Filipphisiyoosi 1:6 - Kafa Linguistics Project

⁶ Ebi gaawe shuunoon ittoshina shuunooch giyiti Yeeri, Yesuus Kiristoosi wotteree bi woyemmi aabooch beddaahaa are shuunoon shuune ciichemmo bi tunoon manjiiꞌa ariito taane.

Filipphisiyoosi 1:6 ပူးပေါင်းရင်းမြစ်များ

Shoddo 138:8

Doono Yeeri bi daaggoon ta toommooch ceechemmone; Doono Yeero, ne shoodo bulli yemeeneechone; ne kishee shuunoo tuneti taan duppaahine.

Yowannisi 6:29

Yesuusi wochiꞌi, “Yeeri qaawiibeeti shuunoo, bi wochee deejjito toommooch mulloon ittoshi tooꞌiyoone” iye.

Mishiraachechinaꞌo 11:18

Ebi Ayihudeenaꞌo ishin waayeꞌi ittibatoon qajjiyeete. Ebiyee “Illa Yeeri Aageteenaꞌo wotta kashoon boonoshi danemmoyich, axaaxee gommoochee Yeer waan wottemmi mulloon boonoshich immitone” iibee Yeerin oogiiheete.

Mishiraachechinaꞌo 16:14

Kiceeꞌi waayeebeeti genneenaꞌo daggooch Liidi getteebeeti, Yeerich qeyaabeeti ikke ure beehan. Biyoo Tiyaxirooni katemoochee waaꞌa, aaxxe gatiyechi damere qoreddoon giixaa beetine. Arooba Phawuloosi gettii beeton manjiiree bi ellemmoyich, Yeeri bi mulloon qechiye.

1 Qorontoosi 1:8

wotta Yeeriyoo no Doono Yesuus Kiristoosi wotteree bi woyemmi aabooba ikke bachaallo ittoshi tunemmoyich, ciirooch beddaahaa ittoshin manjiiree neechemmone.

2 Qorontoosi 1:15

Ebin gibenaꞌa, guttinnoon diiroon ittoshi danemmoyich gabaꞌa, shiichaa ittoshi waan womoyich gabaa kuxxoye.

2 Qorontoosi 2:3

Wochinnoon ta waahooba, taan emirikka bede asheenaꞌo taan boonoshi ayinikkaachemmoyichiye ebi are wochoon eechaꞌa ittoshich ta koorito. Ebiyoo, ittoshi bullich beeti ta gibeno manjoo bi tunetonaa ta emiroo ittoshi emiroo bi tunoonon ta ariitoyichiye.

2 Qorontoosi 7:16

Tawoo bulli gommona ittoshin gibeno ta hakkitoyich, beshoon emirito taane.

2 Qorontoosi 9:4

Diqqich ikkikke Makidoonee asheenaꞌo taanna tookkii waaꞌi, qannaano ittoshi beetaa boonoshi danegaataa, ittoshichon no gibeno am shaahoon noon yeelliyehe! Ittoshiyoo wotta oogichi yeellemmo ittoshine.

Galaati 5:10

Ebiyee bariti mooyon gabaachemmo ittoshi tunoon Doono Yesuusina ittoshin gibenaabeeto taane; ittoshin shuurikkiibeeti asho koniyoona Yeeri nallemmi nalloo bi toommooch shaggemmone.

Efesooni 4:12

Ebin bi tuniito, Kiristoosichi quumo tuneti kittinnee guupho eennemmoyich, yaafeenaꞌon maddee shuunoyich qanniyoyichiye.

Filipphisiyoosi 2:12

Gaawe bi daaggoon ittoshi qaawemmoyich, are bi daaggoonoo ittoshi ceechemmoyich, bulli aaboon ittoshina shuuneebeeto Yeerine. Ebich shucheti ta maneenaꞌote! Bulli aaboon ta ciicoyich ittoshi deꞌa itoommon, ittoshina tookkaa ta beetaa baach tuneyaanoon beshoon and ittoshi waanee ta wohi beetaa, ta ciicoyich deꞌa getote. Ittoshi daneti wodoo ceeno bi tunemmoyich shati qewebee kuppheree shuunebote.

Qolaasiyaasi 2:12

Aacona afaalleyoona Kiristoosina tookkii duukkehote; wotta qitoochee biin tiijjiti Yeerichi shuunee toommooch mulloon ittoshi tooꞌitoyich Kiristoosina tookkii kashechon tunehote.

1 Tasaloonqi 1:3

Kiristoosi toommooch beeti ittoshi mullee tooꞌiyoon shuunee toommooch ittoshi heechiyoon, shunoochee tiyitona aajjii ittoshi shuunoon, no Doono Yesuus Kiristoosi gibenikkiti gibenoon haaꞌiyoona ittoshi quyonoo no Nuggishoonaa no Nihoona tuneti Yeeri aafooch shalligaabeeto noone.

2 Tasaloonqi 1:11

Ebich wotta no Nuggishoo bi ceeggiti gaboyich bedditon ittoshin bi tuniyemmoyich, tuniyoyich ittoshi gabiibeeti gaawe gaboon bi giidoona ceechiree, Kiristoosi toommooch mullee tooꞌiyoona ittoshi tuniibeeti shuunoyich ittoshin bi gaachemmoyich, bulli aaboon ittoshich corootaabeeto noone.

2 Tasaloonqi 3:4

Ittoshich no gettaabeeti mooyinaꞌon and tuniibeeto ittoshi tunoon, gubboo tuniyemmo ittoshi tunoon Doono Yesuusina ittoshin gibenaabeeto noone.

Filimooni 1:21

Ta gettetoyee beshoon tuniyemmo ne tunoon ariiꞌa deꞌa ne gettemmonoo gibenaꞌa kooraabeeto taane.

Hibireena'o 10:35

Illa oogeti gaacoon ittoshich daniyemmo bi tunetoyich, andoo ittoshi aafee kupphoon qajjaahote.

1 Pheexiroosi 5:10

Bulli yemeenee bi oogee yiiroochee ittoshi qoodeyemmoyich Kiristoosina ittoshin ceeggiti, wojjoo bullin immiibeeti Nuggishoo, giisheche aaboon xuuxoon ittoshi beeggitoyee gubb, bi qelloona bi, ittoshich mooyo bullin tachemmone; ittoshin manjiyemmone; ittoshin kupphiyemmone; Kiristoosi toommooch mulloon tooꞌiyoochee ittoshi shuuraachemmoyich ittoshin neechemmone.

2 Pheexiroosi 3:10

Doonochi aabo gaayoochoommon diqqoona shaggemmone; arooba shimaayoo oogeti qaaroona gigebee aallemmone; shimaayooch beeti mooyinaꞌo bulli qaaqqoona miciree aallemminaꞌone; wotta showoonaa bi toommooch beeti mooyinaꞌo bullina miciree aallemminaꞌone.