Filipphisiyoosi 1:27 - Kafa Linguistics Project

²⁷ Illa Kiristoosichi mishiraachee qaaroyich baach bedditon tuneree beebote. Ebi tunegaata, waa ittoshin ta beeggetaa woyee ittoshiyee ta wokketaa, ikke mulloona mishiraachee qaaree gibenoyich qiicceebee ikke ayaanoona manjiꞌi ittoshi neexoon waayemmo taane.

Filipphisiyoosi 1:27 ပူးပေါင်းရင်းမြစ်များ

1 Kiinoo 19:12

Yoꞌaabiyoo ishichiye: “Sooriyeenaꞌo taan kochii wochigaata, waaree taan gaachebe; Amooneenaꞌo neen kochii wochigaata, ta neen gaachemmo taane.

Shoddo 122:3

Yerusaalemi katemee, mashaamiitaa shuuneeti manje katemeene; katemoochoommon shuuneetine.

Shoddo 133:1

Maneenaꞌo ikkittinoona beemo, am shaahoon gaawetonaa emirikkitonane.

Shaahiyoo 22:23

Ebiyoo Doono Yeeri boonoshi taggoon taggemmo bi tunetoyichiye; boonoshin boggii beetinaꞌochi kashoon boggemmone.

Erimiyaasi 32:39

Boonoshichoo boonoshiyee gubbi boonoshi bushiisheenaꞌoyichoo bi gaawemmoyich, bulli aaboochoo taan boonoshi shattemmoyich, ikke mulloonaa ikke gommonon immemmo taane.

Maatiyoosi 12:25

Tunetaa Yesuusi boonoshi gaboon ariiꞌi boonoshich ishichiye: “Ikke taatee showooch beeti asheenaꞌo boonoshinaa boonoshina kaareꞌi shacegaata, are taatittine aallemmine. Wotta ikke katemooch woyee ikke kexooch beeti asheenaꞌo boonoshinaa boonoshina kaareꞌi shacegaata, are katemoo woyee are kexo neexeyaachemmone.

Mishiraachechinaꞌo 2:46

Bulli aaboon ikkooch yaafee kexooch kiceebee, boonoshi kexi kexooch ataalleebee, emiroonaa gaawe mulloona ikkooch maa beeheete.

Mishiraachechinaꞌo 24:24

Giisheche aaboyee gubb iraashoo Filikisi bi mechee Ayihudechee Durisilina tookkii waahe; Phawuloosin ceekkiiꞌi, Kiristoos Yesuusi toommooch mullee tooꞌiyoo geto ama geto gaata bi gettii beeton bi noonoochee waayehe.

Mishiraachechinaꞌo 4:32

Arooba Yesuusichi asheenaꞌo bulli ikke mullo, ikke kasho tuneheete; boonoshi daggoochee koniyoona “Hini gijjoo taachone” getaanoone; bullin gogeꞌi ikkooch qoodee beeheete.

Roomi 1:16

Mishiraachee qaaroona yeelleyaache. Yesuus Kiristoosichi mishiraachee qaaro boonoshi mulloon Kiristoosi toommooch tooꞌii beetinaꞌo bullin, shiichiꞌi Ayihudeenaꞌon, aroochee Ayihudo tuneyaaneenaꞌon Yeeri wodiibeeti giidoone.

Roomi 1:5

Aageteenaꞌo bulli daggoochee boonoshi mulloon Kiristoosi toommooch tooꞌiiree biich deꞌa gettemminaꞌo danemmoyich, Yeeri Kiristoos waanaa mishiraachecho tuneree Kiristoosicha getiree ta shuunemmoyich, wojjoon taach immiye.

Roomi 1:9

Ta corootaabeeti aabo bullin kuxaanoon ittoshichon Yeerich shalligichaabeeto taane; bi Bushoochi mishiraachee qaaroon getona ceeni mulloona ta maddaabeeti Yeeri ta miixoone.

Roomi 10:8

Tunebaani Yaafe Macaafo ama ite? “Yeerichi qaaro neyee wokkito toonoone; halla ne noonoonaa ne mulloonoochiye” itone. Ebiyoo no gettaabeeti, Yeeri toommooch mullee tooꞌiyee qaaroone.

Roomi 15:16

Yeeri ebi wojjoon taach bi immito Aageteenaꞌoyich Kiristoos Yesuusichi maddecho ta tunemmoyichiye. Aageteenaꞌo Yaafe Ayaanoona yaafeeree Yeerina shucheti deejjoommon boonoshi tunemmoyich, Yeer waanee taach icheti mishiraachee qaaroon gettaabee qeeshoochoommon maddaabeeto taane.

