Filipphisiyoosi 2:11 - Kafa Linguistics Project

¹¹ heciyoo bulli Nihoo Yeerin oogiyoyich Yesuus Kiristoosi Doono bi tunoon bi miixemmonoyichiye.

Filipphisiyoosi 2:11 ပူးပေါင်းရင်းမြစ်များ

Shoddo 110:1

Doono Yeeri ta Doonoyich ishichiye: “Ne etteenaꞌon ne baatee dechiich ta tuniimmi wottoon ta qannooch kotebe” iye.

Shoddo 18:49

Ebich neen aageteenaꞌo daggoochaa galletehoye; ne shigoyich galletee shoddoon shoddehoye.

Erimiyaasi 23:6

Bi taatee yemeenooch Yihudee asheenaꞌo wodemminaꞌone; Israꞌeeleenaꞌo keqqaalloon beeyemminaꞌone. Bi ceeggeyemmoo ‘No Cadiqoo Doono Yeeri’ getenane.

Maatiyoosi 10:32

“Ashi aafoochaa taacho bi tunoon miixeebeeto bullich ta wotta shimaayooch beeti ta Nihoo aafoochaa taachone getiree miixemmo taane.

Luqaasi 2:11

Hanaach Daawiti Katemooch Wodiyecho ittoshich shiijjetone; biyoo Kiristoosi getteeti Doonone.

Yowannisi 12:42

Arooba Ayihudee ukkireenaꞌo daggoocheenolla meetinaꞌo boonoshi mulloon Yesuusi toommooch tooꞌiiheete; tunebaani Fariseenaꞌo Ayihudeenaꞌo kiceebeeti kexoochee boonoshi yoohaachemmoyich, xalla kichii getaaneenaꞌone.

Yowannisi 13:13

Ittoshi taan ‘Dojjechone, Doonone’ ii beetote; eeha taane. Ebich ittoshi gettito iberoone.

Yowannisi 13:14

Illa ta ittoshi Doononaa Dojjechona tunaachaa ittoshi baatoon ta machetoyee, ittoshinaa ittoshina ittoshi baatoon macheya beddiyote.

Yowannisi 14:13

Bi Bushoo tawoo, Nihoo Yeerichi oogee yiiroon asheenaꞌoyich ta bekkiyemmoyich, ta shigoona ittoshi qolleebeeto bullin tuniyemmo taane.

Yowannisi 14:23

Yesuusi wochiꞌi biich ishichiye: “Taan shunniibeeto koniyoona bi beegaata, ta getteton ceechemmone; ta Nihoo biin shunnemmone; bi waanoo woyemmo noone; bi waanoo beeyemmo noone.

Yowannisi 17:1

Yesuusiyoo bi dabbeenaꞌoyich ebi bullin bi gettitoyee gubb, kaama shimaajj ciinniꞌi ishichiye: “Ta Nihoocho, saato shaggitone; ne Bushoo ta neen oogiyemmoyich taan oogiibe.

Yowannisi 20:28

Toomaasi “Ta Doonocho, ta Nuggishoocho!” iꞌi wochiye.

Yowannisi 9:22

Biin shiyitinaꞌo ishichito, Ayihudee ukkireenaꞌon boonoshi shattitoyichiye. Ebiyoo Ayihudee ukkireenaꞌo “Yesuusi aroo Kiristoosine” iꞌi miixemmo bi danegaata, aroon Ayihudeenaꞌo kiceebeeti kexoochee boonoshi yookkemmoyich echee boonoshi itoyichiye.

Mishiraachechinaꞌo 10:36

Yeeri ‘Yesuus Kiristoosinane ittoshina tookki ta shunemmo’ iꞌi Israꞌeeleenaꞌoyich mishiraachee qaaroon deejjitone; hini Yesuus Kiristoosi bullichi Doonone.

Mishiraachechinaꞌo 2:36

“Illa Yeeri hini ittoshi yooddiiti Yesuusin, Doononaa Kiristoosinon bi tuniyoon Israꞌeelee asho bulli manjiiree ariibe” iye.

Roomi 14:11

“Doono Yeeri ishichiye: ‘Beeyecho taane; ashi gutenoo bulli taach goyinnemmone; ashi heciyoo bulli Yeeri ta tunoon miixemmone’ itone” getaa Yaafe Macaafooch kooreetone.

Roomi 14:9

Ebiyoo qititinaꞌonoo kashechinaꞌonoo biicho tuniiree hajjoyich Kiristoosi qititoyichiye; wotta qitoochee bi tiyitoyichiye.

Roomi 15:9

wotta Aageteenaꞌo Yeerin bi maaroyich boonoshi oogiyemmoyichiye iyo. Ebiyoo, “Ebich Aageteenaꞌochi daggoochaa neen galletemmo taane; ne shigoyichoo shoddemmo taane” getaa bi kooreetoommoniye.

1 Qorontoosi 12:3

Ebin ariibote: Koniyoona Yeerichi Yaafe Ayaanoona yaabeebee, “Yesuusi uppeto tunebe” getaache; ebiyoommon wotta Yeerichi Yaafe Ayaanoona yaabeyaanoon, “Yesuusi Doonone” geton hakkemmo koniyoona aalloone.

1 Qorontoosi 15:47

Wonnee asho showoochee halleetone; showee ashoone. Guttinnee asho shimaayoochee kinditone.

1 Qorontoosi 8:6

nooch beeto, ikke Nuggishoo baachiye; biyoo Nihoo Yeerine; mooyo bullin hallito, biine; biichiye no beeto. Wotta kittinnoo nooch beeto, ikke Doono baachiye; biyoo Yesuus Kiristoosine; Yeeri bulli mooyon biinnane bi halliito; biinnane no beeto.

1 Yowannisi 4:15

Asho koniyoona “Yesuusi Yeerichi Bushoone” iꞌi bi miixegaata, Yeeri biinna tookkii beetone; biichoo Yeerina tookkii ikkittino beetone.

1 Yowannisi 4:2

Yeerichi Ayaanoon ittoshi ariyemmo ebinane: Yesuus Kiristoosi meenona bi womon miixeebeeti ayaano bulli Yeer magechone.

2 Yowannisi 1:7

“Yesuus Kiristoosi asho tuneꞌi waataanoone” ii beeti meeti muricciyechinaꞌo hini alemooch kechitinaꞌone. Ebiyoommi asho Kiristoosina koyechonaa muricciyechonane.

Yaaꞌoo 3:5

Gondoochi giidoon kochii wochito ebiyoommon nacce tahoon tahemmone. Bi shigoon kashee macaafoochee hidaachemmo taane; ta Nihoonaa bi maraakeenaꞌonochi aafoochaa bi shigoon arichiyemmo taane.