus Kiristoosi gibenikkiti gibenoon haaꞌiyoona ittoshi quyonoo no Nuggishoonaa no Nihoona tuneti Yeeri aafooch shalligaabeeto noone.

2 Ximootiyoosi 2:10

Ebiyeenoo Kiristoos Yesuusi waanee wodoonaa bulli yemeenee oogee yiiroonon boonoshi danemmoyich kaachetinaꞌoyicha iyaꞌa hini xuuxo bullin haaꞌiibeeto taane.

Hibireena'o 12:1

Illa ebi shaahe miixeenaꞌo quboochoommon no guudoona boonoshi beetoyich, no wotta shaago bullin, kaafi noon yechemmi axaaxoonoo wokkiibone; no mullee tooꞌiyee shimboonaa tuggoonon tuneti Yesuusin ciinibee, noyee aaf beeti gommon haaꞌiyoona wocone. Biyoo gubb bi danemmi emiroon ciinniꞌi, masqalee toommooch qitoo yeelliibeeto bi tunetaanoona, yeelleyaanoon bi haaꞌiitoyee gubb and Yeerichi taatee qeenooch qanne badd kotetone.

Hibireena'o 4:1

Illa Yeeri no kashemmoyich imma bi gabiti xaaꞌooch no giyemmoyich gibeno nooch beetone; diqqich ittoshi daggoochee koniyoona bedaano tuneree bi daneyaachemmoyich shatone.

Hibireena'o 4:11

Illa ebi areenaꞌo deꞌa boonoshi getti qayi naboona boonoshi dihitoommon koniyoona bi dihaachemmoyich, Yeeri nooch bi immemmi kashee xaaꞌooch gimoyich kupphebone.

Hibireena'o 5:9

Ebi bullin bi ceechitoyee gubb, biich deꞌa ii beeto bullich, bulli yemeenee wodoon immiibeeto tunetone.

1 Pheexiroosi 2:11

Ta shunechinaꞌote! Kashoona koyeebeeti meechi qaatoochee ittoshi wokkemmoyich, hini showee toommooch iibboonaa shiqqoona tuneti ittoshin qollaabeeto taane.

2 Pheexiroosi 3:18

Wotta no Doononaa noon Wodiyechona tuneti Yesuus Kiristoosi immiibeeti wojjoon danoonaa biin ariyoona dicote. Biich andoo, bulli yemeenoonoo oogee yiiroo tunebe. Ameena.