Roomi 15:29

Ittoshi waan waaree Kiristoos waanee daneebeeti ceeni wojjoon ittoshich qoodemmo ta tunoon ariibeeto taane.

1 Qorontoosi 1:10

Tunebaani ta maneenaꞌote! Ittoshi daggooch kupphe kaaro beemon ikkikke Qelooꞌi kechi asheenaꞌo waanee waayeto taane. Ebiyoo ittoshi daggoochee ikkoo “Ta Phawuloosicho taane” bi immona baroo “Ta Aphiloosicho taane” ii beeto bi tunoon, wotta ikkoo “Ta Keeficho taane” bi immona baroo “Ta Kiristoosicho taane” ii beeto bi tunooniye. Ebich ta maneenaꞌote! Ittoshi bulli ikke yibbaatoon ittoshi yibbaatemmoyich, no Doono Yesuus Kiristoosichi shigoona ittoshin qollehoye; ikke mulloonaa ikke gaboona ikkottebotalli, kaareꞌi baribara guupheyoo ittoshi daggooch beeyaaye.

1 Qorontoosi 15:58

Illa ta shunnaabeeti ta maneenaꞌote! Manjiree neexebote, shuuriyaahote; Doono Yesuus Kiristoosich ittoshi aajjiibeeti aayo duubo bi tunee qayon ariito ittoshine. Ebich bulli aaboon Doono Yesuus Kiristoosichi shuunoyich ittoshi qelloon guudiiree imbote.

2 Qorontoosi 13:11

Illa ta maneenaꞌote! Emiribote. Kaamoo tunebote. Ta ciicoon waayebote. Ikke mulloona tunebote. Diggoona beebote. Shunee Nuggishoonaa diggee Nuggishoona tuneti Yeeri ittoshina tookki tunemmone.

2 Qorontoosi 4:4

Hini alemoon hajjiibeeti gonde nuggishoo Kiristoosi toommooch mulloon tooꞌiyaaneenaꞌo Yeerichi shaahoo tuneti Kiristoosichi oogee yiiree mishiraachee qaaree bekkoon boonoshi beegaachemmoyich, boonoshi gaboon wolliihe.

2 Qorontoosi 9:13

Ebi wojjoon ittoshi imo gibeneeto ittoshi tunoon bekkiyemmone; Kiristoosichi mishiraachee qaaroon iberiiꞌi deꞌa ittoshi itoyich, boonoshinaa bare asho bullinoyich mulloochee tiijjiꞌi ittoshi deggitoyichoo, asheenaꞌo Yeerin galletemminaꞌone.

Galaati 1:7

Ebi are qaaro mishiraachee qaaro toonoone. Tunetaa ittoshin shuurikkoonaa Kiristoosichi mishiraachee qaaroon xummiyoonoyich shunniibeeti ikkikkeenaꞌo beetinaꞌone.

Efesooni 1:13

Ittoshiyoo wotta iberee qaaroon, ebiyoo ittoshi woditi mishiraachee qaaroon, waayeꞌi ittoshi mulloon Kiristoosi toommooch ittoshi tooꞌiitaa, Yeeri bi gibenikkiti Yaafe Ayaanoona biicho ittoshi tunee xiishee maatemoon ittoshi toommooch geddiye.

Efesooni 1:15

Ebich ta wotta Doono Yesuusi toommooch ittoshich beeti mullee tooꞌiyoonaa yaafeenaꞌo bullich ittoshich beeti shunoonon waayaꞌa,

Efesooni 4:1

Illa Doono Yesuusichi maddecho ta tunetoyich, cuchaꞌa beeti ta, Kiristoosi toommooch mulloon ittoshi tooꞌiyemmoyich Yeeri ittoshin bi ceegiyooba bi gettitoommon, mooyo bullina biin emirikkiya biich bedditon tuneree ittoshi beeyemmoyich ittoshin qollaabeeto taane.

Filipphisiyoosi 2:12

Gaawe bi daaggoon ittoshi qaawemmoyich, are bi daaggoonoo ittoshi ceechemmoyich, bulli aaboon ittoshina shuuneebeeto Yeerine. Ebich shucheti ta maneenaꞌote! Bulli aaboon ta ciicoyich ittoshi deꞌa itoommon, ittoshina tookkaa ta beetaa baach tuneyaanoon beshoon and ittoshi waanee ta wohi beetaa, ta ciicoyich deꞌa getote. Ittoshi daneti wodoo ceeno bi tunemmoyich shati qewebee kuppheree shuunebote.

Filipphisiyoosi 2:24

Ta qelloona ta, ittoshi waan kaate ta woyemmoyich Doono Yesuusina gibeneeto taane.

Filipphisiyoosi 3:18

Ebiyee aaf meeti aaboon ebin ittoshich getteto taane. Andoo eeppaabee daakkaa gettoye: Meetinaꞌo boonoshi beemi qocoona Kiristoosichi masqaloyich etto tunetinaꞌone.

Filipphisiyoosi 3:20

Tunebaani no beeyemmi xaaꞌoo shimaayoochiye. Aroochee woyemmi Wodiyecho, biyoo Doono Yesuus Kiristoosin quyaabeeto noone.

Filipphisiyoosi 4:1

Oogichii shunnaa ta sharaataabeeti ta maneenaꞌote! Ta emiroonaa ta naadee gubbichoona ittoshine. Shucheti ta maneenaꞌote! Ittoshich ta gettetoommon ebiyoommon no Doono Yesuusina manjiree neexebote.

Qolaasiyaasi 1:10

Gaawe shuunoo bullina aafoon aafebee, Yeerin ariyoona dicibee, bulli mooyona kupphoonaa haaꞌiyoona worganikkiibeeti bi giidoommon oogichi kupphebee, Yeeri bi yaafeenaꞌoyich bi qanniiti iristoon bi taatittinee bekkoochee no qoodeyemmoyich noon bechiti Nihoo Yeerin emiroona galletebee, mooyo bullina biin emirikkiya Doonoyich bedditon tuneree ittoshi beeyemmoyich corootaabeeto noone.

1 Tasaloonqi 3:6

Tunebaani and Ximootiyoosi ittoshi waanee no waan wotteꞌi Kiristoosi toommooch ittoshich beeti mullee tooꞌiyee kupphoonaa ittoshinaa ittoshinoyich beeti shunoonon mishiraacha iꞌi gettitone. Bulli aaboon nooch gaawe gaboo ittoshich beemon, wotta ittoshin beegoyich no sharaataa beetoommon, ittoshiyoo wotta noon beegoyich sharaateebeeto ittoshi tunoon gettitone.

1 Tasaloonqi 4:1

Illa ciiroochaa no maneenaꞌote! Yeerin emirikkoyich gaawe qocoona ittoshi beemo ittoshi tuniiya bede mooyo bi tunoon ittoshich no dojjaa waayeto ittoshine; andoo ebiyoommi gaawe qocoona beeto ittoshine; tunebaani wotta ebiyee beshoon ittoshi tuniyemmoyich no Doono Yesuusina ittoshin qollaabeeto noone; ciiccaanoo beeto noone.

1 Ximootiyoosi 1:11

Hini gaawe kittinnittinee doyoo bi daneebeeto, galleteya bede Yeeri taach aderoon bi immiti, oogee yiirechi mishiraachee qaaroocheeniye.

1 Ximootiyoosi 1:19

Kiristoosi toommooch mullee tooꞌiyoonaa axaaxoon tiyaareebeeti xalle mulloonon manjiiree yeshe. Ikkikkeenaꞌo boonoshi mulloona “Axaaxoon tiyaareyaachone” iꞌi, markabo xaqqoona qicceꞌi aacona qoochee bi aalloommon, Yesuusichi toommeexi boonoshi mullee tooꞌiyoon aalliitinaꞌone.

2 Ximootiyoosi 4:7

Gaaweti qiiccoon qiicceto taane; ciirooch beddaahaa dihaanoon wocceto taane; Kiristoosi toommooch mullee tooꞌiyee doyoonoo manjiiꞌa quyeto taane.

Yaaqobi 3:18

Ashoonaa ashoonon shunii beetinaꞌo diggoon halliya shookketi yaroochee boonoshi maciibeeto cadiqee aafooniye.

2 Pheexiroosi 3:11

Ebi bulli ebiyoommon aallemmo bi tunegaata, Yeerichi aabo shagon quyebee, kaate bi woyemmoyichoo afaafinikkibee, yaafeeti qocoonaa Yeerin oogiibeeti beemonon beemo am shaahoon ittoshich qaawiibeeto tunehe? Arooba shimaayoo miciree aallemmone; shimaayooch beeti mooyinaꞌoo oogeti qaaqqee gaamoona muuyi aallemminaꞌone.

2 Pheexiroosi 3:14

Ebich ta shunechinaꞌote! Ebi mooyinaꞌon quyebee, Yeeri aafooch kiinaallo, bachaallo, tuneree mullee diggoona beebee ittoshi danemmoyich kupphebote.

Yihudi 1:3

Ta shunechinaꞌote! No qoodeebeeti wodeechon ittoshich kooroyich oogeti gabee toommooch beechaa, Yeeri yaafeenaꞌoyich ikke wottoon bi immiti, shaddeyaani gibenoyich ittoshi qiiccemmoyich, ittoshin ciicciibee kooroo taach qaawiibeeto tuneꞌi bekkehe.